កុំតែបានឃើញស្រែកទាន់ កុំអីច្បាស់ជា…!
រាជធានីភ្នំពេញ ៖ ជនសង្ស័យជាជនជាតិវៀតណាមម្នាក់ត្រូវបានប្រជាពលរដ្ឋនាំគ្នាឃាត់ខ្លួនកាលពីម៉ោង៨ព្រឹកថ្ងៃទី៧ មីនា បន្ទាប់ពីធ្វើសកម្មភាពលួចម៉ូតូម៉ាក SUZUKI VIVA មួយគ្រឿង
រាជធានីភ្នំពេញ ៖ ជនសង្ស័យជាជនជាតិវៀតណាមម្នាក់ត្រូវបានប្រជាពលរដ្ឋនាំគ្នាឃាត់ខ្លួនកាលពីម៉ោង៨ព្រឹកថ្ងៃទី៧ មីនា បន្ទាប់ពីធ្វើសកម្មភាពលួចម៉ូតូម៉ាក SUZUKI VIVA មួយគ្រឿងនៅក្នុងការដ្ឋានសំណង់ក្រុម១៩ ភូមិត្រពាំងឈូក សង្កាត់ទឹកថ្លា ខណ្ឌសែនសុខ ។
ជនសង្ស័យរូបនោះឈ្មោះ ង្វៀង យ៉ាំងយូ ភេទប្រុស អាយុ៣៤ឆ្នាំ ជនជាតិវៀតណាម ស្នាក់នៅមិនពិតប្រាកដ ។ ចំណែកម្ចាស់ម៉ូតូឈ្មោះ ទេព ផល្លី ភេទប្រុស អាយុ៤៣ឆ្នាំ ជាជាងសំណង់ស្នាក់នៅក្នុងការដ្ឋានសំណង់កន្លែងកើតហេតុខាងលើ ។
តាមម្ចាស់ម៉ូតូបានឱ្យដឹងថា នៅមុនពេលកើតហេតុគាត់បានទុកម៉ូតូម៉ាក SUZUKI VIVA ពណ៌ខ្មៅមួយគ្រឿងនៅក្នុងការដ្ឋានសំណង់តាំងពីព្រឹក ស្រាប់តែជនសង្ស័យម្នាក់ខាងលើបានចូលទៅធ្វើសកម្មភាពលួចបណ្តើរចេញ រួចគាត់ក៏បានឃើញទាន់ស្រែកចោរៗហើយស្ទុះទៅឃាត់ខ្លួនបានរួចប្រគល់ឱ្យនគរបាលប៉ុស្តិ៍ទឹកថ្លា ។ ចំណែកជនសង្ស័យត្រូវបាននគរបាលប៉ុស្តិ៍បញ្ជូនទៅកាន់អធិការដ្ឋាននគរបាលខណ្ឌសែនសុខដើម្បីចាត់ការតាមច្បាប់ ៕
ចែករំលែកព័តមាននេះ