ADផ្ទាំងផ្សព្វផ្សាយពាណិជ្ជកម្ម

Picture

ស្រូវ​ជាង​១,០០០​ហិ​កតា​លើ​ស្រុក​ចំនួន​៣ ត្រូវ​ខូច​ខាត​ដោយ​ទឹកជំនន់​ទន្លេមេគង្គ និង​ទឹកភ្លៀង

3 ខែ មុន
  • កំពង់ចាម

ស្រប​ពេល​ដែល​ទឹកទន្លេ​មេគង្គ​បាន​ហក់​ឡើង​គួប​ផ្សំ​នឹង​ជំនន់​ទឹកភ្លៀង ដែល​ជា​ហេតុ​ធ្វើ​ឲ្យ​ស្រុក​ចំនួន​៣ ក្នុង​នោះ​រួម​មាន​៖ ក្រូចឆ្មារ ត្បូងឃ្មុំ និង​អូរ​រាំង​ឪ ដែល

ខេត្ត​ត្បូងឃ្មុំ ៖ ស្រប​ពេល​ដែល​ទឹកទន្លេ​មេគង្គ​បាន​ហក់​ឡើង​គួប​ផ្សំ​នឹង​ជំនន់​ទឹកភ្លៀង ដែល​ជា​ហេតុ​ធ្វើ​ឲ្យ​ស្រុក​ចំនួន​៣ ក្នុង​នោះ​រួម​មាន​៖ ក្រូចឆ្មារ ត្បូងឃ្មុំ និង​អូរ​រាំង​ឪ ដែល​ប្រជា​កសិករ​ដាំ​ដុះ​ដំណាំ​ស្រូវ សម្រាប់​ផ្គត់ផ្គង់​ជីវភាព​គ្រួសារ ត្រូវ​ទទួល​រង​ការ​ខូចខាត​រហូត​ដល់​ជាង​១,០០០​ហិ​កតា​។

Picture

លោក សយ ទូច អភិបាលស្រុក​ក្រូចឆ្មារ បាន​ប្រាប់​ឲ្យ​ដឹង​នា​ព្រឹក​ថ្ងៃ​ទី​៦ ខែតុលា​ឆ្នាំ ២០២២​ថា​ក្រូចឆ្មា ជា​ស្រុក​មួយ​នៅ​តាម​ដង​ទន្លេមេគង្គ តែងតែ​រង​គ្រោះ​ដោយសារ​ទឹកជំនន់​ស្ទើរ​រាល់​ឆ្នាំ ជាក់ស្ដែង​នៅ​ឆ្នាំ​២០២២​នេះ ឃុំ​ចំនួន​៨ នៃ​ស្រុក​ក្រូចឆ្មារ ត្រូវ​បាន​រង​គ្រោះ​ដោយ​ទឹកជំនន់ ដែល​ជា​ហេតុ​ធ្វើ​ឱ្យ​លិច​ដំណាំ​ស្រូវ​របស់​ប្រជាពលរដ្ឋ រង​ផល​ប៉ះពាល់​ជាង​១,០០០​ហិ​កតា សូ​ម្បី​តែ​ទំនប់​ទឹក​បឹង​កាត់ដេរ មាន​ប្រវែង​៨,០០០​ម៉ែត្រ ស្ថិត​នៅ​ក្នុង​ឃុំ​ឈូក ក៏​ត្រូវ​បាន​ទឹកទន្លេ​ឡើង​មក​ជន់​លិច​កន្លែង​ខ្លះ ដោយ​លិច​កន្លះ​ម៉ែត្រ​រហូត​ដល់​១​ម៉ែត្រ​ឯណោះ​។

