ហួសថ្លែងគ្មានវាចា! ឮសំឡេងម្តាយស្តីបន្ទោស យកដែកកេះមកដុតផ្ទះខ្ទេច
- កណ្តាល
លោកស្រី ពេជ ម៉ារ៉ែន ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីការឃុំខ្លួនយុវជនម្នាក់ដែលខឹងម្តាយស្តីបន្ទោសឱ្យ រួចក៏ដុតផ្ទះចោល ដាក់
លោកស្រី ពេជ ម៉ារ៉ែន ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីការឃុំខ្លួនយុវជនម្នាក់ដែលខឹងម្តាយស្តីបន្ទោសឱ្យ រួចក៏ដុតផ្ទះចោល ដាក់
ខេត្តកណ្តាល ៖ នៅល្ងាចថ្ងៃទី០៣ ខែតុលា ឆ្នាំ២០២២ លោកស្រី ពេជ ម៉ារ៉ែន ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីការឃុំខ្លួនយុវជនម្នាក់ដែលខឹងម្តាយស្តីបន្ទោសឱ្យ រួចក៏ដុតផ្ទះចោល ដាក់ពន្ធនាគារបណ្តោះអាសន្ន ក្រោមការចោទប្រកាន់ពីបទ «ធ្វើឲ្យខូចខាតដោយចេតនា មានស្ថានទម្ងន់ទោស ដោយសារការប្រើប្រាស់វិធីគ្រោះថ្នាក់ដល់បុគ្គល និងប្រើប្រាស់ដោយខុសច្បាប់នូវសារធាតុញៀ.ន» តាមមាត្រា៤១៣ នៃក្រមព្រហ្មទណ្ឌ និងមាត្រា៤៥ ច្បាប់ស្តីពីការត្រួតពិនិត្យគ្រឿងញៀ.ន ដែលប្រព្រឹត្តនៅថ្ងៃទី០១ ខែតុលា ឆ្នាំ២០២២ វេលាម៉ោង២០និង១០នាទីយប់ នៅចំណុចផ្ទះរបស់ឈ្មោះ ពៅ សុខលន ភេទស្រី ស្ថិតនៅភូមិដំរីឆ្លង ឃុំស្អាងភ្នំ ស្រុកស្អាង ខេត្តកណ្ដាល។
ជនរងគ្រោះក្នុងហេតុការណ៍ខាងលើមានឈ្មោះ ពៅ សុខលន ភេទស្រី អាយុ៤៩ឆ្នាំ ជនជាតិខ្មែរ មុខរបរមេផ្ទះ មានទីលំនៅភូមិដំរីឆ្លង ឃុំស្អាងភ្នំ ស្រុកស្អាង ខេត្តកណ្ដាល (ត្រូវជាម្ដាយបង្កើត) ចំណែកជនត្រូវចោទឈ្មោះ ពៅ សំណាង ហៅខ្នា ភេទប្រុស អាយុ១៧ឆ្នាំ ជនជាតិខ្មែរ មានទីលំនៅភូមិដំរីឆ្លង ឃុំស្អាងភ្នំ ស្រុកស្អាង ខេត្តកណ្ដាល (ត្រូវជាកូនបង្កើត)។
លោកវរសេនីយ៍ លន ចន្ថា អធិការនគរបាលស្រុកស្អាង បានប្រាប់អោយដឹងថា នៅថ្ងៃកើតហេតុខាងលើ ជនសង្ស័យនៅដេកក្នុងផ្ទះ លុះពេលឮម្ដាយ (ជនរងគ្រោះ) និយាយស្ដីបន្ទោសឲ្យខ្លួន ក៏កើតចិត្ដខឹងនឹងម្ដាយ ហើយក៏បានយកដែកកេះមកដុតពូកដេករបស់ខ្លួន បណ្ដាលអោយឆេះ និងរាលដាលឆេះទៅដល់ផ្ទះទៀតផង។ បន្ទាប់មកជនសង្ស័យ ក៏រត់ចុះពីលើផ្ទះ ដោយមានកាន់កាំបិតផ្គាក់នៅនឹងដៃ រួចរត់គេចខ្លួនបាត់ ភ្លាមៗនោះត្រូវបានអ្នកជិតខាងឃើញភ្លើងឆេះ ក៏ស្រែកឆោឡោឡើង រួចនាំគ្នាមកជួយពន្លត់ភ្លើង។
ក្រោយពីទទួលបានព័ត៌មានខាងលើពីប្រជាពលរដ្ឋ កម្លាំងប៉ុស្តិ៍នគរបាលរដ្ឋបាលស្អាងភ្នំ បានចុះទៅដល់កន្លែងកើតហេតុ តែមិនបានឃើញជនសង្ស័យទេ។ ក្រោយមកកម្លាំងប៉ុស្ដិ៍បានសហការជាមួយកម្លាំងប្រជាការពារ ក៏បានរកឃើញជនសង្ស័យ រួចក៏បាននាំខ្លួនជនសង្ស័យមកធ្វើការសាកសួរតែម្ដង។
នៅចំពោះមុខសមត្ថកិច្ចនគរបាល ជនសង្ស័យបានសារភាពថា «ខ្លួនពិតជាបានដុតផ្ទះរបស់ម្ដាយពិតប្រាកដមែន»។ បច្ចុប្បន្នជនសង្ស័យ ត្រូវបានបញ្ជូនមកអធិការដ្ឋាននគរបាលស្រុកស្អាង ដើម្បីកសាងសំណុំរឿង និងអនុវត្តន៍តាមនីតិវិធីច្បាប់ហើយ។
ចែករំលែកព័តមាននេះ