ជប៉ុន ៖ ប្រភព Metro បានឱ្យដឹងថា បុរសម្នាក់បានស្លាប់ ដោយសារតែគំនរទស្សនាវដ្តីធ្លាក់ចំពីលើ ដែលគំនរទាំងនោះ សុទ្ធតែជាទស្សនាវដ្តីក្តៅសាច់ មានទម្ងន់រហូតដល់ជាង៦តោនឯណោះ ។ ជនរងគ្រោះខាងលើឈ្មោះ Joji អាយុ៥០ឆ្នាំ ។
ប្រភពឱ្យដឹងទៀតថា ខាងក្រុមគ្រួសារជនរងគ្រោះ បានប្រាប់ទៅអ្នកជូតសម្អាតឱ្យទៅប្រមូលសៀវភៅទស្សនាវដ្តីទាំងនោះឱ្យបានស្រួលបួលវិញ ក្រោយពីជនរងគ្រោះស្លាប់ ។ ដែលពួកគេធ្វើបែបនេះ ដោយសារតែមិនចង់ឱ្យអ្នកជិតខាងដឹងថា Joji ស្លាប់ដោយសារត្រូវគំនរទស្សនាវដ្តីអាសអាភាសសង្កត់ពីលើ ។ តែការគិតមិនដូចសភាពពិតឡើយ ស្រាប់តែមានបុគ្គលិកម្នាក់ នៅក្នុងចំណោមអ្នកសម្អាត បានធ្វើឲ្យបែកធ្លាយមូលហេតុនៃការស្លាប់របស់ជនរងគ្រោះ ។
គេបញ្ជាក់ថា វាមិនទាន់ច្បាស់នៅឡើយទេថា Joji បានស្លាប់ដោយសារមើលទស្សនាវដ្តីអាសអាភាសច្រើនពេក ឬក៏ស្លាប់ដោយសារគាំងបេះដូង ហើយដួលទៅប៉ះនឹងធ្នើដាក់សៀវភៅអាសអាភាសធ្វើឲ្យវារលំសង្កត់ស្លាប់។ អ្វីដែលកាន់តែចម្លែកទៀតនោះ គឺគេបានបង្ហើបថា ផ្ទះរបស់បុរសវ័យ៥០ឆ្នាំនេះ ពោរពេញទៅដោយទស្សនាវដ្តីអាសអាភាស។ និយាយរួមទៅ សៀវភៅទាំងអស់នោះបូកចូលគ្នាទម្ងន់ជាង៦តោន ។
ចែករំលែកព័តមាននេះ