ខេត្តតាកែវ ៖ សេចក្តីរាយការណ៍បានឱ្យដឹងថា ជនសង្ស័យជួញដូរគ្រឿងញៀនម្នាក់ ខណៈពេលដែលកម្លាំងនគរបាល បានធ្វើការចុះបង្ក្រាប បន្ទាប់ពីកំណត់មុខសញ្ញាបាននោះ ស្រាប់តែជនសង្ស័យបានតដៃជាមួយកម្លាំង ដើម្បីប្រុងគេចខ្លួន ក៏ត្រូវកម្លាំងសម្រេច
ខេត្តតាកែវ ៖ សេចក្តីរាយការណ៍បានឱ្យដឹងថា ជនសង្ស័យជួញដូរគ្រឿងញៀនម្នាក់ ខណៈពេលដែលកម្លាំងនគរបាល បានធ្វើការចុះបង្ក្រាប បន្ទាប់ពីកំណត់មុខសញ្ញាបាននោះ ស្រាប់តែជនសង្ស័យបានតដៃជាមួយកម្លាំង ដើម្បីប្រុងគេចខ្លួន ក៏ត្រូវកម្លាំងសម្រេចចិត្តដកកាំភ្លើងបាញ់ទៅលើជននោះ បណ្តាលឱ្យរងរបួសធ្ងន់ ។ បន្ទាប់មក បានបញ្ជូនជនសង្ស័យទៅសង្គ្រោះនៅឯមន្ទីរពេទ្យខេត្តតាកែវ តែដោយសារមានសភាពធ្ងន់ធ្ងរពេក ក៏បញ្ជូនបន្តមកមន្ទីរពេទ្យកាល់ម៉ែតវិញ ។
ហេតុការណ៍ខាងលើនេះ បានកើតឡើងកាលពីព្រលប់ថ្ងៃទី០៨ មីនា ស្ថិតនៅក្នុងផ្ទះជនសង្ស័យ នៅក្បែរជិតផ្សារថ្នល់បត់ ក្នុងភូមិត្រពាំងវែង ឃុំខ្វាវ ស្រុកសំរោង ខេត្តតាកែវ ។ ជំហានដំបូង គេមិនទាន់ស្គាល់ឈ្មោះជនសង្ស័យនោះទេ គ្រាន់តែដឹងថា ជននេះជាមុខសញ្ញាជួញដូរគ្រឿងញៀនដ៏សកម្មម្នាក់ប្រចាំតំបន់នោះ ។
ទោះជាយ៉ាងណា ការសង្គ្រោះរបស់ក្រុមគ្រូពេទ្យ ក៏នៅតែមិនអាចជួយបាន គឺជនសង្ស័យបានស្លាប់ ព្រោះតែស្ថានភាពធ្ងន់ធ្ងរ
ពេក។
ចែករំលែកព័តមាននេះ