ADផ្ទាំងផ្សព្វផ្សាយពាណិជ្ជកម្ម

Picture

គួរ​ឲ្យ​សរសើរ​! យុវជន​ខ្មែរ​២​នាក់​តស៊ូ​បញ្ចប់​ការ​សិក្សា រួច​លត់​ជង្គង់​មុខ​ឪពុក​ម្តាយ​ពោល​ពាក្យ​យ៉ាង​មាន​អត្ថ​ន័យ

2 ខែ មុន
  • ភ្នំពេញ

មនុស្ស​ម្នាក់​ៗ​កើតមក​មិន​ប្រាកដ​ថា​មានជីវិត​ល្អ​ប្រសើ​គ្រប់​ៗ​គ្នា​ឡើយ ដោយ​ខ្លះ​កើតមក​ក្នុង​ត្រកូល​គ្រួសារ​អ្នកមាន​ទ្រព្យ​ស្ដុកស្ដម្ភ អាច​មាន​លទ្ធភាព​ក្នុង​ការ​ផ្គត់ផ្គង់​កូន​ក្នុង​ការ​សិក្សា​រៀនសូត្រ​ចប់​ចុង​ចប់​ដើម រហូត​ទទួល​បានការ​ងារ​ល្អ​ៗ​ធ្វើ និង​មានមុខ​មាន​មាត់​ក្នុង​សង្គម ខ្លះ​ទៀត​កើត​ក្នុង​ត្រកូល​គ្រួសារ​ជា​អ្នកក្រ​ក្ស​ត់ គ្មាន​លទ្ធភាព

រាជធានី​ភ្នំពេញ ៖ មនុស្ស​ម្នាក់​ៗ​កើតមក​មិន​ប្រាកដ​ថា​មានជីវិត​ល្អ​ប្រសើ​គ្រប់​ៗ​គ្នា​ឡើយ ដោយ​ខ្លះ​កើតមក​ក្នុង​ត្រកូល​គ្រួសារ​អ្នកមាន​ទ្រព្យ​ស្ដុកស្ដម្ភ អាច​មាន​លទ្ធភាព​ក្នុង​ការ​ផ្គត់ផ្គង់​កូន​ក្នុង​ការ​សិក្សា​រៀនសូត្រ​ចប់​ចុង​ចប់​ដើម រហូត​ទទួល​បានការ​ងារ​ល្អ​ៗ​ធ្វើ និង​មានមុខ​មាន​មាត់​ក្នុង​សង្គម ខ្លះ​ទៀត​កើត​ក្នុង​ត្រកូល​គ្រួសារ​ជា​អ្នកក្រ​ក្ស​ត់ គ្មាន​លទ្ធភាព​ក្នុង​ការ​ផ្គត់ផ្គង់​កូន​ក្នុង​ការ​សិក្សា រហូត​ធ្វើ​ឲ្យ​កូន​ៗ​សម្រេចចិត្ត​បញ្ឈប់​ការ​សិក្សា​បោះបង់​ការ​រៀនសូត្រ​ចោល រួច​ក៏​ទៅ​ធ្វើការ​ងារ​ដែល​ប្រើ​កម្លាំងបាយ តែ​គ្រួសារ​ខ្លះ​ទៀត ទោះ​ខ្លួន​ក្រលំបាក​យ៉ាងណា ក៏​តស៊ូ​ឲ្យ​កូន​ៗ​រៀនសូត្រ​ចប់​ចុង​ចប់​ដើម ដើម្បី​ឲ្យ​កូន​ៗ​មាន​អនាគត​ល្អ ដោយ​ពួក​គាត់​បាន​លើក​ទស្សនៈ​ពោល​ប្រាប់​ទៅ​កាន់​កូន​ៗ​ថា «​ព្រោះតែ​ឪពុក​ម្ដាយ​ក្រ​គ្មាន​ចំណេះដឹង ទើប​សុខចិត្ត​លំបាក​អត់ឃ្លាន ដើម្បី​ឲ្យ​កូន​ៗ​បាន​រៀនសូត្រ រហូត​ជោគជ័យ​មានការ​ងារ​ល្អ​ៗ​ធ្វើ ដូច្នេះ​ដាច់ខាត​កូន​ត្រូវ​នាំ​ភាព​ជោគជ័យ​មក​ជូន​គ្រួសារ​យើង​វិញ​ណា៎​»​។

