ខេត្តត្បូងឃ្មុំ ៖ ហេតុតែជីវភាពក្រីក្រ និងកូនប្រុសបានធ្លាក់ពីលើដើមត្នោត បាក់ចង្កេះនោះបានបង្ខំចិត្តឲ្យលោកតាវ័យ៨៥ឆ្នាំ រស់នៅភូមិឈើទាលធំ
ខេត្តត្បូងឃ្មុំ ៖ ហេតុតែជីវភាពក្រីក្រ និងកូនប្រុសបានធ្លាក់ពីលើដើមត្នោត បាក់ចង្កេះនោះបានបង្ខំចិត្តឲ្យលោកតាវ័យ៨៥ឆ្នាំ រស់នៅភូមិឈើទាលធំ ឃុំពាមជីលាំង ស្រុកត្បូងឃ្មុំ បានដើរសុំទានតាមផ្សារដើម្បី យកលុយទៅចិញ្ជឹមកូនប្រុស។ ហើយជារៀងរាល់យប់លោកតាបានសម្រាកនៅចំណតរថយន្តក្រុងសួងលើបង់ថ្មបេតុងជាមួយនឹងចៅប្រុសតូចម្នាក់អាយុ១២ឆ្នាំ ហើយអាចប្រឈមនឹងជំងឺផ្សេងៗទៀតដោយសារតែសម្រាន្តមិនបានដាក់មុងនោះ។
លោក ញ៉ែម ប៉េញរិន អាយុ៦០ឆ្នាំ រស់នៅភូមិទោង សង្កាត់សួង ក្រុងសួង ដែលជាសន្តិសុខយាមចំណតរថយន្តក្រុងសួង បានប្រាប់ឲ្យដឹងនៅព្រឹកថ្ងៃទី១៣ មីនា ២០១៧ថា នៅព្រឹកព្រលឹមស្រាងៗគាត់បានលោកតាចាស់ពិការភ្នែកទាំងទ្វេរបានកាន់ឈើច្រត់ និងចៅប្រុសឈ្មោះ ខ្យង បាននាំគ្នាក្រោកពីក្នុងចំណតរថយន្តរបស់លោក ដើរសំដៅទៅផ្សារក្រុងសួង ដើម្បីសុំទានគេរហូតដល់វេលាម៉ោងជាង១០ព្រឹក និងនាំគ្នាត្រលប់មកវិញ។
លោក ប៉េញ រិន សន្តិសុខ ចំណតរថយន្តក្រុងសួង ប្រាប់បន្តថា មានពេលខ្លះលោកតា ឆេង និងចៅប្រុស បាននាំគ្នាទៅសុំទានរហូត ដល់ផ្សារស្រុកអូររាំងឪ លុះពេលដែលត្រលប់មកវិញគាត់ឃើញអស់ កម្លាំងក៏បានជូនទឹកពិសារ ឬ ភេសជ្ជៈផ្សេងៗផងដែរ។ មានពេលមួយលោកតាកំពុងតែអង្គុយនៅលើបង់បេតុងស្រាប់តែខ្យល់គ ធ្លាក់ មកលើសាប បណ្តាលឲ្យសម្លាប់ក្នុងពេលនោះ រូបលោកបានស្ទុះទៅជួ យលើកបីត្រកងឡើង និងបាន យកប្រេងកូឡា មករឹតលាប និងបានធ្វើចលនារហូតដល់ដឹងខ្លួនឡើង វិញនេះដោយសារតែលោកតា ចាស់ជរា និងអស់កម្លាំង បន្ទាប់មកគាត់បានជូនរបស់បាយពិសារ។
ដោយឃើញបែបនេះគាត់ យកតែ បុណ្យទេ គឺបានអនុញ្ញាតឲ្យលោកតា និងចៅប្រុសម្នាក់សម្រាន្តនៅលើបង់ បេតុងរាល់យប់ និងបានថែម ទាំងប្រាប់ដល់ក្រុមក្មេងៗ មិនឲ្យប៉ះពាល់លោកតាទៀតផង។ លោកតា ចាន់ ឆេង អាយុ៨៥ឆ្នាំ ដែលមាន ជីវភាពក្រីក្រ និងពិការភ្នែកសងខាង មានប្រសាសន៍ឲ្យដឹងដែរថា គាត់មានតែកូនប្រុសម្នាក់ឈ្មោះ ចាន់ សុខ អាយុ៣០ឆ្នាំ រស់នៅភូមិឈើទាលលើ ឃុំពាមជីលាំង ស្រុកត្បូងឃ្មុំ ដែលប្រកបរបរឡើងត្នោតដើម្បី យកទឹកត្នោតកៀបធ្វើស្ករលក់ នៅពេលមួយកូនប្រុសបានធ្លាក់ពីលើដើមត្នោតមកដីបណ្តាលឲ្យបាក់ចង្កេះ ។
ហើយរាល់ថ្ងៃកំពុងនៅឯផ្ទះ ដែលមិនអាចប្រកបរបរឡើងត្នោតកើតទេ ហើយភ្នែកគាត់ពិការទាំង សងខាងដោយសារតែត្រូវនឹងមែកឫស្សីចាក់ចំភ្នែក រីឯប្រពន្ធគាត់(ចាន់ ឆេង) បានស្លាប់ចោលជាច្រើន ឆ្នាំមកហើយ ដោយបន្សល់ទុកតែកូនប្រុសម្នាក់។ នៅពេលដែលគាត់សុំទានបានលុយ៥ទៅ៦ម៉ឺនរៀល នឹងទៅយកលុយឲ្យកូន សម្រាកបាន១ទៅ២ថ្ងៃ និងត្រលប់មកដើរសុំទានវិញ៕
ចែករំលែកព័តមាននេះ