ADផ្ទាំងផ្សព្វផ្សាយពាណិជ្ជកម្ម

Picture

បុរស​៤​នាក់​ធ្វើ​សកម្មភាព​លើ​ស្ត្រី​ម្នាក់ តែ​ភ្លាត់ស្នៀត​​ធ្លាក់​ពីលើ​ម៉ូតូ​ត្រូវ​ពលរដ្ឋ​ចាប់​បាន​ម្នាក់​វា​.​យ​ទ្រោម​ខ្លួន

2 ខែ មុន
  • ភ្នំពេញ

ជនសង្ស័យ​ចំនួន​៤​នាក់​បាន​ធ្វើ​សកម្មភាព​ឆក់​កាបូប​ពី​ស្ត្រី​អ្នកដំណើរ​ម្នាក់​ក្នុង​ខណៈ​ពេល​កំពុង​ជិះ​ម៉ូតូ​តាម​ផ្លូវ​ស្រប​ទិស​គ្នា ប៉ុន្តែ​ឆក់​មិន​បាន​សម្រេច​នោះ​ទេ ដោយសារ​ស្ត្រី​រង​គ្រោះ​ប្រទាញប្រទង់ ធ្វើ​ឲ្យ​ជនសង្ស័យ​ភ្លាត់ស្នៀត​ធ្លាក់​ពីលើ​ម៉ូតូ​ម្នាក់​។ ភ្លាម​ៗ​នោះ

រាជធានី​ភ្នំពេញ ៖ ជនសង្ស័យ​ចំនួន​៤​នាក់​បាន​ធ្វើ​សកម្មភាព​ឆក់​កាបូប​ពី​ស្ត្រី​អ្នកដំណើរ​ម្នាក់​ក្នុង​ខណៈ​ពេល​កំពុង​ជិះ​ម៉ូតូ​តាម​ផ្លូវ​ស្រប​ទិស​គ្នា ប៉ុន្តែ​ឆក់​មិន​បាន​សម្រេច​នោះ​ទេ ដោយសារ​ស្ត្រី​រង​គ្រោះ​ប្រទាញប្រទង់ ធ្វើ​ឲ្យ​ជនសង្ស័យ​ភ្លាត់ស្នៀត​ធ្លាក់​ពីលើ​ម៉ូតូ​ម្នាក់​។ ភ្លាម​ៗ​នោះ ប្រជាពលរដ្ឋ​បាន​ជួយ​ដេញចាប់ និង​វា​.​យ​ទាត់​ធាក់ បណ្ដាល​ឲ្យ​រង​របួស​ឡើង​ទ្រោម​ខ្លួន ហើយ​បើ​កុំ​តែ​បាន​នគរបាល​ចុះ​ទៅ​ជួយ​អន្តរាគមន៍​ទាន់ ប្រហែលជា​អាច​នឹង​ស្លា​.​ប់​បាត់​ទៅ​ហើយ ដោយឡែក​បក្សពួក​៣​នាក់​ទៀត​ជិះ​ម៉ូតូ​គេចខ្លួន​បាត់​។

Picture

ហេតុការណ៍​ខាងលើ​នោះ បាន​កើតឡើង​កាលពី​វេលា​ម៉ោង​៧​និង​១៥​នាទី​ព្រឹក ថ្ងៃ​ទី​៣០ ខែកញ្ញា ឆ្នាំ​២០២២ នៅ​តាម​ផ្លូវជាតិ​លេខ​៣ ត្រង់​ចំណុច​ភូមិ​អង្គ​ត្រគៀត ស្ថិត​ក្នុង​សង្កាត់​កន្ទោក ខណ្ឌ​កំ​បូល រាជធានី​ភ្នំពេញ​។ ហើយ​ជនសង្ស័យ​ដែល​ត្រូវ​ចាប់ខ្លួន​នោះ ពុំ​ទាន់​ត្រូវ​បាន​ស្គាល់​អត្តសញ្ញាណ​នៅឡើយ​ទេ ព្រោះ​ពេល​សួរនាំ​ឆ្លើយ​អត់​កើត បន្ទាប់​ពី​ត្រូវ​កណ្ដាប់ដៃ រន្ទះ​ជើង​របស់​ប្រជាពលរដ្ឋ​ឡើង​ទ្រោម​ខ្លួន​ទៅ​ហើយ​។ ចំណែក​ស្ត្រី​រង​គ្រោះ​ក៏​ពុំ​ត្រូវ​បាន​ស្គាល់ឈ្មោះ​ផង​ដែរ ដោយ​ក្រោយ​ពេល​កើតហេតុ គាត់​បាន​យក​កាបូប​ជិះ​ម៉ូតូ​បន្តដំណើរ​ទៅ​មុខ​បាត់ ពុំ​បាន​ដាក់​ពាក្យបណ្ដឹង​នោះ​ទេ ហើយ​នៅ​ក្នុង​កាបូប​របស់​គាត់​ដែល​ចោរឆក់​យក​ពុំ​បាន​សម្រេច​នោះ គឺ​មាន​លុយ​ពុំ​ដល់​១​ម៉ឺន​រៀល​ផង​។

