រាជធានីភ្នំពេញ ៖ក្រសួងធនធានទឹក និងឧតុនិយមបានបញ្ជាក់ថាចាប់ពីថ្ងៃទី៥ ដល់១១ តុលាខាងមុខនេះ តំបន់មួយចំនួនរបស់កម្ពុជានិងបន្តមានភ្លៀងធ្លាក់ពីបង្គួរទៅច្រើនលាយឡំនឹងបាតុធម្មជាតិដូចផ្គរ រន្ទះ និងខ្យល់កន្ត្រាក់។ យោងតាមសេចក្តីជូនដំណឹងស្ដីពីស្ថានភាពធាតុអាកាសរបស់ក្រសួងធនធនាទឹក ចាប់ពីថ្ងៃទី៥…
រាជធានីភ្នំពេញ ៖ក្រសួងធនធានទឹក និងឧតុនិយមបានបញ្ជាក់ថាចាប់ពីថ្ងៃទី៥ ដល់១១ តុលាខាងមុខនេះ តំបន់មួយចំនួនរបស់កម្ពុជានិងបន្តមានភ្លៀងធ្លាក់ពីបង្គួរទៅច្រើនលាយឡំនឹងបាតុធម្មជាតិដូចផ្គរ រន្ទះ និងខ្យល់កន្ត្រាក់។
យោងតាមសេចក្តីជូនដំណឹងស្ដីពីស្ថានភាពធាតុអាកាសរបស់ក្រសួងធនធនាទឹក ចាប់ពីថ្ងៃទី៥ ខែតុលាដល់ថ្ងៃទី១១ ខែតុលា ឆ្នាំ២០២២បានលើកឡើងថា ប្រព័ន្ធសម្ពាធទាប (ITCZ) បន្តអូសបន្លាយកាត់លើកម្ពុជាជាមួយ និងខ្យល់មូសុងនិរតីខ្សោយ។
ទន្ទឹមនោះការជួបប្រសព្វគ្នារវាងទ្រនុងសម្ពាធខ្ពស់ពីប្រទេសចិន (ភាគខាងជើង) និងសម្ពាធទាបដែលរុញពីក្រោមក៏មានឥទ្ធិពលលើកម្ពុជាផងដែរ។
ក្រសួងថា ស្ថានភាពបែបនេះនឹងធ្វើឲ្យភ្លៀងនៅតែបន្តធ្លាក់ជាប់ជាបន្តបន្ទាប់នៅលើផ្ទៃប្រទេសដោយក្នុងនោះតំបន់ទំនាបកណ្តាលមានសីតុណ្ហភាពអប្បបរមាមានពី២២-២៤អង្សាសេ និងសីតុណ្ហភាពអតិបរមា មានពី៣១-៣៣អង្សសេ។អាចមានភ្លៀងក្នុងកំរិតពីតិចទៅបង្គួរ លាយឡំទៅដោយផ្គរ រន្ទះ និងខ្យល់កន្ត្រាក់។ ផ្នែកខ្លះនៃបណ្តាខេត្តនៅភាគពាយ័ព្យ និងភាគខាងជើងជាប់ប្រទេសវៀតណាម ភ្លៀងអាចធ្លាក់ច្រើនដោយអន្លើ។
ដោយឡែកតំបន់ខ្ពង់រាបមានសីតុណ្ហភាពអប្បបរមាមានពី២១-២៣ អង្សាសេ និងសីតុណ្ហភាពអតិបរមាមានពី៣០-៣២ អង្សាសេ។អាចមានភ្លៀងក្នុងកំរិតពីតិចទៅច្រើនលាយឡំទៅដោយផ្គរ រន្ទះ និងខ្យល់កន្ត្រាក់។
ចំណែកតំបន់មាត់សមុទ្រមានសីតុណ្ហភាពអប្បបរមាមានពី២២-២៤ អង្សាសេសីតុណ្ហភាពអតិបរមាមានពី២៩-៣១អង្សាសេ។អាចមានភ្លៀងក្នុងកំរិតពីតិចទៅបង្គួរលាយឡំទៅដោយផ្គរ រន្ទះ និងខ្យល់កន្ត្រាក់។
យោងលើស្ថានភាពធាតុអាកាសដូចបានជម្រាបជូនខាងលើ សូមអាជ្ញាធរដែនដី និងសាធារណជនជាព័ត៌មាន និងបន្តប្រុងប្រយ័ត្នចំពោះបាតុភូតធម្មជាតិដែលអាចកើតមានឡើងជាយថាហេតុ៕
ចែករំលែកព័តមាននេះ