ខេត្តបន្ទាយមានជ័យ ៖ ក្រុមបាតុកម្មរ៉ាំរ៉ៃទាមទាររកយុត្តិធម៍រឿងដីចំណីផ្លូវរថភ្លើង ស្ថិតនៅក្រុងប៉ោយប៉ែត កើតមានជាបន្តបន្ទាប់ដែលលើកនេះជាលើកទី៥៤ គិតត្រឹមព្រឹកថ្ងៃទី១៤ មីនា នេះ ។ ហើយនៅរសៀលថ្ងៃដដែល ក៏បានជួបប្រជុំជាមួយក្រុមការងារអន្តរក្រសួងដោះស្រាយផលប៉ះពាល់គម្រោងផ្លូវដែក ។
ក្នុងជំនួបប្រជុំ ធ្វើឡើងនៅសាលប្រជុំសាលាក្រុងប៉ោយប៉ែត ក្រោមអធិបតីភាពលោកលី បូរិន អនុរដ្ឋលេខាធិការក្រសួងសាធារណការ និងដឹកជញ្ជូន តំណាងADB លោកង៉ោ ម៉េងជ្រួន អភិបាលក្រុងប៉ោយប៉ែត តំណាងមន្ទីរពាក់ព័ន្ធក្នុងខេត្ត អង្គការសង្គមស៊ីវិល អ្នកយកព័ត៌មាន និងក្រុមពលរដ្ឋដែលតវ៉ាកន្លងមកជាច្រើននាក់ ។
ជាលទ្ធផលយ៉ាងណានោះ ពុំទាន់ដឹងទេ ប៉ុន្តែបើតាមលោកលី បូរិន បានសុំឱ្យពលរដ្ឋដែលតវ៉ាត្រូវធ្វើបណ្តឹងរៀងខ្លួន ចាប់ពីថ្ងៃនេះដល់ថ្ងៃទី២៥ មីនា ខាងមុខ ដើម្បីពិនិត្យមើល ប្រសិនជាមានពាក់ព័ន្ធមែននោះ ខាងអន្តរក្រសួងនឹងដាក់ជូនប្រមុខរាជរដ្ឋាភិបាល។
ចែករំលែកព័តមាននេះ