Picture

តួយ៉ាង​ថ្មី​ៗ​នេះ អ្នក​និយម​លេង​បណ្ដាញ​សង្គម នាំ​គ្នា​ស្ងើចសរសើរ​ទៅ​លើ​កូន​ខ្មែរ​២​រូប​នេះ​យ៉ាង​ខ្លាំង ក្រោយ​ឃើញ​យុវជន​ពីរ​រូប​ខាងលើ បាន​រៀនសូត្រ​បញ្ចប់​ការ​សិក្សា​ទាំង​ពីរ​នាក់​នាំ​យក​សញ្ញាប័ត្រ​ជូន​គ្រួសារ លើកមុខ​មាត់ កិត្តិយស កេរ្តិ៍ឈ្មោះ និង​ភាព​ថ្លៃថ្នូរ​ជូន​អ្នក​មានគុណ​ទាំង​ទ្វេរ រួច​សម្ដែង​ការ​ដឹងគុណ​ចំពោះ​លោក​អ្នក​មានគុណ ខណៈ​គ្រួសារ​ស្ថិត​ក្នុង​ស្ថានភាព​មិនសូវ​ធូរធា​ឡើយ តែ​លោកឪពុក​អ្នក​ម្ដាយ​របស់​យុ​ជន​ពីរ​រូប​ខាងលើ ធ្លាប់​បាន​ពោល​ប្រាប់​ៗ​លោក​ថា «​ដោយសារ​តែ​ភាព​ក្រីក្រ និង​ចង់ឱ្យ​កូន​មានចំណេះ​ដឹង ទើប​ពុក​ម៉ែ​ជំរុញ និង​លើកទឹកចិត្ត​ឱ្យ​កូន​ៗ​ខិតខំ​ប្រឹងរៀន​»​។

Picture

យ៉ាងណាមិញ​នេះ បើ​យោង​តាម​រយៈ​គណនី​ហ្វេ​ស​ប៊ុ​ក​យុវជន​ពីរ​រូប​ខាងលើ ដែល​មានឈ្មោះ «Man Soleak» បង្ហោះ​រូបភាព​ជា​ច្រើន​សន្លឹក ស្ថិត​ក្នុង​ឈុត​សម្រៀក​បំពាក់​បញ្ចប់​ការ​សិក្សា លុតជង្គង់​សំពះ​អ្នក​មានគុណ នៅ​មុខ​ផ្ទះស្បូវ​ចាស់​ធ្លុះធ្លាយ រួច​ពោល​ពាក្យ​យ៉ាង​មាន​ន័យ​ថា «​ជា​ថ្មី​ម្ដងទៀត កូនប្រុស​ទាំង​ពីរ សូម​ថ្លែងអំណរគុណ​យ៉ាង​ជ្រាលជ្រៅ ចំពោះ​លោកឪពុក និង​អ្នក​ម្ដាយ ដែល​លះបង់​គ្រប់​បែប​យ៉ាង​សម្រាប់​កូន បើ​ទោះបីជា​លោក​មាន​ជីវភាព​លំបាក់ ក៏​លោក​នៅ​តែ​ជម្រុញ និង​លើកទឹកចិត្ត​ឲ្យ​កូន​ៗ​ខិតខំ​ប្រឹងរៀន ហើយ​អ្វី​ដែល​កូន​ចង​ចាំ​មិន​ភ្លេច​នោះ គឺ​លោកឪពុក និង​អ្នក​ម្ដាយ​តែងតែ​ប្រាប់​កូន​ថា ពុក​ម៉ែ​មិន​បាន​រៀន ពុក​ម៉ែ​លំបាក់ តែ​ពុក​ម៉ែ​មិន​ចង់​ឲ្យ​កូន​លំបាក់ និង​មិន​បាន​រៀន​ដូច​ជា​ពុក​ម៉ែ​នោះ​ទេ​»​។

