ខេត្តកំពត ៖ អ្នកបើកបររថយន្តបែនដឹកដីម្នាក់ ត្រូវបានសមត្ថកិច្ចចរាចរណ៍ចាប់ឲ្យកើបអាចម៍ដីដែលកំពប់នៅលើស្ពាន និងតាមផ្លូវជាតិទាំងព្រឹក ខណៈអ្នកបើកបររថយន្តដឹកដីរូបនេះបានដឹកដីតាមបណ្តោយផ្លូវទឹកឈូ រួចឆ្លងកាត់ស្ពានថ្មព្រែកកំពង់បាយដោយ
ខេត្តកំពត ៖ អ្នកបើកបររថយន្តបែនដឹកដីម្នាក់ ត្រូវបានសមត្ថកិច្ចចរាចរណ៍ចាប់ឲ្យកើបអាចម៍ដីដែលកំពប់នៅលើស្ពាន និងតាមផ្លូវជាតិទាំងព្រឹក ខណៈអ្នកបើកបររថយន្តដឹកដីរូបនេះបានដឹកដីតាមបណ្តោយផ្លូវទឹកឈូ រួចឆ្លងកាត់ស្ពានថ្មព្រែកកំពង់បាយដោយពុំបានគ្របតង់តាមការណែនាំរបស់មន្ទីរសាធារណការដឹកជញ្ជូនខេត្ត និងសមត្ថកិច្ចចរាចរណ៍សណ្តាប់ធ្នាប់បណ្តាលឲ្យជ្រុះអាចម៍ដីរាយប៉ាយលើផ្លូវជាតិ នៅវេលាម៉ោង៦និង៣០នាទីព្រឹក ថ្ងៃទី១១ មីនា ២០១៧ ។
លោកវរសេនីយ៍ត្រី ឆែម ហាក់ អធិការរងទទួលផែនចរាចរណ៍សណ្តាប់ធ្នាប់ក្រុងបានឲ្យដឹងថា អ្នកបើកបររថយន្តដឹកដីមានឈ្មោះលាង មួន ភេទប្រុស អាយុ២៥ឆ្នាំ រស់នៅភូមិស្នំប្រាំពីរ ឃុំម៉ាក់ប្រាង្គ ស្រុកទឹកឈូ ។ លោកបន្តទៀតថា ដោយសារតែជ្រុះអាចម៍ដីនៅលើស្ពានច្រើនពេក សមត្ថកិច្ចបានចាប់អ្នកបើកបរថយន្តបែននោះឲ្យកើបដីដែលកំពប់នៅលើស្ពាន និងតាមផ្លូវជាតិឲ្យអស់ ហើយឱ្យបាញ់ទឹកលាងឲ្យស្អាត ដើម្បីកុំឲ្យហុយឬពេលមានភ្លៀងកក់ខែដីដែលកំពប់នោះ នឹងធ្វើឱ្យរអិលអាចមានគ្រោះថ្នាក់ជាយថាហេតុ ។
បន្ទាប់ពីដាក់ទណ្ឌកម្មលើអ្នកធ្វើឱ្យប៉ះពាល់ដល់សណ្តាប់ធ្នាប់សាធារណៈរួច សមត្ថកិច្ចសណ្តាប់ធ្នាប់ក្រុង បានឲ្យអ្នកគ្រប់គ្រងរថយន្ត និងអ្នកបើកបរចុះកិច្ចសន្យាថានិងគោរពតាមការណែនាំរបស់មន្ទីរសាធារណការនិងដឹកជញ្ជូនខេត្ត ព្រមទាំងការណែនាំរបស់សមត្ថកិច្ចចរាចរណ៍សណ្តាប់ធ្នាប់ក្រុងផងដែរ ហើយសមត្ថកិច្ចក៏បានប្រគល់រថយន្តឲ្យទៅអ្នកគ្រប់គ្រងវិញនៅព្រឹកថ្ងៃដដែល
នោះ ៕
ចែករំលែកព័តមាននេះ