ខ្លាំងណាស់! Haaland ធ្វើបានកំណត់ត្រាដ៏អស្ចារ្យ ក្រោយ City លុត United ៦-៣
អង់គ្លេស ៖ ក្រោយដើរតួយ៉ាងសំខាន់ក្នុងការរួមចំណែកជួយក្រុម Manchester City បំបាក់ក្រុម
អង់គ្លេស ៖ ក្រោយដើរតួយ៉ាងសំខាន់ក្នុងការរួមចំណែកជួយក្រុម Manchester City បំបាក់ក្រុម
អង់គ្លេស ៖ ក្រោយដើរតួយ៉ាងសំខាន់ក្នុងការរួមចំណែកជួយក្រុម Manchester City បំបាក់ក្រុម Manchester United ក្នុងលទ្ធផល ៦-៣ សម្រាប់ជំនួប Manchester Derby កាលពីយប់មិញរួចមក។ ខ្សែប្រយុទ្ធឆ្នើម Erling Haaland បានតាមស្មើកំណត់ត្រាពិសេស១របស់ខ្សែប្រយុទ្ធ Cristiano Ronaldo និងសាងកំណត់ដ៏អស្ចារ្យបំផុតមួយនៅក្របខណ្ឌ English Premier League។
ជំនួបដែលធ្វើឡើងនៅកីឡដ្ឋាន Etihad ខ្សែប្រយុទ្ធ Erling Haaland និងខ្សែបម្រើប្រយុទ្ធ Phil Foden ធ្វើបានម្នាក់៣គ្រាប់ (Hat-Trick) ខណៈដែល៣គ្រាប់របស់ក្រុមភ្ញៀវ Man United រកបានដោយខ្សែបម្រើស្លាប Antony និងខ្សែប្រយុទ្ធ Anthony Martial (២គ្រាប់ម្នាក់ឯង)។
គិតចាប់តាំងពីផ្លាស់មកពីក្លិប Dortmund កាលពីឧសភា ឆ្នាំ២០២២ រហូតមកទល់ពេលនេះ ឬការចាប់ផ្តើមរដូវកាលដំបូងនៅលីគកំពូលអង់គ្លេស Haaland ធ្វើបាន Hat-Trick ៣លើកហើយគឺទល់នឹងក្រុម Crystal Palace, Nottingham Forest និង Man United ។ ដែលន័យថា ត្រឹម៨ប្រកួតក្នុងលីគ ខ្សែប្រយុទ្ធន័រវែសវ័យ២២ឆ្នាំរូបនេះ បានតាមស្មើកំណត់ត្រារបស់ Ronaldo ដែលធ្វើបានពីការប្រកួតរហូតដល់ ២៣២ប្រកួតជាមួយ Man United។
នៅត្រឹម៨ប្រកួត Haaland ថែមទាំងបានសាងកំណត់ដ៏អស្ចារ្យមិនគួរឱ្យជឿនៅក្នុងប្រវត្តិសាស្ត្រ Premier League ក្លាយជាកីឡាករធ្វើបាន Hat-Trick ៣លើកចាយពេលលឿនបំផុត ដោយបំបែកកំណត់ត្រាអតីតខ្សែប្រយុទ្ធ Michael Owen ដែលធ្វើបាននៅ៤៨ប្រកួត។
ក្រោយឆ្លងកាត់៨ប្រកួតកន្លងមក Haaland កំពុងឈរជាកីឡាកររកគ្រាប់បាល់បានច្រើនជាងគេក្នុងលីគនៅរដូវកាលនេះ ដោយមាន១៤គ្រាប់ តាមពីក្រោយដោយខ្សែប្រយុទ្ធ Harry Kane របស់ក្រុម Tottenham Hotspur ដែលមានត្រឹម៧គ្រាប់ប៉ុណ្ណោះ៕ (ដកស្រង់ចេញពី BBC)
ចែករំលែកព័តមាននេះ