ឆ្មក់បង្ក្រាបទីតាំងលេងល្បែងស្ទូចប្រេងកូឡា និងឃាត់ខ្លួនជនសង្ស័យប្រុសស្រី៤នាក់
រាជធានីភ្នំពេញ ៖ ជនសង្ស័យប្រុសស្រី៤នាក់ ត្រូវបានសមត្ថកិច្ចខណ្ឌឫស្សីកែវ សហការជាមួយសមត្ថកិច្ចប៉ុស្តិ៍ទួលសង្កែ ឆ្មក់ចូលបង្ក្រាបទីតាំងលេងល្បែង
រាជធានីភ្នំពេញ ៖ ជនសង្ស័យប្រុសស្រី៤នាក់ ត្រូវបានសមត្ថកិច្ចខណ្ឌឫស្សីកែវ សហការជាមួយសមត្ថកិច្ចប៉ុស្តិ៍ទួលសង្កែ ឆ្មក់ចូលបង្ក្រាបទីតាំងលេងល្បែង ស្ទូចប្រេងកូឡាខុសច្បាប់មួយកន្លែង កាលពីវេលាម៉ោង៤ និង៣០នាទីល្ងាច ថ្ងៃទី០៧ ខែមីនា ឆ្នាំ២០១៧ ដែលស្ថិតនៅតាមបណ្តោយផ្លូវរថភ្លើង ក្រុម១ ភូមិចុងខ្សាច់ សង្កាត់ទួលសង្កែ១ ខណ្ឌឫស្សីកែវ រាជធានីភ្នំពេញ។
ជនសង្ស័យដែលឃាត់ខ្លួន ទី១-ឈ្មោះ សួន សើន ភេទប្រុស អាយុ១៨ឆ្នាំ មុខរបរជាងកាត់សក់ (អ្នកមើលការខុសត្រូវ) ស្នាក់នៅផ្ទះជួល ផ្លូវរថភ្លើង ក្រុម១ ភូមិទួលគោក សង្កាត់ទួលសង្កែ,ទី២-ឈ្មោះ ខែម គឿន ភេទប្រុស អាយុ៣៤ឆ្នាំ មុខរបររត់ម៉ូតូឌុប (អ្នកលេង) ស្នាក់នៅផ្ទះជួល ភូមិទួលសង្កែ សង្កាត់ទួលសង្កែ,ទី៣-ឈ្មោះ ឆេង ផល្លា ភេទស្រី អាយុ ៤១ឆ្នាំ មុខរបរមេផ្ទះ(អ្នកលេង) ស្នាក់នៅផ្ទះជួល ផ្លូវរថភ្លើង ក្រុម១ ភូមិទួលសង្កែ សង្កាត់ទួលសង្កែ និងទី៤-ឈ្មោះ វន់ ស្រស់ ភេទស្រី អាយុ២៩ឆ្នាំ មុខរបរមិនពិតប្រាកដ ស្នាក់នៅផ្ទះជួល ផ្លូវរថភ្លើង ភូមិទួលសង្កែ សង្កាត់ទួលសង្កែ ខណ្ឌឫស្សីកែវ។
សមត្ថកិច្ចបានឲ្យដឹងថា នៅក្នុងប្រតិបត្តិការនេះ គឺកម្លាំងសមត្ថកិច្ចយើងបានធ្វើការចុះបង្ក្រាបជាក់ស្តែងនៅទីតាំងលេងល្បែង ស្ទូចប្រេងកូឡា មួយកន្លែង ដែលស្ថិតនៅតាមបណ្តោយផ្លូវរថភ្លើង ដោយឃាត់ខ្លួនជនសង្ស័យប្រុសស្រី ៤នាក់ ព្រមទាំងបានដកហូតនៅ កំរាល១ផ្ទាំង, គំរបប្រេងកូឡាចំនួន ២០,កញ្ច្រែងជ័រចំនួន២, កៅអីជ័រសម្រាប់អង្គុយលេងចំនួន ២,កាបូបស្ពាយដាក់ប្រាក់ចំនួន១ និងទឹកប្រាក់ចំនួន ២២០,០០០រៀល និងប្រាក់ដុល្លារចំនួន៥០ ហើយសមត្ថកិច្ចបានឃាត់ខ្លួនយកទៅកាន់អធិការដ្ឋាន ធ្វើការសាកសួរដើម្បីធ្វើការដោះស្រាយតាមផ្លូវច្បាប់៕
ចែករំលែកព័តមាននេះ