ខេត្តសៀមរាប ៖ ឈើប្រភេទគ្រញូងមួយដើម មានអាយុកាលជាង២០០ឆ្នាំ ត្រូវបានក្រុមជនទុច្ចរិតលួចកាប់នៅក្នុងតំបន់ឧទ្យានអង្គរនោះ គឺត្រូវអាជ្ញាធរធ្វើការដកហូត និងប្រគល់ជូនគណៈកម្មការវត្តថ្មីដំរីសែនជ័យ ដែលពេលនេះកំណាត់ឈើបានប្រែក្លាយទៅជារូបបដិមាសំខាន់ៗ សម្រាប់ជាការគោរពបូជារបស់បងប្អូនពុទ្ធបរិស័ទទាំងអស់គ្នា ។
ខេត្តសៀមរាប ៖ ឈើប្រភេទគ្រញូងមួយដើម មានអាយុកាលជាង២០០ឆ្នាំ ត្រូវបានក្រុមជនទុច្ចរិតលួចកាប់នៅក្នុងតំបន់ឧទ្យានអង្គរនោះ គឺត្រូវអាជ្ញាធរធ្វើការដកហូត និងប្រគល់ជូនគណៈកម្មការវត្តថ្មីដំរីសែនជ័យ ដែលពេលនេះកំណាត់ឈើបានប្រែក្លាយទៅជារូបបដិមាសំខាន់ៗ សម្រាប់ជាការគោរពបូជារបស់បងប្អូនពុទ្ធបរិស័ទទាំងអស់គ្នា ។
ពិធីអភិសេកនេះ ធ្វើឡើងចាប់ពីថ្ងៃទី១២ មីនា រហូតដល់ថ្ងៃទី១៤ មីនា ស្ថិតនៅក្នុងវត្តថ្មីដំរីសែនជ័យ ក្នុងភូមិនគរក្រៅ សង្កាត់គោកចក ក្រុងសៀមរាប ដែលមានប្រជាពលរដ្ឋមកពីទីជិតឆ្ងាយចូលរួមយ៉ាងច្រើកុះករ ។
លោក អ៊ិន ដង គណៈកម្មាវត្តថ្មីដំរីសែនជ័យ បានឱ្យដឹងនៅព្រឹកថ្ងៃទី១៤ មីនា នេះថា ឈើគ្រញូងដែលគេកាប់នោះ ត្រូវអាជ្ញាធរខេត្តប្រគល់មកឱ្យវត្តថ្មីដំរីសែនជ័យរក្សាទុកហើយ ក៏បានរកជាងឈើមកឆ្លាក់រូបបដិមាសំខាន់ៗ សម្រាប់ជាការគោរពបូជារបស់បងប្អូនពុទ្ធបរិស័ទទាំងអស់គ្នា ដែលមានចំនួន៦អង្គ ។
ក្នុងនោះ ១-រូបបដិមាព្រះអង្គចេក ២-រូបបដិមាព្រះអង្គចម ៣-រូបបដិមាព្រះអង្គជប់ភ្នំគូលេន ៤-រូបបដិមាព្រះបាទជ័យវរ្មនទី៧ ៥-រូបបដិមាលោកតារាជ និង៦-រូបបដិមាអ្នកតាដំបងគ្រញូង ។ លោកបានបន្តទៀតថា រូបចម្លាក់ទាំងអស់នេះ ព្រះតេជគុណចៅអាធិការវត្តថ្មីដំរីសែនជ័យ បានរៀបចំពិធីអភិសេក នៅថ្ងៃ១៥កើតពេញបរិមី ត្រូវថ្ងៃទី១២ មីនា រហូត ដល់ថ្ងៃទី១៤ មីនា នេះ ។
គួររំលឹកថា ឈើគ្រញូងមួយដើមយ៉ាងធំមានអាយុកាលជាង២០០ឆ្នាំ នៅក្នុងឧទ្យានជាតិអង្គរ ត្រូវបានគេលួចកាត់កាលពីយប់ថ្ងៃទី០៤ វិច្ឆិកា ២០១៦ ស្ថិតនៅភូមិនគរក្រៅ សង្កាត់គោកចក ក្រុងសៀមរាប ។ ហើយត្រូវបានថ្នាក់ដឹកនាំបញ្ជាឲ្យចាប់ខ្លួនអ្នកជាប់ពាក់ព័ន្ធមួយចំនួនយកទៅផ្តន្ទាទោស ។
ចែករំលែកព័តមាននេះ