ប្រដាល់សាកលបើកកម្មវិធីប្រកួត ULTIMATE PRO BOXING វាស់ស្ទង់សមត្ថភាពអត្តពលិកជម្រើសជាតិត្រៀមស៊ីហ្គេម២០២៣
- ភ្នំពេញ
រាជធានីភ្នំពេញ ៖ លោកប៊ុយ សោភ័ណ្ឌ អគ្គលេខាធិការសហព័ន្ធកីឡាប្រដាល់សាកលកម្ពុជាបានលើក
រាជធានីភ្នំពេញ ៖ លោកប៊ុយ សោភ័ណ្ឌ អគ្គលេខាធិការសហព័ន្ធកីឡាប្រដាល់សាកលកម្ពុជាបានលើក
រាជធានីភ្នំពេញ ៖ លោកប៊ុយ សោភ័ណ្ឌ អគ្គលេខាធិការសហព័ន្ធកីឡាប្រដាល់សាកលកម្ពុជាបានលើកឡើងថា កម្មវិធីប្រកួតប្រដាល់សាកលULTIMATE PRO BOXING កាលពីថ្ងៃទី៦តុលា គឺជាការវាស់ស្ទង់កម្រិតសមត្ថភាពអត្តពលិកជម្រើសជាតិកម្ពុជាដើម្បីត្រៀមខ្លួនឱ្យបានល្អសម្រាប់កីឡាស៊ីហ្គេមឆ្នាំ២០២៣ដែលកម្ពុជាទទួលធ្វើជាម្ចាស់ផ្ទះ។
លោក ប៊ុយ សោភ័ណ្ឌ បានលើកឡើងទៀតថា ការប្រកួតនេះគឺជាការផ្ដល់ឱកាសដល់កីឡាករ កីឡាការិនីជម្រើសជាតិកម្ពុជា បានចូលរួមប្រកួតច្រើនមុនឈានទៅដល់ការប្រកួតនៅក្នុងព្រឹត្តិ
ការណ៍អន្តរជាតិ ។ លោកថា សម្រាប់កម្មវិធីប្រកួតបានផ្ដោតទិសដៅសំខាន់បំផុត ធ្វើយ៉ាងណា
ឱ្យកីឡាករ កីឡាការិនីជម្រើសជាតិមានសកម្មភាពប្រកួតច្រើនដើម្បីដកស្រង់បច្ចេកទេសកម្រិតក្នុងប្រទេសជាមុនសិនមុននឹងឈានទៅប្រកួតជាលក្ខណៈអន្តរជាតិ ជាពិសេសក៏ជាការត្រៀមខ្លួនឱ្យបានល្អមុនពេលព្រឹត្តិការណ៍ស៊ីហ្គេមឆ្នាំ២០២៣មកដល់។
បច្ចុបន្ន ប្រដាល់សាកលមិនសូវមានឱកាសប្រកួតប្រចាំសប្ដាហ៍នៅតាមស្ថានីយទូរទស្សន៍ច្រើននោះទេ ។ ដូច្នេះហើយទើបសហព័ន្ធបង្កើតឱ្យមានការប្រកួតផ្ទាល់ខ្លួននេះឡើង ទី១គឺជាការផ្ដល់ឱកាសឱ្យកីឡាករបញ្ចេញសមត្ថភាព ទី២ពង្រឹងសមត្ថភាពនៃការវិនិច្ឆ័យរបស់មន្ត្រីគណៈកម្មការអាជ្ញាកណ្ដាល ចៅក្រម ។ អ្វីដែលសំខាន់បំផុតនោះ គឺដើម្បីពង្រឹងលើការរៀបចំការប្រកួតឱ្យស្របទៅតាមលក្ខណៈស្តង់ដារបច្ចេកទេសរបស់សហព័ន្ធអន្តរជាតិ សំដៅឱ្យពួកគាត់បានត្រៀមខ្លួនចូលរួមប្រកួតកីឡាស៊ីហ្គេមនៅឆ្នាំក្រោយ។
លោក ប៊ុយ សោភ័ណ្ឌ បានបន្ថែមថា ពាក់ព័ន្ធទៅនឹងព្រឹត្តិការណ៍ខាងលើនេះ សហព័ន្ធក៏មានការចងក្រងក្បួនច្បាប់មួយចំនួនដើម្បីឱ្យកីឡាករ កីឡាការិនី ធ្វើយ៉ាងណាប្រកួតឱ្យអស់ពីសមត្ថភាព ។
ប្រសិនបើមន្ត្រីគណៈកម្មការរៀបចំការប្រកួតមើលឃើញថា ការប្រកួតមិនអស់ពីសមត្ថភាព នឹងបណ្ដេញចុះពីលើសង្វៀនតែម្ដង។បន្ទាប់មកបើពិនិត្យឃើញមិនសមហេតុផលត្រង់ណាមួយ នឹងមានការព្រមាននិងដាក់ពិន័យបន្ថែមទៀត ៕
ចែករំលែកព័តមាននេះ