មកស្ដាប់សម្ដីលោក ធន់ សុភា និយាយ ក្រោយសិស្សសំណព្វ ធន់ ផានិត ចាញ់ ពេជ្រ សម្បត្តិ
- ភ្នំពេញ
រាជធានីភ្នំពេញ ៖ លោក ធន់ សុភា ដែលជាគ្រូគុនរបស់កីឡាករធន់ ផានិត បានបញ្ចេញ
រាជធានីភ្នំពេញ ៖ លោក ធន់ សុភា ដែលជាគ្រូគុនរបស់កីឡាករធន់ ផានិត បានបញ្ចេញ
រាជធានីភ្នំពេញ ៖ លោក ធន់ សុភា ដែលជាគ្រូគុនរបស់កីឡាករធន់ ផានិត បានបញ្ចេញ
សម្ដីក្នុងន័យបន្ទោសកូនសិស្សសំណព្វរបស់ខ្លួនក្រោយចាញ់កីឡាករពេជ្រ សម្បត្តិថា លោកបាន
បង្ហាត់ក្បាច់យ៉ាងច្រើនដល់សិស្សរបស់ខ្លួន ក្នុងការការពារ និងការវាយសម្រុកទៅលើក្របីព្រៃ ពេជ្រ
សម្បត្តិ ។ ប៉ុន្តែអ្វីៗមិនដូចបំណងឡើយ ដោយសារកូនសិស្សរបស់ខ្លួនបានភ្លេចពាក្យបណ្ដាំរបស់លោកដែលជាគ្រូធ្វើឲ្យការប្រកួតដ៏សំខាន់នេះត្រូវបរាជ័យត្រឹមទឹកទី១ ដោយសន្លប់ឈឹងតែម្ដង សម្រាប់ការប្រកួតវគ្គពាក់កណ្ដាលផ្ដាច់ព្រាត់ ដណ្ដើមខ្សែក្រវាត់ ខារ៉ាបាវ នៅសង្វៀនបាយ័នស្ទឹងមានជ័យ កាលពីយប់ថ្ងៃទី២ ខែតុលា ឆ្នាំ២០២២។
ក្រោយការប្រកួតដែលចេញលទ្ធផលមិននឹកស្មានដល់ លោក ធន់ សុភា បាននិយាយថា «លោកហាមហើយថា កុំប្រើកែងស្ដាំ ព្រោះបើប្រើកែងស្ដាំ ពិបាកបិទកែងរបស់ សម្បត្តិ ណាស់ ហើយតែភ្លាត់ចូលមួយកែង ឬដៃរបស់ សម្បត្តិ ដឹងតែយ៉ាប់ហើយ ។ ខ្ញុំថាឲ្យប្រើតែកែងឆ្វេងបានហើយ ប្រើកែងឆ្វេងហើយយើងដកដៃមកបិទវិញបានលឿន ណាមួយដៃរបស់ សម្បត្តិ គាត់ធ្ងន់អ៊ីចឹងយើងប្រយ័ត្នចំណុចនេះបានយើងវ៉ៃដក វ៉ៃដក វ៉ៃយកពិន្ទុ កុំប្ដូរជាមួយ សម្បត្តិ អាហ្នឹងយើងសង្ឃឹមច្រើន»។
គួរឱ្យដឹងផងដែរថា មុនការប្រកួតមកដល់គេសង្កេតឃើញលោកគ្រូ ធន់ សុភា និងលោកគ្រូ ពេជ្រ សុផាន់ បានបោះពាក្យសម្តី ក៏ដូចជាយុទ្ធសាស្ត្រផ្សេងៗគ្នា ដើម្បីបំពាក់បច្ចេកទេសបន្ថែមទៅឱ្យកូនសិស្សរៀងៗខ្លួន ក្នុងការបំបាក់ដៃគូ។
ប៉ុន្តែសម្រាប់លោក ពេជ្រ សុផាន់ បានប្រើចិត្តសាស្ត្រនិយាយផ្សេង បង្ហាត់សិស្សផ្សឹង ពោលគឺព្យាយាមពង្រឹងចំណុចខ្សោយរបស់កូនសិស្ស ដើម្បីយកចំណុចខ្សោយនោះទៅផ្តួលដៃគូទៅវិញ។
ក្របីព្រៃ ពេជ្រ សម្បត្តិ បានយកឈ្នះ ធន់ ផានិត ត្រឹមទឹកទី១ ដោយប្រើពេលមិនដល់មួយនាទី ខណៈរូបគេប្រើផ្លែកែងជាក្បាច់បំបាក់ដៃគូ ដោយការបុកចូលពេញផ្ទៃមុខគូប្រកួតបណ្ដាល
ឱ្យសន្លប់ធំតែម្ដង ។ ជ័យជម្នះនេះធ្វើឲ្យមហាជនមិននឹកស្មានដល់ថា វាលឿនដល់ថ្នាក់នេះឡើយ។
ក្រោយការប្រកួតចប់ភ្លាមលោក ពេជ្រ សុផាន់ ដែលជាគ្រូបង្វឹករបស់ក្របីព្រៃ ពេជ្រ សម្បត្តិ បាន
ទម្លាយថា ពេលសិស្សរបស់ខ្លួនឡើងដល់លើសង្វៀនភ្លាម លោកក៏ឡើងទៅប្រាប់ភ្លែតឲ្យសិស្សរបស់ខ្លួនប្រើវិធីទាត់ជើងក្រោម ឬទាត់លើជាមុនសិន ដើម្បីបំភាន់ ផានិត ព្រោះកន្លងមកគេតែងតែឃើញថា សម្បត្តិចេញដៃមុនជើង ។ ការផ្ដល់ឱវាទរបស់គ្រូបង្វឹកក្លិបចលនាយុវជនកម្ពុជា ១៥៧ ពេជ្រ សុផាន ទទួលបានផលពិតមែន ក្រោយពេល សម្បត្តិទាត់ចូលកញ្ចឹងករបស់ ផានិត និងតាមវាយចូលពីរដៃ បន្ទាប់មកប្ដូរបានមួយកែងពេញ ទើបធ្វើឲ្យកូនសិស្សលោក ធន់ សុភា ដួលគ្រាំងទៅលើសង្វៀនតែម្ដង ។
ក្រោយការប្រកួតនោះដែរ ក្របីព្រៃ គេក៏មិននឹកស្មានថា អាចយកឈ្នះ ផានិត លឿនបែបនេះដែរ ព្រោះគេដឹងថា ដៃគូមួយនេះល្អគ្រប់បែបយ៉ាង មានក្បាច់ មានផ្លែ ហើយរហ័សថែមទៀតផង។
សម្រាប់លទ្ធផលចាញ់របស់ ធន់ ផានិត បានធ្វើឲ្យរូបគេត្រូវទៅប្រជែងយកលេខ ៣ ដែលត្រូវប៉ះអ្នកចាញ់ដូចគ្នាគឺ កីឡាករ Tuanphae (ទួន ផេ ) នៅសង្វៀនខាងលើដដែលនៅថ្ងៃទី២៣ ខែតុលា ឆ្នាំ២០២២ ដូចការប្រកួតដណ្ដើមលេខ១ រវាង ពេជ្រ សម្បត្តិ និង Phathana (ផាត់ ថាណា) ផងដែរ ៕
ចែករំលែកព័តមាននេះ