ខេត្តបន្ទាយមានជ័យ ៖ ទឹកជំនន់បានជន់លិចអគារសិក្សាចំនួន៥៦កន្លែង បង្កឱ្យផលប៉ះពាល់ដល់សិស្សចំនួន១៣.៧៩៥នាក់ក្នុងទូទាំងខេត្តបន្ទាយមានជ័យ គិតត្រឹមថ្ងៃទី០៣ តុលា ឆ្នាំ២០២២នេះ ។ លោក ឈូ…
ខេត្តបន្ទាយមានជ័យ ៖ ទឹកជំនន់បានជន់លិចអគារសិក្សាចំនួន៥៦កន្លែង បង្កឱ្យផលប៉ះពាល់ដល់សិស្សចំនួន១៣.៧៩៥នាក់ក្នុងទូទាំងខេត្តបន្ទាយមានជ័យ គិតត្រឹមថ្ងៃទី០៣ តុលា ឆ្នាំ២០២២
នេះ ។
លោក ឈូ ប៊ុនរឿង ប្រធានមន្ទីអប់រំយុវជន និងកីឡាខេត្តបន្ទាយមានជ័យបានប្រាប់ថា ក្រោយទឹកជំនន់បានជន់លិច និងប៉ះពាល់ក្នុងខេត្តបន្ទាយមានជ័យក្នុងចំណោម៩ស្រុក ក្រុងមាន៦ស្រុក ក្រុងដែលរងផលប៉ះពាល់អគារសិក្សាចំនួន៥៦សាលា ក្នុងនោះ មានសាលាបឋមសិក្សាចំនួន៥១០ និងអនុវិទ្យាល័យចំនួន៥សាលា វិទ្យាល័យចំនួន១ ដែលរងផលប៉ះពាល់ដល់សិស្សចំនួន១៣.៧៩៥នាក់ (ស្រី៦.៤៩៩នាក់) ។
លោកបានបញ្ជាក់ទៀតថា ក្នុងចំណោម៦ស្រុក/ក្រុង ដែលរងផលប៉ះពាល់មាន១-ស្រុកមង្គលបូរីចំនួន១០ បឋមសិក្សា៨សាលា អនុវិទ្យាល័យ២សាលា សិស្សរងផលប៉ះពាល់ចំនួន២.៩៧៣នាក់ (ស្រី១.៤៩៩នាក់) ។ ២-ស្រុកម៉ាឡៃ ប៉ះពាល់ចំនួន០៦សាលាបឋមសិក្សា៥ អនុវិទ្យាល័យ១ សិស្សប៉ៈពាល់ចំនួន១.៤៤២នាក់ (ស្រី៧៤១នាក់) ។៣-ស្រុកស្វាយចេកប៉ៈពាល់ទឹកជំនន់ចំនួន១សាលាបឋមសិក្សា១សាលា សិស្សប៉ៈពាល់ចំនួន១៥១នាក់ (ស្រី១២០នាក់) ។ ៤-ស្រុកថ្មពួកប៉ះពាល់ទឹកជំនន់ចំនួន៤ បឋមសិក្សា៤ សិស្សប៉ៈពាល់ចំនួន៩៣៦នាក់ (ស្រី៤៥៥នាក់) ។ ៥-ស្រុកភ្នំស្រុកប៉ះពាល់ទឹកជំនន់ចំនួន១៦ បឋមសិក្សា១៤ អនុវិទ្យាល័យ១ វិទ្យាល័យ១ សិស្សប៉ះពាល់ចំនួន៣.២៣៣នាក់ (ស្រី១.៦៥១នាក់) ។ ៦-ស្រុកព្រៈនេត្រ ប៉ៈពាល់ទឹកជំនន់ចំនួន១៩ បឋមសិក្សា១៨ អនុវិទ្យាល័យ១ សិស្សប៉ះពាល់ចំនួន៥.០៦០នាក់ (ស្រី២.៤៣១នាក់) ។
លោកឈូ ប៊ុនរឿង បានបញ្ជាក់ថា អគារសិក្សាដែលត្រូវបានរងផលប៉ះពាល់ដោយទឹកជំនន់ទាំង៦ស្រុក/ ក្រុងស្មើ៥៦ ត្រូវបានបិទការសិក្សាជាបណ្តោះអាសន្ន ដោយរង់ចាំទឹកស្រកទើបសំអាត និងសិក្សាឡើងវិញ ។
ចែករំលែកព័តមាននេះ