ខេត្តប៉ៃលិន ៖ បន្ទាប់ពីអាជ្ញាធរមានសមត្ថកិច្ច រួមទាំងព្រះរាជអាជ្ញារងខេត្ត បានទទួលពាក្យបណ្តឹងពីស្ត្រីជាម្តាយប្តឹងថា មានបុរសម្នាក់ បានចាប់បង្ខាំងទុកជួញដូរទៅលើកូនស្រីគាត់អាយុ១៦ឆ្នាំម្នាក់ ស្ថិតនៅត្រង់ចំណុចភូមិថ្មី ឃុំស្ទឹងកាច់ ស្រុកសាលាក្រៅនោះ ក៏ត្រូវកម្លាំងចុះទៅស្រាវជ្រាវភ្លាមៗតែម្តង ។
ខេត្តប៉ៃលិន ៖ បន្ទាប់ពីអាជ្ញាធរមានសមត្ថកិច្ច រួមទាំងព្រះរាជអាជ្ញារងខេត្ត បានទទួលពាក្យបណ្តឹងពីស្ត្រីជាម្តាយប្តឹងថា មានបុរសម្នាក់ បានចាប់បង្ខាំងទុកជួញដូរទៅលើកូនស្រីគាត់អាយុ១៦ឆ្នាំម្នាក់ ស្ថិតនៅត្រង់ចំណុចភូមិថ្មី ឃុំស្ទឹងកាច់ ស្រុកសាលាក្រៅនោះ ក៏ត្រូវកម្លាំងចុះទៅស្រាវជ្រាវភ្លាមៗតែម្តង ។
ពេលទៅដល់ទីតាំងខាងលើ (ជាកន្លែងបង្ខាំងទុក) ហើយក៏ជាផ្ទះរបស់បុរសជាប់ចោទនោះដែរ ។ បុរសជាប់ចោទមានឈ្មោះហ៊ីវ
វណ្ណា អាយុ២៨ឆ្នាំ រស់នៅភូមិ-ឃុំកើតហេតុខាងលើ និងបានជួបនារី២នាក់ ម្នាក់ឈ្មោះលន់ និមល អាយុ២០ឆ្នាំ (ជាកូនស្រីដែលម្តាយប្តឹងថា ត្រូវគេចាប់បង្ខាំង) និងម្នាក់ទៀតឈ្មោះជុំ ចន្ទ្រា អាយុ២៨ឆ្នាំ (ជាប្រពន្ធដើម) ក៏ត្រូវកម្លាំងធ្វើការសាកសួរលើនារីឈ្មោះលន់ និមល នៅនឹងកន្លែងកើតហេតុទើបដឹងថា ការពិតស្ត្រីជាម្តាយនោះនិយាយមួលបង្កាច់បង្ខូច ដោយគ្មានការចាប់បង្ខាំងទុកអ្វីនោះទេ ។
នាងបន្តថា ចម្លើយគឺពុំពិតដូចពាក្យម្តាយនាងបានប្តឹង ទៅអគ្គព្រះរាជអាជ្ញារងនៃសាលាឧទ្ធរណ៍ទេ គឺនាងបានស្រឡាញ់គ្នា និងព្រមរស់នៅជាមួយបុរសនោះ អស់រយៈពេល៥ឆ្នាំមកហើយ ពុំមាននរណាម្នាក់ចាប់បង្ខាំងរូបនាងទុកនោះឡើយ ។ រឿងភាន់ច្រឡំនេះ កើតឡើងដោយសារម្តាយនាងខឹងសម្បារជាមួយនាង ព្រោះហៅនាងឱ្យត្រឡប់ទៅផ្ទះវិញ តែនាងអត់ព្រមទៅ ដោយនាងសុខចិត្ត ព្រមធ្វើជាប្រពន្ធចុង ។
ទោះបីជាយ៉ាងណា ករណីនេះ មនុស្សទាំង៤នាក់ត្រូវបានសម្របសម្រួលត្រូវរ៉ូវគ្នាវិញ ដោយបច្ចុប្បន្ននាងរស់នៅជាមួយប្តីនិងប្រពន្ធដើម ក្រោមដំបូលផ្ទះតែមួយយ៉ាងសុខសាន្ត ស្ថិតក្នុងភូមិថ្មី ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
ចែករំលែកព័តមាននេះ