កាហ្សាក់ស្ថាន ៖ យុទ្ធសាស្ត្រថ្មីដែលធ្វើឱ្យបុរសៗគ្រប់រូបចាប់អារម្មណ៍យ៉ាងខ្លាំងទៅលើហាងកាត់សក់មួយកន្លែង ដែលបានប្រើប្រាស់នូវវិធីសាស្ត្រដ៏គួឱ្យទាក់ទាញខ្លាំងបំផុតមួយ ។ ហាងកាត់សក់ដែលមានឈ្មោះថា «Old Bay» ដែលស្ថិតនៅក្នុងតំបន់ Oskemen នៃប្រទេសកាហ្សាក់ស្ថានបានធ្វើឱ្យមនុស្សម្នាជាច្រើនជាពិសេសបុរសៗនាំគ្នាចូលទៅកាត់សក់យ៉ាងភ្លូកទឹកភ្លូកដីប្រៀបបាននឹងទឹកបាក់ទំនប់ ។
អ្វីដែលធ្វើឱ្យហាងកាត់សក់ខាងលើមានអតិថិជនច្រើនកុះករនោះគឺហាងនេះមានជាងកាត់សក់ជាស្រីស្អាតស្លៀកពាក់ស៊ិចស៊ីជាអ្នកបម្រើសេវាកម្មជូនអតិថិជន ហើយក្នុងចំណោមជាងកាត់សក់ទាំងនោះ មាននារីម្នាក់មិនមានពាក់អ្វីទាល់តែសោះគឺមានតែអាវអៀមពណ៌ខ្មៅមួយគ្របបិទបាំងពីមុខតែប៉ុណ្ណោះ ។ ចំណែកឯនារីពីរអ្នកផ្សេងទៀតពាក់ស្បែកជើងកែងខ្ពស់ ជាមួយនឹងរាងដ៏ស៊ិចស៊ីអស្ចារ្យ ស្លៀកលីអូខ្សែមួយ និងអាវអៀមបាំងពីមុខ មើលទៅធ្វើឱ្យបុរសៗគ្រប់រូបស្ទើរតែទប់អារម្មណ៍មិនបាន ។
ផ្ទុយទៅវិញក៏មានមតិមួយចំនួនបានលើកឡើងថា នារីស៊ិចស៊ីដែលបម្រើសេវាកម្មជូនអតិថិជនទាំងនោះ អាចជាអ្នករាំស៊ិចស៊ីនៅក្នុងក្លិបកម្សាន្តនៅក្បែរហាងកាត់សក់នោះផងដែរ ហើយគេចូលមកបម្រើសេវាកម្មក្នុងហាងកាត់សក់ខាងលើនេះអាចគ្រាន់តែដើម្បីថតស្ប៉តពាណិជ្ជកម្មឱ្យហាងតែប៉ុណ្ណោះ ។
ចំពោះអ្នកលេងបណ្តាញសង្គមហ្វេសប៊ុកម្នាក់ក៏បានលើកឡើងដែរថា«ខ្ញុំគិតថាសក់របស់ខ្ញុំដូចជាវែងហើយ ខ្ញុំគួរតែទៅហាងកាត់សក់កាន់តែឆាប់ កាន់តែល្អ» ។ ស្របពេលនោះដែរក៏មានអ្នកលេងបណ្តាញសង្គមម្នាក់ទៀតបានលើកឡើងថា«ខ្ញុំគិតថា វាដល់ពេលហើយដែលពួកយើងត្រូវទៅទស្សនាហាងកាត់សក់ ដែលមានជាងកាត់សក់ដ៏អស្ចារ្យនេះ» ។
ប៉ុន្តែបើទោះជាបែបនេះក្តីនារីស៊ិចស៊ីទាំងបីខាងលើនោះបានធ្វើឱ្យបុរសៗនាំគ្នាសម្រុកចូលទៅកាត់សក់ក្នុងហាងនោះប្រៀបបានទៅនឹងទ័ពរាប់ម៉ឺននាក់ចេញធ្វើចម្បាំងអញ្ចឹងដែរ ។ នៅខណៈពេលដែលនារីទាំង៣នាក់បង្ហាញនៅការស្លៀកពាក់បែបស៊ិចស៊ីស្ទើរតែស្រាតទាំងស្រុងបែបនេះ ធ្វើឱ្យម្ចាស់ហាងពោពេញដោយក្តីសង្ឃឹមយ៉ាងខ្លាំងព្រោះតែមានអតិថិជនឈរតំរងជួរគ្នាចាំចូលកាត់សក់ក្នុងហាងរបស់ខ្លួនបែបនេះ ៕
ចែករំលែកព័តមាននេះ