អាសូរណាស់ ! រវល់ទៅស៊ីឈ្នួលគេទុកកូនតូចនៅផ្ទះ ត្រឡប់មកវិញអស់គ្មានសល់
ខេត្តកណ្ដាល ៖ គួរឱ្យអាណិតពន់ពេកគ្រួសារមួយដែលមានជីវភាពក្រីក្រប្រកបរស៊ីឈ្នួលគេជាប្រចាំ បានកម្រៃគ្រប់តែការហូបចុក បានទុកកូនឱ្យនៅចាំផ្ទះ ហើយ
ខេត្តកណ្ដាល ៖ គួរឱ្យអាណិតពន់ពេកគ្រួសារមួយដែលមានជីវភាពក្រីក្រប្រកបរស៊ីឈ្នួលគេជាប្រចាំ បានកម្រៃគ្រប់តែការហូបចុក បានទុកកូនឱ្យនៅចាំផ្ទះ ហើយលេងភ្លើងចង្ក្រាន បណ្ដាលឱ្យឆាបឆេះផ្ទះ អស់ កាលពីម៉ោង៩និង៣០នាទីព្រឹក ថ្ងៃទី១១ មីនា នៅភូមិកោះទៀវ(ខ) ឃុំសំពៅពូន ស្រុកកោះធំ គ្រាដែលពីរនាក់ប្ដីប្រពន្ធចេញពីផ្ទះទៅស៊ីឈ្នួលបេះសណ្ដែកគេ ទុកកូននៅចាំផ្ទះ ស្រាប់តែទៅលេងភ្លើងចង្ក្រានបណ្ដាលឱ្យឆាបឆេះផ្ទះម៉ត់។
មន្ត្រីនគរបាលប៉ុស្ដិ៍ សំពៅពូនបានឱ្យដឹងថា ជនរងគ្រោះជាម្ចាស់ផ្ទះមានប្ដីឈ្មោះ លាង បូរី អាយុ២៦ឆ្នាំ ជនជាតិខ្មែរ មានមុខរបរកសិករ ។ប្រពន្ធឈ្មោះ ផល សុភ័ អាយុ២៩ឆ្នាំ ជនជាតិខ្មែរ មុខរបរកសិករ។
សម្ភារទ្រព្យសម្បត្តិខូចខាត រួមមានផ្ទះទំហំ ៣,៥m× ៣,៥m ធ្វើអំពីឈើប្រក់ស័ង្កសី ជញ្ជាំងស្លឹក ឆេះអស់ទាំងស្រុង និងសម្ភារប្រើប្រាស់នៅក្នុងផ្ទះ មាន មុង ភួយ ខោអាវ ចាន ឆ្នាំង និងប្រដាប់ប្រើប្រាស់មួយចំនួនទៀត ព្រមទាំងឯកសារផ្សេងៗ មានសៀវភៅគ្រួសារ អត្តសញ្ញាណបណ្ណ័ សំបុត្រកំណើត ។
នគរបាលបានឱ្យដឹងបន្ថែមថា នៅពេលកើតហេតុកើតហេតុ ឪពុកម្តាយចេញពីផ្ទះទៅ ស៊ីឈ្នួលធ្វើការ បេះផ្លែសណ្ដែកឱ្យគេ ដោយទុកកូនប្រុសស្រីតូចៗអាយុ៤ឆ្នាំ និង៥ឆ្នាំ នៅចាំផ្ទះ។ ហើយកូនបានលេងភ្លើងចង្ក្រាន បណ្តាលឱ្យភ្លើងឆាបឆេះផ្ទះជញ្ជាំងស្លឹកយ៉ាងលឿនក្នុងពេលនោះតែម្តង ។
ពេលនោះបានផ្អើលឆោឡោបងប្អូនជិតខាងនៅក្បែរនោះជួយពន្លត់ តែមិនអាចជួយបាន ដោយត្រឹមតែទប់ស្កាត់មិនឱ្យឆេះរាលដាលដល់ផ្ទះអ្នកជិតខាងប៉ុណ្ណោះ ហើយត្រូវឆេះអស់សម្ភារអស់មួយចំនួនដូចរៀបរាប់ខាងលើ ប៉ុន្តែមិនបង្កឱ្យគ្រោះថ្នាក់ដល់មនុស្សទេ៕
ចែករំលែកព័តមាននេះ