Picture

អភិបាលស្រុក​ក្រូចឆ្មារ ប្រាប់​បន្ត​ឱ្យ​ដឹង​ទៀត​ថា ក្រោយ​ពី​ទទួល​បាន​នៅ​ដំណឹង​នេះ ឯកឧត្តម​បណ្ឌិត ជាម ចាន់​សោ​ភ័​ណ្ឌ អភិបាលខេត្ត រួម​នឹង​លោក​ជំទាវ ព្រមទាំង​ថ្នាក់ដឹកនាំ​ខេត្ត បាន​ចុះ​មក​ពិនិត្យ​ដោយ​ផ្ទាល់​នៅ​ថ្ងៃ​ទី​៥ ខែតុលា ដោយ​បាន​ណែនាំ​ឲ្យ​មន្ទីរ​ជំនាញ ក៏​ដូច​ជា​អាជ្ញាធរ​មូលដ្ឋាន ត្រូវ​បង្កើន​ការ​យកចិត្តទុកដាក់ ដើម្បី​ជួយ​ស្ដារ​ដល់​ប្រជាពលរដ្ឋ​ដែល​កំពុង​រង​គ្រោះ​ដោយសារ​លិច​ដំណាំ​ស្រូវ​។ ក្រៅពី​នេះ ច្រាំង​ទន្លេ​នៅ​ក្នុងស្រុក​ក្រូចឆ្មារ បាន​បាក់​ស្រុត​ដោយ​កន្លែង ក្នុង​នោះ​នៅ​ឃុំ​កំពង់ទ្រាស ត្រូវ​បាន​កម្លាំង​អាជ្ញាធរ ចុះ​ជួយ​រុះរើ​លំនៅ​ឋាន​មួយ​ខ្នង មក​កាន់​កន្លែង​សុវត្ថិភាព​ផង​ដែរ​។

Picture

លោក ហេង ពិសិដ្ឋ ប្រធាន​មន្ទីរ​កសិកម្ម​រុក្ខា​ប្រមាញ់ និង​នេសាទ​ខេត្ត​ត្បូងឃ្មុំ​វិញ ក៏​បានឱ្យ​ដឹង​ដែរ​ថា ជាមួយ​នោះ ក្រុមការងារ​មន្ទីរ​កសិកម្ម​បាន​សហការ​ជាមួយ​មន្ត្រី​ការិយាល័យ​កសិកម្ម​ធនធានធម្មជាតិ និង​បរិស្ថាន​ស្រុក ចុះ​ជួប​ពិភាក្សា​ជាមួយ​រដ្ឋបាល​ឃុំ​ពាក់ព័ន្ធ​នឹង​ចុះ​ពិនិត្យ​វា​.​យ​តម្លៃ ជាក់ស្ដែង​ស្រូវ​រដូវប្រាំង​ដែល​ជន់​លិច​ដោយ​ជំនន់​ទឹកទន្លេ​មេគង្គ ទឹកភ្លៀង​នៅ​ក្នុងភូមិ​សាស្ត្រ​ស្រុក​ចំនួន​៣ ស្រុក​ក្រូចឆ្មារ ត្បូងឃ្មុំ និង​ស្រុក​អូរ​រាំង​ឪ ដោយ​ពិនិត្យ​ឃើញ​ថា ប្រជា​កសិករ​បាន​ធ្វើការ​ដាំ​ដុះ​ដំណាំ​ស្រូវ​តាំងពី​មុន​ពិធីបុណ្យ​ភ្ជុំបិណ្ឌ នៅ​ពេល​ដែល​ទឹកទន្លេ​នៅ​បន្ត​កើនឡើង​រួម​ផ្សំ​នឹង​ទឹកភ្លៀង​បន្ត​ធ្លាក់​ក្នុង និង​ក្រោយ​រដូវ​ភ្ជុំបិណ្ឌ​ផង បាន​បង្ក​ឲ្យ​ជន់​លិច​ស្រូវពង្រោះ​របស់​កសិករ​លើ​ផ្ទៃដី​ប្រមាណ​១៩៨៤​ហិ​កតា ក្នុង​នោះ​ខូចខាត​ចំនួន​១,២០៨​ហិ​កតា ស្មើនឹង ២,៦១៨​គ្រួសារ លើ​៩២​ភូមិ ក្នុង​១៧​ឃុំ​។

Picture

ទន្ទឹម​នឹង​នេះ ក្រុមការងារ​បាន​សំណូមពរ​ដល់​រដ្ឋបាល​ឃុំ រៀបចំ​ពេលវេលា​សម​ស្រប​សម្រាប់​មន្ត្រី​ជំនាញ​មន្ទីរ​កសិកម្ម​ផ្ដល់​ការ​បណ្ដុះបណ្ដាល​ពី​កសិកម្ម​វ៉ៃ​ឆ្លាត ដើម្បី​ឲ្យ​ផលិតកម្ម​ដំណាំ​ប្រព្រឹត្ត​ទៅ​ទទួល​បាន​លទ្ធផល​ល្អ កាត់​បន្ថយ​ហានិភ័យ​ពី​ឥទ្ធិពល​នៃ​ការ​ប្រែប្រួល​អាកាសធាតុ​។

Picture
Picture
Picture
Picture
Picture
Picture
Picture
SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023