ខេត្តកំពង់ស្ពឺ ៖ ប្រជាពលរដ្ឋពីរនាក់ប្តីប្រពន្ធ ដែលជាម្ចាស់ដីត្រូវបានតុលាការខេត្តកំពង់ស្ពឺ ចេញដីការកោះហៅដោយចោទថា បានធ្វើឱ្យខូចរបស់ព្រទ្យដោយចេនា ហើយឱ្យចូលខ្លួនបំភ្លឺនៅថ្ងៃ១៤ មីនា ឆ្នាំ២០១៧ ខាងមុខនេះ ដោយសារតែរឿងចូលទៅកាប់
ខេត្តកំពង់ស្ពឺ ៖ ប្រជាពលរដ្ឋពីរនាក់ប្តីប្រពន្ធ ដែលជាម្ចាស់ដីត្រូវបានតុលាការខេត្តកំពង់ស្ពឺ ចេញដីការកោះហៅដោយចោទថា បានធ្វើឱ្យខូចរបស់ព្រទ្យដោយចេនា ហើយឱ្យចូលខ្លួនបំភ្លឺនៅថ្ងៃ១៤ មីនា ឆ្នាំ២០១៧ ខាងមុខនេះ ដោយសារតែរឿងចូលទៅកាប់អុសនៅក្នុងដីរបស់ខ្លួន ដែលប្អូនបានលួចលក់ដីទៅអោយអ្នកមានលុយម្នាក់នៅក្នុងភូមិជាមួយគ្នាដោយបានលួចធ្វើប្លង់ស្ងាត់ៗឃុបឃិតជាមួយអាជ្ញាធរជំនាញ និងតុលាការខេត្តកំពង់ស្ពឺថា មិនមានភាពយុត្តិធម៌នោះឡើយ។
តាមសម្តីប្រជាពលរដ្ឋជាម្ចាស់ដីឈ្មោះទុយ សុខុម អាយុ៥៥ឆ្នាំមុខរបរជាកសិករ និងប្រពន្ធឈ្មោះអ៊ន គង់ អាយុ៤៧ឆ្នាំ ជាកសិកររស់នៅក្នុងភូមិខ្នុរអំពិល ឃុំវាលពង់ ស្រុកឧដុង្គ ខេត្តកំពង់ស្ពឺ បាននិយាយថា ដីរបស់គាត់ដែលមានទំនាស់ ហើយត្រូវបានគេលួចធ្វើប្លង់រំលោភយកនោះ មានទំហំក្បាលដីទទឹង៤៨ម៉ែត្រ បណ្តោយ១៤០ម៉ែត្រស្ថិតនៅក្នុងភូមិគន្ធាំ ឃុំវាលពន់ ស្រុកថ្ពង ខេត្តកំពង់ស្ពឺ ។
តាមសម្តីរបស់ អ៊ន គង់ ជាប្រពន្ធបានបន្តថា ដី(កេរ្តិ៍តំណែល) របស់គាត់ខាងលើនេះ គាត់បានកាន់កាប់តាំងពីដូនតាគាត់មកម្ល៉េះហើយរហូតមកដល់កំឡុងឆ្នាំ១៩៩៤ គាត់បានឱ្យឈ្មោះពត ពេញ ភេទប្រុស អាយុ៤៨ឆ្នាំ ត្រូវជាបងប្អូន រស់នៅក្នុងភូមិ-ឃុំខាងលើ មើលការខុសត្រូវ ស្រាប់តែក្នុងអំឡុងខែមិថុនា ឆ្នាំ២០១៤ ឈ្មោះពេញនោះ បានយកដីរបស់គាត់ទៅលក់ឱ្យឈ្មោះខឹម ភារម្យ និងប្រពន្ធឈ្មោះសេមមិនដឹងតំលៃប៉ុន្មាននោះទេ។
ប្រភពបានបន្តទៀតថាដោយមិនដឹងថាប្អូនរបស់គាត់លក់ដីនោះតាំងពីពេលណានោះទេគាត់ក៏បានជួលគ្រឿងចក្រទៅធ្វើការឈូសឆាយនៅថ្ងៃទី១៩ ខែមេសា ឆ្នាំ២០១៦ស្រាប់តែឈ្មោះកែវ សេម ទៅឃាត់ព្រមទាំងមានសមត្ថកិច្ចទៀតផងដោយនិយាយថាជាដីរបស់គេទៅវិញហើយគាត់សុំមើលលិខិតកាន់កាប់ឬក៏លក់ទិញឈ្មោះកែវ សេមនិយាយថាទៅឃុំទៅដឹងហើយ ។
ពេលនោះស្រាប់តែអ្នកទិញនោះបានដាក់ពាក្យប្តឹងថាគាត់ធ្វើអោយខូចខាតដោយចេនានិងអំពើលួចទៅតុលាការខេត្តទៅវិញ។ ហើយស្រាប់តែថ្មីៗនេះខាងនគរបាលប៉ុស្តិឃុំបានយកដីការកោះហៅអោយគាត់ចូលបំភ្លឺដោយចោទពីបទ(ធ្វើអោយខូចដោយចេនានិងអំពើលួច)នៅថ្ងៃទី១៤ មីនា ឆ្នាំ២០១៧ ដែលចេញដោយលោក កែវ សុធាព្រះរាជអាជ្ញាផ្ទាល់តែម្តង ។
ម្ចាស់ដីបន្តថា គ្រាន់តែគាត់ទៅកាប់អុសនៅក្នុងដីដែលគាត់កាន់កាប់នោះ មានទោសដែលឬមួយយ៉ាងណា ទង្វើរបស់លោកតុលាការខេត្តកំពង់ស្ពឺធ្វើនេះ ហាក់បីដូចជាជ្រុសហួសហេតុពេកហើយ ។ ជាចុងក្រោយ រូបគាត់និងប្តីសូមសំណូមពរដល់អាជ្ញាធរពាក់ព័ន្ធតុលាការខេត្តកំពង់ស្ពឺ យពិនិត្យមើលស្រាវជ្រាវរឿងនេះម្តងទៀតផង ជាពិសេស សម្តេចមេត្តាជួយរកយុត្តិធម៌ឱ្យក្រុមគ្រួសារមានជីវភាពក្រីក្រដូចរូបគាត់ផង ។
ចែករំលែកព័តមាននេះ