ខេត្តឧត្តរមានជ័យ ៖ អ្នកទោសខ្មែរ៣នាក់ត្រូវបានក្រុមអាជ្ញាធរថៃធ្វើការដោះលេងឱ្យមានសិទ្ធិសេរីភាពវិញហើយនាំខ្លួនយកមកប្រគល់ឱ្យក្រុមអាជ្ញាធរកម្ពុជាតាមមាត់ច្រកទ្វារអន្តរជាតិជាំ កាលពីវេលាម៉ោង៤និង១០នាទីល្ងាចថ្ងៃទី៧ មីនា ។
ខេត្តឧត្តរមានជ័យ ៖ អ្នកទោសខ្មែរ៣នាក់ត្រូវបានក្រុមអាជ្ញាធរថៃធ្វើការដោះលេងឱ្យមានសិទ្ធិសេរីភាពវិញហើយនាំខ្លួនយកមកប្រគល់ឱ្យក្រុមអាជ្ញាធរកម្ពុជាតាមមាត់ច្រកទ្វារអន្តរជាតិជាំ កាលពីវេលាម៉ោង៤និង១០នាទីល្ងាចថ្ងៃទី៧ មីនា ។
អ្នកទោសខ្មែរដែលក្រុមអាជ្ញាធរថៃធ្វើការដោះលេងនោះទី១-ឈ្មោះ ឆៃ លី ភេទប្រុស អាយុ៥១ឆ្នាំ រស់នៅភូមិសាលាដែង ឃុំឫស្សីក្រោក ស្រុកមង្គលបុរី ខេត្តបន្ទាយមានជ័យ ។ ទី២-ឈ្មោះ សុន ម៉េង ភេទប្រុស អាយុ២៩ឆ្នាំ រស់នៅភូមិបាកាន ឃុំសំរោង ស្រុកក្រវាញ ខេត្តពោធិ៍សាត់ និងទី៣-ឈ្មោះ ហ៊ន ហាក់ ភេទប្រុស អាយុ៣២ឆ្នាំ រស់នៅភូមិអូរក្រឡូវ ឃុំអមលាំង ស្រុកឧត្តុង ខេត្តកំពង់ស្ពឺ ។ អ្នកទាំង៣ចាប់ខ្លួនថ្ងៃទី១១ ខែសីហា ឆ្នាំ២០១៥ ពីបទឆ្លងដែនកាប់ឈើគ្រញូងក្នុងទឹកដីថៃចូលតាមច្រកអូរស្វាយ ហើយត្រូវបានជាប់ពន្ធធានាគារនៅខេត្តស៊ីសាកេត ។
មន្ត្រីបម្រើការងារនៅមាត់ច្រកទ្វារអន្តរជាតិជាំបានឱ្យដឹងថា នៅមាត់ច្រកទ្វារនេះដែលក្រុមអាជ្ញាធរថៃបញ្ជូនអ្នកទោសខ្មែរនាំខ្លួនយកមកប្រគល់ឱ្យកម្ពុជា ជាញឹកញាប់នោះ៩០%ជាអ្នកទោសឆ្លងដែនដោយខុសច្បាប់ចូលទឹកដីថៃរុករកកាប់ឈើគ្រញួង ជាក់ស្តែងអ្នកទោសខ្មែរទាំង៣រូបនេះក្រោយពីបានទទួលពីក្រុមអាជ្ញាធរថៃហើយសមត្ថកិច្ចកម្ពុជាបានធ្វើការអប់រំ រួចឱ្យវិលត្រឡប់ទៅជួបជុំក្រុមគ្រួសារវិញនៅក្នុងថ្ងៃដដែល ៕
ចែករំលែកព័តមាននេះ