ព្យាយាមចង.កសម្លាប់ខ្លួន3លើកមិនបានសម្រេចលើកទី4ស្រាប់តែ…
ខេត្តកណ្ដាល ៖ ស្ត្រីម្នាក់ដែលគេដឹងថា បានប៉ុនប៉ងចង.កសំលាប់ខ្លួនចំនួន៣លើករួចហើយនោះតែ
ខេត្តកណ្ដាល ៖ ស្ត្រីម្នាក់ដែលគេដឹងថា បានប៉ុនប៉ងចង.កសំលាប់ខ្លួនចំនួន៣លើករួចហើយនោះតែត្រូវគេដឹងជួយទាន់ លុះលើកទី៤នេះបន្ទាប់ពីផឹកស្រាស្រវឹងបានចង.កស្លាប់នៅនឹងសំយ៉ាបរោងគោរខាងក្រោយផ្ទះ ត្រូវបានប្តី ប្រទះឃើញកាលពីម៉ោង១២យប់ថ្ងៃទី១៣ មីនា នៅភូមិអន្លង់ស្លែង ឃុំសំបួរមាស ស្រុកមុខកំពូល ។
មន្ត្រីនគរបាលស្រុកមុខកំពូលបានឱ្យដឹងថា ជនរងគ្រោះឈ្មោះ សំ សុផាត ភេទស្រី អាយុ៥០ឆ្នាំ ជាកសិករ នៅភូមិឃុំ កើតហេតុខាងលើ ។ នគរបាលបានឱ្យដឹងបន្ថែមថា កន្លងមកជនរងគ្រោះពេលផឹកស្រាស្រវឹងម្ដងៗតែងតែមានការឈ្លោះប្រកែកជាមួយប្ដី និងកូន ហើយបានយកខ្សែគោមករកចង.កសំលាប់ខ្លួនចំនួន៣លើករួចមកហើយ ប៉ុន្តែប្ដីនិងកូនដឹងបានជួយទាន់ ។ លុះដល់វេលាម៉ោង៥រសៀល ថ្ងៃទី១៣ មីនា ជនរងគ្រោះបានប្រាប់ប្ដីខ្លួនឈ្មោះ ប្រុញ ម៉ុន នៅក្រោមផ្ទះថា ខ្ញុំទៅត្បូងមួយភ្លែតដើម្បីទៅប្រាប់ក្មួយឈ្មោះ ពុត ចំរើន ឱ្យទូរស័ព្ទទៅម្ដាយដែលឈឺ ។
ជនរងគ្រោះបានដើរចេញពីក្រោមផ្ទះទៅបាត់រហូតដល់់ល្ងាចថ្ងៃដដែល ស្រាប់តែឃើញឈ្មោះ ឆន ចាន់សី ភេទស្រី បានគ្រាជនរងគ្រោះចូលមកក្រោមផ្ទះជនរងគ្រោះដោយមានសភាពស្រវឹងស្រា ហើយពេលនោះប្ដីជនរងគ្រោះ និងជនរងគ្រោះនាំគ្នាចូលដេកក្រោមផ្ទះ ។ រហូតដល់ម៉ោង១២យប់ប្ដីរបស់ជនរងគ្រោះបានក្រោកពីដេកមិនឃើញជនរងគ្រោះដេកនៅលើអង្រឹងក្រោមផ្ទះក៏បានបញ្ចាំងភ្លើងពិលរកមើលជនរងគ្រោះ ស្រាប់តែឃើញជនរងគ្រោះចង.កសំលាប់ខ្លួននឹងខ្សែនីឡុងពណ៏ខ្មៅជាប់នឹងសំយ៉ាបរោងគោក្រោយផ្ទះខ្លូន ឃើញដូច្នោះប្ដីជនរងគ្រោះបានស្រែកប្រាប់កូនឱ្យមកជួយ និងបានផ្អើលដល់អ្នកជិតខាងមកជួយស្រាយជនរងគ្រោះយកមកដាក់នៅលើគ្រែក្រោមផ្ទះ តែបានស្លាប់បាត់ទៅហើយ ៕
ចែករំលែកព័តមាននេះ