ពិធីប្រកាសតែងតាំង និងចូលកាន់មុខតំណែងប្រធានសាលាដំបូងខេត្តកំពត
ខេត្តកំពត ៖ លោក ហ៊ី សោភា រដ្ឋលេខាធិការក្រសួងយុត្តិធម៌ តំណាងឲ្យលោក អង្គ វង្សវឌ្ឍនា រដ្ឋមន្ត្រីក្រសួងយុត្តិធម៌ នារសៀល ថ្ងៃទី១៣ ខែមីនា ឆ្នាំ២០១៧នេះ
ខេត្តកំពត ៖ លោក ហ៊ី សោភា រដ្ឋលេខាធិការក្រសួងយុត្តិធម៌ តំណាងឲ្យលោក អង្គ វង្សវឌ្ឍនា រដ្ឋមន្ត្រីក្រសួងយុត្តិធម៌ នារសៀល ថ្ងៃទី១៣ ខែមីនា ឆ្នាំ២០១៧នេះ បានអញ្ជើញជាអធិបតីភាព ក្នុងពិធីប្រកាសតែងតាំង លោក ឡុង កេសភីរម្យ ចូលកាន់មុខតំណែងប្រធានសាលាដំបូងខេត្តកំពត ជំនួសលោក គាំ ឈាន អតីតប្រធានសាលាដំបូងដែលចូលនិវត្តន៍។
ក្នុងពិធីប្រកាសចូលកាន់តំណែង ប្រធានសាលាដំបូងខេត្តកំពតនេះ ក៏មានការចូលរួមពី លោក ចាន់ ចេស្តា អភិបាលខេត្តកំពតលោក កែន សត្ថា អភិបាលខេត្តកែប លោកស្រី ប៊ុន្ទីញ ប៊ុណ្ណារី សមាជិកឧត្តមក្រុមប្រឹក្សានៃអង្គចៅក្រម លោក សេង ប៊ុនឃាង សមាជិកឧត្តមក្រុមប្រឹក្សា នៃអង្គចៅក្រម ជួរថ្នាក់ដឹកនាំកងកម្លាំងប្រដាប់អាវុធទាំង៣ប្រភេទ ខេត្តកំពត-កែប ថ្នាក់ដឹកនាំមន្ទីរជុំវិញខេត្តទាំងពីរ អាជ្ញាធរខេត្ត ស្រុក ក្រុង ខេត្តកំពត-កែប ចៅក្រម ព្រះរាជអាជ្ញា-ព្រះរាជអាជ្ញារង លេខាធិការដ្ឋានរដ្ឋបាលតុលាការ និងក្រឡាបញ្ជីនៃសាលាដំបូងខេត្តកំពត និងមន្ត្រីដែលមានការពាក់ព័ន្ធជាច្រើននាក់ផ្សេងទៀត។
សូមបញ្ជាក់ថា លោក ឡុង កេសភីរម្យ អតីតចៅក្រមសាលាដំបូងរាជធានីភ្នំពេញ ត្រូវបានតែងជាប្រធានសាលាដំបូងខេត្តកំពត ជំនួសលោក គាំ ឈានដែលត្រូវបានដាក់ឲ្យចូលនិវត្តន៍៕
ចែករំលែកព័តមាននេះ