ខេត្តបាត់ដំបង ៖ បុរសប្រមឹកម្នាក់ ត្រូវកម្លាំងកងរាជអាវុធហត្ថឃាត់ខ្លួនភ្លាមៗ ក្រោយពីចាប់ស្ត្រីម្នាក់បោចសក់បោកផ្ទប់លើដីរហូតដល់សន្លប់ កាលពីវេលាម៉ោង០៥ល្ងាចថ្ងៃទី០៨ មីនា ស្ថិតនៅចំណុចភូមិអូរ ឃុំពេជ្រចិន្តា ស្រុកភ្នំព្រឹក ដោយសារតែខឹងស្ត្រីរងគ្រោះ ទៅហៅប្ដីរបស់នាងមិនឲ្យផឹកស្រាជាមួយខ្លួន ។
ខេត្តបាត់ដំបង ៖ បុរសប្រមឹកម្នាក់ ត្រូវកម្លាំងកងរាជអាវុធហត្ថឃាត់ខ្លួនភ្លាមៗ ក្រោយពីចាប់ស្ត្រីម្នាក់បោចសក់បោកផ្ទប់លើដីរហូតដល់សន្លប់ កាលពីវេលាម៉ោង០៥ល្ងាចថ្ងៃទី០៨ មីនា ស្ថិតនៅចំណុចភូមិអូរ ឃុំពេជ្រចិន្តា ស្រុកភ្នំព្រឹក ដោយសារតែខឹងស្ត្រីរងគ្រោះ ទៅហៅប្ដីរបស់នាងមិនឲ្យផឹកស្រាជាមួយខ្លួន ។
ជនដៃដល់ឈ្មោះណាំ ប៊ុនឈឿន ហៅជឿន អាយុ៣៧ឆ្នាំ ត្រូវសមត្ថកិច្ចឃាត់ខ្លួនភ្លាមៗ ក្រោយពីវាយដំស្ត្រីម្នាក់ឈ្មោះជូន វណ្ណ: អាយុ៣១ឆ្នាំ ជាកម្មកររស់នៅក្នលែងកើតហេតុ ។ ជនដៃដល់បានចាប់ស្ត្រីរងគ្រោះបោចសក់បោកផ្ទប់ទៅលើដីរហូតដល់សន្លប់ ដោយសារខឹងស្ត្រីរងគ្រោះ ទៅហៅប្ដីរបស់នាងមិនឲ្យផឹកស្រាជាមួយខ្លួន(ជនបង្ក) ហើយត្រូវកម្លាំងកងរាជអាវុធហត្ថស្រុកភ្នំព្រឹក ឃាត់ខ្លួនជនដៃដល់នេះភ្លាមៗដែរ។
សាក្សីនៅកន្លែងកើតហេតុបាននិយាយថា ដំបូងគេឃើញជនដៃដល់ឈ្មោះណាំ ប៊ុនឈឿន ហៅជឿន និងបក្សពួកមួយចំនួន បានផឹកស៊ីជុំគ្នានៅកន្លែងកើតហេតុ រួមទាំងប្ដីរបស់ស្ត្រីរងគ្រោះផង ។ លុះនៅម៉ោងកើតហេតុ គេឃើញស្ត្រីរងគ្រោះ ទៅហៅប្ដីរបស់ខ្លួនឱ្យឈប់ផឹក និងហៅឲ្យទៅផ្ទះ។ ការហៅនោះ ក៏មានការឈ្លោះគ្នាមួយប្រាវដែររវាងប្ដីប្រពន្ធនេះ ធ្វើឲ្យជនដៃដល់ទ្រាំមិនបានក៏លូកមាត់ចូល រហូតបង្កជាជម្លោះរវាងស្ត្រីនិងជនដៃដល់តែម្តង ។
ប្រភពដដែលបញ្ជាក់ថា ការប៉ះទង្កិចគ្នារវាងស្ត្រីរងគ្រោះជាមួយឈ្មោះជឿន បានឡើងសរសៃ.កដាក់គ្នាកាន់តែខ្លាំង ស្រាប់តែឈ្មោះជឿន ស្ទុះទៅចាប់បោចសក់ស្ត្រីរងគ្រោះប្រតាយប្រតប់គ្នា បោកឡើងបោកចុះទៅលើដីធ្វើឲ្យនាងរបួសយ៉ាងដំណំនៅចំពោះមុខប្ដីនាង ។ លុះប្រហែលមួយម៉ោងក្រោយ ក៏ត្រូវសមត្ថកិច្ចឃាត់ខ្លួនជនដៃដល់ ខណ:ស្ត្រីរងគ្រោះត្រូវបានបញ្ជូនទៅកាន់មន្ទីរពេទ្យ ។
មន្ត្រីកងរាជអាវុធហត្ថបាននិយាយថា អំពើហិង្សាទាំងកំរោលលើស្ត្រីនេះ គឺបានកើតឡើងចំថ្ងៃទិវាសិទ្ធិនារីអន្តរជាតិ០៨ មីនា ។
ចែករំលែកព័តមាននេះ