ថៃព្រមានពីគ្រោះទឹកជំនន់ធ្ងន់ធ្ងរក្នុងទីក្រុង ខណៈភ្លៀងធ្លាក់ខ្លាំងនឹងអូសបន្លាយទៀត
ថៃ ៖ អាជ្ញាធរក្នុងប្រទេសថៃបានព្រមានកាលពីថ្ងៃពុធ ទី ៥ តុលា ម្សិលមិញនេះថា ពីទឹកជំនន់
ថៃ ៖ អាជ្ញាធរក្នុងប្រទេសថៃបានព្រមានកាលពីថ្ងៃពុធ ទី ៥ តុលា ម្សិលមិញនេះថា ពីទឹកជំនន់
ថៃ ៖ អាជ្ញាធរក្នុងប្រទេសថៃបានព្រមានកាលពីថ្ងៃពុធ ទី ៥ តុលា ម្សិលមិញនេះថា ពីទឹកជំនន់ធ្ងន់ធ្ងរដែលអាចកើតមានឡើងក្នុងរដ្ឋធានី និងផ្នែកផ្សេងទៀតនៃតំបន់ភាគកណ្តាលពីភ្លៀងធ្លាក់ខ្លាំងដែលត្រូវគេរំពឹងថានឹងអូសបន្លាយពេលដល់ពេញមួយសប្តាហ៍នេះ។
ទីក្រុងបាងកកកំពុងជួបប្រទះនឹងទឹកជំនន់ចាប់តាំងពីថ្ងៃចន្ទមកម្លេះ ខណៈភ្លៀងធ្លាក់ខ្លាំងនៅក្នុងទីក្រុងដែលមានកម្ពស់ប្រហែល ១៦សង់ទីម៉ែត្រនៅក្នុងតំបន់មួយក្នុងរយៈពេល ២៤ម៉ោង។ ប៉ុន្តែទឹកជំនន់បានធូរស្រាលខ្លះនៅក្នុងតំបន់ភាគច្រើននៅព្រឹកថ្ងៃពុធ ទី ៥ តុលា។
មន្ត្រីក្រុងនិយាយថា ពួកគេកំពុងចាត់វិធានការជាច្រើនដើម្បីទប់ទល់នឹងទឹកជំនន់ រួមមានដាក់បាវខ្សាច់នៅតាមមាត់ទន្លេ រៀបចំម៉ាស៊ីនបូមទឹកនៅផ្លូវរូងក្រោមដី និងមានរថយន្តយោធារង់ចាំដឹកជញ្ជូនអ្នកដំណើរ។
អភិបាលរងក្រុងបាងកក លោកស្រី Tawida Kamolvej និយាយថា ប្រសិនកម្រិតទឹកភ្លៀងមានកម្រិតខ្ពស់ក្នុងប៉ុន្មានថ្ងៃខាងមុខនេះ តំបន់ជាច្រើននឹងងាយរងគ្រោះដោយសារវានឹងត្រូវការពេលជាច្រើនម៉ោងដើម្បីបង្ហូរទឹកចូលទៅក្នុងទន្លេ Chao Phraya ដែលហូរកាត់ទីក្រុង។
លោកស្រីថ្លែងក្នុងសន្និសិទថា «ប្រសិនការធ្វើដំណើរទៅធ្វើការ និងមកពីធ្វើការវិញនឹងមានការលំបាក យើងនឹងស្នើឱ្យក្រុមហ៊ុន និងភ្នាក់ងារនានាមានភាពបត់បែនអំពីម៉ោងធ្វើការ ឬប្រសិនបើអាច គឺត្រូវពិចារណាពីការធ្វើការងារពីផ្ទះដើម្បីជួយកាត់បន្ថយការកកស្ទះចរាចរណ៍»។
សូមបញ្ជាក់ថា ផ្នែកជាច្រើននៃប្រទេសថៃត្រូវបានជនលិចលង់រួចជាស្រេចទៅហើយដោយសារភ្លៀងមូសុង នៅពេលចំណាយសេសសល់នៃព្យុះត្រូពិច Noru បានបោកបក់កាលពីចុងខែកញ្ញា៕ (យោងតាមប្រភព៖ AP)
ចែករំលែកព័តមាននេះ