«Metro» កាលពីពេលថ្មីៗកន្លងមកផ្សាយថា តុលាការចក្រភពអង់គ្លេស បានដាក់គុកបុរសអាយុ៥៤ឆ្នាំម្នាក់ ក្រោយពីចាប់រំលោភកូនស្រីរបស់ខ្លួនចំនួន២នាក់ ដោយអះអាងថា ទប់កំហឹងមិនបាន នៅពេលកូនស្រីម្នាក់និយាយថា ស្រលាញ់ស្រីដូចគ្នា ។ ចាប់រំលោភកូនស្រីក្នុងបំណងចង់ឱ្យនាងដឹងថា ការរួមរ័កជាមួយបុរសប្រសើរជាងស្ត្រី ។
ហេតុការណ៍នោះកើតឡើងនៅទសវត្សទី៨០ ដោយលោកចៅក្រមអេនដ្រូ ឡុកហាត បង្ហើបឱ្យដឹងថា នារីរងគ្រោះនាពេលនោះមានអាយុ១៦ឆ្នាំ ។ កូនស្រីបានប្រាប់ពីចិត្តមនុស្សស្រីដូចគ្នា ឪពុក ហើយនឹកស្មានមិនដល់ថា គាត់បែរជាឆ្លើយតបដោយកំហឹង គឺចាប់រំលោភនាង ។ ធ្វើបែបនោះ ដើម្បីបង្ហាញឱ្យដឹងថា ការរួមរ័កជាមួយបុរសប្រសើរជាងនារី ។
បន្ទាប់ពីកូនស្រីម្នាក់នោះចាកចេញពីផ្ទះបុរសជាឪពុក ក៏ចាប់រំលោភកូនស្រីម្នាក់ទៀត ។
ជនជាប់ចោទរូបនោះត្រូវតុលាការកាត់ទោសឱ្យជាប់គុករយៈពេល២១ឆ្នាំ ។
អ្នកនាំពាក្យរបស់អង្គការសង្គមស៊ីវិល ដើម្បីការពារការធ្វើទារុណ្ឌកម្មលើកុមារ (Nspcc) ឱ្យដឹងថា នារីរងគ្រោះក្នុងរឿងក្តីនេះ បង្ហាញភាពក្លាហានដោយហ៊ានរៀបរាប់រឿងរ៉ាវពិតឱ្យមហាជនបានដឹង ។ រឿងក្តីនេះ ឆ្លុះបញ្ចាំងដល់អ្នកប្រព្រឹត្តឹបទល្មើសឱ្យដឹងថា ទោះបីជាហេតុការណ៍កើតឡើងក្នុងរយៈពេលយូរមកហើយក៏ដោយ ក៏គេចមិនផុតពីជាប់ទោសទេ ៕
ចែករំលែកព័តមាននេះ