តុលាការប៉ាគីស្ថានទម្លាក់ចោលការចោទប្រកាន់ប្រឆាំងអតីតនាយករដ្ឋមន្ត្រី បន្ទាប់ពីមានការសុំទោស
ប៉ាគីស្ថាន ៖ តុលាការប៉ាគីស្ថាន កាលពីថ្ងៃចន្ទ ទី ៣ តុលា ម្សិលមិញនេះបានទទួលយកការសុំទោស
ប៉ាគីស្ថាន ៖ តុលាការប៉ាគីស្ថាន កាលពីថ្ងៃចន្ទ ទី ៣ តុលា ម្សិលមិញនេះបានទទួលយកការសុំទោសរបស់អតីតនាយករដ្ឋមន្ត្រី Imran Khan និងបានទម្លាក់ចោលការចោទប្រកាន់ប្រឆាំងរូបលោក។ នេះបើយោងតាមការបញ្ជាក់របស់មេធាវីការពារក្តីរបស់លោក។
ការទម្លាក់ចោលការចោទប្រកាន់បានបន្ធូរបន្ថយការគំរា.មកំហែងដល់លោក Imran Khan ពីការដកសិទ្ធិពីនយោបាយ។
តុលាការជាន់ខ្ពស់ប៉ាគីស្ថាន បានព្យាយាមចោទប្រកាន់លោក Imran Khan ជុំវិញការមើលងាយមន្ត្រីរដ្ឋ ប៉ុន្តែក្រោយមក លោកបានធ្វើការសុំទោសទៅកាន់តុលាការដោយផ្ទាល់កាលពីខែមុន។
អ្នកនយោបាយដ៏លេចធ្លោរូបនេះត្រូវបានដកសិទ្ធិពីការប្រកួតប្រជែងក្នុងការបោះឆ្នោត និងកាន់តំណែងសាធារណៈយ៉ាងតិច ៥ឆ្នាំក្រោយច្បាប់របស់ប៉ាគីស្ថាន។
មេធាវីការពារក្តីឈ្មោះ Faisal Chaudhry បានប្រាប់ទីភ្នាក់ងារសារព័ត៌មាន Reuters ដូច្នេះថា «
លោក Imran Khan បានបន្តសុំទោស និងការគោរពចំពោះតុលាការ ហើយនៅថ្ងៃនេះ តុលាការបានទម្លាក់ចោលសំណុំរឿងប្រឆាំងរូបលោក»។
ការចោទប្រកាន់រូបលោកពាក់ព័ន្ធនឹងការថ្លែងសុន្ទរកថារបស់លោក ដែលលោកត្រូវបានចោទប្រកាន់ពីបទគំរា.មប៉ូលីស និងមន្ត្រីតុលាការ ក្រោយពេលជំនួយការម្នាក់របស់លោកត្រូវបានឃុំខ្លួន និងបដិសេធការសុំនៅក្រៅឃុំ។
លោក Imran Khan និងក្រុមច្បាប់របស់លោកបានបន្តលើកឡើងថា សុន្ទរកថារបស់លោកមិនមែនជាការគំរា.មកំហែងនោះទេ៕ (យោងតាមប្រភព៖ Reuters)
ចែករំលែកព័តមាននេះ