Picture

បើ​តាម​អ្នក​ឃើញ​ហេតុការណ៍​បាន​និយាយ​ថា នៅ​មុន​ពេល​កើតហេតុ ស្ត្រី​រង​គ្រោះ​មាន​គ្នា​២​នាក់​បាន​ជិះ​ម៉ូតូ​១​គ្រឿង​ធ្វើ​ដំណើរ​តាម​ផ្លូវជាតិ​លេខ​៣ ក្នុង​ទិស​ដៅ​ពី​ជើង​ទៅ​ត្បូង លុះ​ពេល​ទៅ​ដល់​ត្រង់​ចំណុច​កើតហេតុ ស្រាប់តែ​លេចមុខ​ជនសង្ស័យ​ចំនួន​៤​នាក់​ជិះ​ម៉ូតូ​២​គ្រឿង​តាម​ពីក្រោយ​។ នៅ​ពេល​ទៅ​ដល់​ទន្ទឹម​គ្នា​ជាមួយនឹង​ជន​រង​គ្រោះ​នោះ ជនសង្ស័យ​ក៏​បាន​ធ្វើ​សកម្មភាព​ឆក់​កាបូប ប៉ុន្តែ​ពុំ​បាន​សម្រេច​ឡើយ ដោយសារ​ស្ត្រី​រង​គ្រោះ​ប្រទាញប្រទង់​ដណ្ដើម​យក​បាន​វិញ​។

Picture

ប្រភព​ដដែល​បាន​ប្រាប់​ឲ្យ​ដឹង​ទៀត​ថា ខណៈនោះ​ជនសង្ស័យ​ម្នាក់​បាន​ភ្លាត់ស្នៀត​ធ្លាក់​ពីលើ​ម៉ូតូ ហើយ​បាន​រត់គេច​ខ្លួន តែ​ត្រូវ​ប្រជាពលរដ្ឋ​ដែល​ជា​អ្នកដំណើរ​តាម​ផ្លូវ​បាន​ជួយ​ដេញ​តាម រហូត​ដល់​ភូមិ​ក្រាំង​ដូន​ទៃ សង្កាត់​ចាម​ចៅ​ទី​២ ខណ្ឌ​ពោធិ៍​សែន​ជ័យ ទើប​ចាប់​បាន បន្ទាប់​មក​ក៏​បាន​ព្រួត​គ្នា​វា​.​យ​ទាត់​ធាក់ បណ្ដាល​ឲ្យ​រង​របួស​ទ្រោម​ខ្លួន​តែ​ម្តង ចំណែក​បក្សពួក​៣​នាក់​ទៀត​ជិះ​ម៉ូតូ​គេចខ្លួន​បាត់​ស្រមោល​ដោយ​សុវត្ថិភាព​។

ក្រោយ​ពេល​កើតហេតុ ស្ត្រី​រង​គ្រោះ​បាន​យក​កាបូប រួច​ជិះ​ម៉ូតូ​បន្តដំណើរ​ទៅ​បាត់ ដោយ​ពុំ​បាន​ដាក់​ពាក្យបណ្ដឹង​ឡើយ​៕

Picture
Picture
Picture
Picture
Picture
Picture