ADផ្ទាំងផ្សព្វផ្សាយពាណិជ្ជកម្ម

Picture

ប្រជា​កសិករ​នៅ​ភូមិ​ជៀស​ឬ​ស្សី រីករាយ​ដោយ​បន្លែ​ពួក​គាត់ មាន​ទីផ្សារ​ល្អ

1 ឆ្នាំ មុន

ខេត្តស្វាយរៀង ៖ ប្រជា​កសិករ​ចំនួន​១៥​គ្រួសារ រស់នៅ​ភូមិ​ជៀស​ឬ​ស្សី ឃុំ​កំពង់ចំឡង ស្រុក​ស្វាយ​ជ្រំ រីករាយ​ដោយ​បន្លែ​របស់​ពួក​គាត់ មាន​ទីផ្សារ​ល្អ ហើយ​លក់​បាន​តម្លៃ​ថ្លៃ​គួរសម ។…

ខេត្តស្វាយរៀង ៖ ប្រជា​កសិករ​ចំនួន​១៥​គ្រួសារ រស់នៅ​ភូមិ​ជៀស​ឬ​ស្សី ឃុំ​កំពង់ចំឡង ស្រុក​ស្វាយ​ជ្រំ រីករាយ​ដោយ​បន្លែ​របស់​ពួក​គាត់ មាន​ទីផ្សារ​ល្អ ហើយ​លក់​បាន​តម្លៃ​ថ្លៃ​គួរសម ។

បើ​តាម​ស្ត្រី វ័យ​៥៤​ឆ្នាំ​ម្នាក់ ក្នុង​ចំណោម​១៥​គ្រួសារ បាន​ប្រាប់​កោះសន្តិភាព​ថា ឆ្នាំ​នេះ​ដំណាំ​បន្លែ មាន​ទីផ្សារ​ល្អ ដោយ​មាន​អ្នក​មក​ប្រមូល​ទិញ​ដល់​ចំការ​តែ​ម្តង ជា​ពិសេស ព​ពាយ ១​គីឡូក្រាម តម្លៃ​១០,០០០​រៀល ននោង ជ្រុង​១​គីឡូក្រាម ៣,០០០ ទៅ​៣,៥០០​រៀល សណ្តែក​គួរ ១​គីឡូក្រាម ៣,៥០០​រៀល និង​ជី​លាក់​អង្វ​ង ១០​ដុំ ៥,០០០​រៀល ។

ប្រភព​បន្ត​ទៀត​ថា ពួក​គាត់​ដាំ​បន្លែ​វិល​ជុំ គឺ​ដាំ​ត្រូវ​ដាំ​ទាំង​ខែប្រាំង ទាំង​ខែវស្សា ដាំ​ស្លះ​គ្នា បេះ​រាល់ថ្ងៃ ក៏​ប៉ុន្តែ​នៅ​រដូវប្រាំង គឺ​ត្រូវការ​បុក​អណ្តូង ដើម្បី​បូមទឹក​ស្រោច ហើយ​នៅ​ឆ្នាំ​២០២២​នេះ គឺ​មាន​អំណោយផល មាន​ទឹកភ្លៀង​តាំងពី​ដើមឆ្នាំ​រហូត​មក ធ្វើ​ឲ្យ​ការ​ដាំ​បន្លែ បាន​ទិន្នផល​ល្អ​ប្រសើរ និង​មាន​ទីផ្សារ ។

ប្រភព​បន្ត​ទៀត​ថា ការ​ដាំ​បន្លែ ជា​លក្ខណៈ​គ្រួសារ​នេះ មាន​ទីផ្សារ​ល្អ គឺ​ចាប់តាំងពី​ឆ្នាំ​២០២០​មក ដោយ​មាន​ផ្ទុះ​ជំងឺ កូ​វី​ដ​-១៩ សមត្ថកិច្ច​បិទ​ព្រំដែន វៀតណាម ផ្អាក​ការ​នាំ​បន្លែ​ចូល​ពី​វៀតណាម មក​រដ្ឋបាល​ខេត្តស្វាយរៀង ធ្វើ​ឲ្យ​អ្នក​ដាំ​បន្លែ ជា​លក្ខណៈ​គ្រួសារ​មូលដ្ឋាន​ជនបទ មាន​ទីផ្សារ​ល្អ
បន្លែបង្ការ មាន​តម្លៃ​ថ្លៃ​គួរសម ធ្វើ​ឲ្យ​ពួក​គាត់​មាន​ជីវភាព​ធូ​ធា ។ ក៏​ប៉ុន្តែ ប៉ុន្មាន​ស​ប្តា​ហ៌​ចុង​ក្រោយ​នេះ បន្លែ​ចាប់​ធ្លាក់​តម្លៃ​បន្តិច ដោយ​សមត្ថកិច្ច​បើក​ឲ្យ​ឈ្មួញ​វៀតណាម នាំ​បន្លែ​ពី​ប្រទេស​វៀតណាម​ចូល​មក​លក់​ផ្ទាល់​តាម​ទីផ្សារ ដែល​មាន​តម្លៃ​ថោក​ជាង ធ្វើ​ឲ្យ​តម្លៃ​បន្លែ​ធ្លាក់​ថ្លៃ​៕

អត្ថបទសរសេរ ដោយ

កែសម្រួលដោយ