ខេត្តបន្ទាយមានជ័យ ៖ រយៈពេលតែ១យប់១ថ្ងៃ ទឹកលិចជុំវិញពន្ធនាគារខេត្ត តែមិនទាន់លិចធ្ងន់ធ្ងរនោះទេ គិតត្រឹមថ្ងៃទី០៥ ខែតុលា ឆ្នាំ២០២២ ។ តាមលោក…
ខេត្តបន្ទាយមានជ័យ ៖ រយៈពេលតែ១យប់១ថ្ងៃ ទឹកលិចជុំវិញពន្ធនាគារខេត្ត តែមិនទាន់លិចធ្ងន់ធ្ងរនោះទេ គិតត្រឹមថ្ងៃទី០៥ ខែតុលា ឆ្នាំ២០២២ ។
តាមលោក អ៊ុង ស៊ីផាន ប្រធានពន្ធនាគារខេត្តបានប្រាប់ថា រយៈពេលតែ១យប់១ថ្ងៃ ត្រូវបានទឹកហក់ឡើងខ្លាំងនិងទឹកឡោមព័ទ្ធជុំវិញពន្ធនាគារខេត្តបន្ទាយមានជ័យ បណ្តាលឱ្យលិចផ្លូវផ្នែកខាងមុខនិងជុំវិញរបង តែមិនទាន់មានអ្វីជាការព្រួយបារម្ភនៅឡើយ ព្រោះអាចទប់ទល់និងស្ថានភាពទឹកនេះបាន ទោះបីទឹកផ្នែកខាងក្រៅរបងមានកម្ពស់ខ្ពស់ ជាងខាងក្នុងពន្ធនាគារប្រមាណជា៤ ទៅ៥តឹកក៏ដោយ។
លោកបានបញ្ជាក់ថា មូលហេតុដែលអាចទប់ទល់ស្ថានភាពទឹកជំនន់បាន ព្រោះពន្ធនាគារខេត្តបន្ទាយមានជ័យ ព្រោះមន្ត្រីក្នុងអង្គភាពបានរៀបការ៉ុងដីពីរជួរជុំវិញរបងផ្នែកខាងក្រៅពន្ធនាគារដែលមានកម្ពស់ជិត១ម៉ែត្រ ការពារទប់ទល់មិនឱ្យបាក់ ហើយដាក់ម៉ាស៊ីនបូមចំនួន៤ទៅ៥គ្រឿង បូមជាប្រចាំដែលទឹកជ្រាបចូល និងមិនអោយទឹកបង្គន់ស្ទះក្នុងពន្ធនាគារ។
លោក អ៊ុង ស៊ីផាន បានបញ្ជាក់ថា ពន្ធនាគារខេត្តបន្ទាយមានជ័យ វាជាប្រពៃណីទៅហើយ ទឹក
ជន់លិចស្ទើររាល់ឆ្នាំ តែអាចទប់ទល់ស្ថានភាពបានមិនឱ្យទឹកជំនន់ហូរចូលឬការពារទប់ស្កាត់ជាមុន ព្រោះឆ្នាំកន្លងមក ដោយទឹកជំនន់ជន់ខ្លាំង បណ្តាលឱ្យបាក់របងថ្មទឹកលិចត្រូវបានជម្លៀសអ្នកទោសទៅដាក់តាមពន្ធនាគារតាមបណ្តាខេត្តផ្សេងៗ ។
ដោយខិតខំយកចិត្តទុកដាក់ពីមន្ត្រីពន្ធនាគារខេត្ត បានរៀបចំការ៉ុងច្រកដីដាក់ទប់ស្កាត់ការពារទុកជាមុនមិនអោយលិចលង់ ទោះស្ថានភាពទឹកជំនន់ឆ្នាំនេះគឺតូចជាងឆ្នាំមុនក្តី ក៏នៅតែនៅបន្តឃ្លាំមើលការពារទុកជាមុនដដែល ។
ចែករំលែកព័តមាននេះ