ខេត្ដឧត្ដរមានជ័យ ៖ គ្រប់គ្នានឹងពុំជឿសោះឡើយ ដរាបណាមិនឃើញដោយផ្ទាល់ភ្នែកថា មនុស្សមិនចេះហែលទឹកអាចអណ្ដែតលើទឹកបាន ដោយគ្រាន់តែដេកផ្ងារពោះហើយយកជើងទាំងពីរសណ្ដូកលើទឹកត្រង់ភ្លឹង ឯដៃទាំងពីរយកមកដាក់ពីលើដើមទ្រូង ដោយមិនមានកាយវិការអ្វីទាំងអស់ដូចជាសាកសពហើមអណ្ដែតទឹក ។ ភាពមិនគួរឱ្យជឿនេះបានកើតឡើងទៅលើស្ដ្រី ម្នាក់ឈ្មោះទី កេន អាយុ៦២ឆ្នាំ ទម្ងន់៨៥គីឡូក្រាម មុខរបរធ្វើចំការ មានស្រុក
ខេត្ដឧត្ដរមានជ័យ ៖ គ្រប់គ្នានឹងពុំជឿសោះឡើយ ដរាបណាមិនឃើញដោយផ្ទាល់ភ្នែកថា មនុស្សមិនចេះហែលទឹកអាចអណ្ដែតលើទឹកបាន ដោយគ្រាន់តែដេកផ្ងារពោះហើយយកជើងទាំងពីរសណ្ដូកលើទឹកត្រង់ភ្លឹង ឯដៃទាំងពីរយកមកដាក់ពីលើដើមទ្រូង ដោយមិនមានកាយវិការអ្វីទាំងអស់ដូចជាសាកសពហើមអណ្ដែតទឹក ។ ភាពមិនគួរឱ្យជឿនេះបានកើតឡើងទៅលើស្ដ្រី ម្នាក់ឈ្មោះទី កេន អាយុ៦២ឆ្នាំ ទម្ងន់៨៥គីឡូក្រាម មុខរបរធ្វើចំការ មានស្រុក កំណើតភូមិអណ្ដូងថ្ម ឃុំគូស ស្រុកត្រាំកក់ ខេត្ដតាកែវ បច្ចុប្បន្នមករស់នៅក្នុងភូមិអូរស្វាយ ឃុំអូរស្វាយ ស្រុកត្រញំងប្រាសាទ ។
អ្នកស្រីទី កេន បានរៀបរាប់ឱ្យកោះសន្ដិភាពដឹងថា រូបគាត់ជាស្ដ្រីពុំចេះហែលទឹកនោះទេ តែពេលដែលគាត់ដើរចុះទៅក្នុងស្រះដែលស្ថិតនៅខាងត្បូងផ្ទះក៏បានធ្លាក់ចូលអន្លង់ជ្រៅមួយស្រាប់តែរូបគាត់បាន ហើបជើងពីដីដូចមានអ្នករុញជើងរបស់គាត់មកលើទឹក ហើយផ្ងារពោះអណ្ដែតលើទឹកតែម្ដង ដូចជាសាកសពដែលហើមអណ្ដែត ដូច្នេះដែរ ។ គាត់បានរៀបរាប់បញ្ជាក់ទៀតថា រូបគាត់ជាអ្នកកាន់សីល៨ ពុំចេះមន្ដអាគមអ្វីនោះឡើយ ហើយខ្លួនអ្នកស្រីផ្ទាល់ កំពុងតែឆ្ងល់ពីបញ្ហានេះ ថាហេតុអ្វីបានជារូបគាត់មិនលិចចុះទៅក្នុងទឹក។
លោកសួន សេង ជំទប់ទី២ ឃុំអូរស្វាយ បានឱ្យកោះសន្ដិភាពដឹងថា ប្រជាពលរដ្ឋក្នុង ភូមិអូរស្វាយ ជាពិសេសរូបគាត់ផ្ទាល់មានចម្ងល់យ៉ាងខ្លាំងទៅលើស្ដ្រីរូបនោះដែលមានទម្ងន់រហូតដល់ទៅ៨៥គីឡូក្រាម ហេតុអ្វីអាចអណ្ដែតលើទឹកបាន ។ លោកបាន ឱ្យដឹងទៀតថា នៅពេលមានកម្មវិធីបុណ្យទានប្រជាពលរដ្ឋនៅក្នុងភូមិ-ឃុំរបស់លោក បានសំណូមពរឱ្យស្ដ្រីរូបនោះចុះទៅក្នុងទឹក បណ្ដែតខ្លួនឱ្យពួកគេមើលកំសាន្ដផងដែរ ៕
ចែករំលែកព័តមាននេះ