Picture

យុវជន​គំរូ​ពីរ​រូប​ខាងលើ បាន​ពោល​ទៅ​កាន់​អ្នក​មានគុណ​ទាំង​ពីរ​ថា «​កូន​ៗ​ពិតជា​មានសំណាង​ខ្លាំង​ណាស់ ដែល​បាន​កើតមក​ជា​កូន​របស់​លោក​ទាំង​ពីរ ហើយ​ក្រៅពី​នេះ​ទៅ​ទៀត​នៅ​មានផ្ទះ​ដ៏​កំសត់​មួយ​នេះ​ទៀត ដែល​តែងតែ​ផ្ដល់​ជា​ជម្រក និង​ភាព​កក់ក្ដៅ​សម្រាប់​កូន​គ្រប់​គ្នា​»​។

កូន​ខ្មែរ​ទាំង​ពីរ​រូប​ខាងលើ​បាន​រំលឹក​ពី​ទស្សនៈ​របស់​អ្នក​មានគុណ​ទាំង​ពីរ ដោយ​ពោល​ថា «​ជា​ចុង​ក្រោយ ខ្ញុំ​ចង់​បង្ហាញ​ពី​ទស្សនៈ​របស់​លោកឪពុក និង​អ្នក​ម្ដាយ​របស់ខ្ញុំ​ដែល​តែងតែ​ប្រាប់​ថា «​ដោយ​សារ​តែ​ភាព​ក្រីក្រ និង​ចង់​ឲ្យ​កូន​មានចំណេះ​ដឹង ទើប​ពុក​ម៉ែ​ជម្រុញ និង​លើក​ទឹក​ចឹ​ត្ត​ឲ្យ​កូន​ៗ​ខំ​ត​ខំប្រឹង​រៀន​»​។ ដើម្បី​មានចំណេះ​ដឹង ក្នុង​ការ​ជួយ​សង្គម​គ្រួសារ ក៏​ដូច​ជា​ប្រទេស​ជាតិ​ផង​ដែរ​។ ដូច្នេះ​ហើយ​ប្អូន​ៗ​ដែល​ជា​ធនធាន និង​ជា​សសរទ្រូង​ប្រទេស​ជាតិ ត្រូវ​ខិតខំ​ប្រឹងប្រែង​រៀនសូត្រ​ឲ្យ​បាន​ច្រើន​»​។

Picture

យ៉ាងណាមិញ ការ​បង្ហោះ​រូបភាព​បង្ហាញ​ពី​គំរូ​ល្អ និង​ភាព​ថ្លៃថ្នូរ​ក្នុង​ការ​តស៊ូ​របស់​យុវជន​ខាងលើ​នេះ ទទួល​បានការ​កោតសរសើរ និង​សារ​ទរ​យ៉ាង​ខ្លាំង​ពី​សំណាក់​មហាជន​អ្នកលេង​បណ្ដាញ​សង្គម​ភ្លូកទឹកភ្លូកដី​តែ​ម្ដង ហើយ​សកម្មភាព​ទាំង​អស់នេះ ក៏​បាន​បង្ហាញ​គម្រូ​ល្អ​ដល់​ដល់​យុវជន​ជំនាន់​ក្រោយ​ៗ អោយ​ខិតខំ​សិក្សា​រៀនសូត្រ បើ​ទោះបីជា​ជួប​ឧបសគ្គ​អ្វី​ក៏​ដោយ មិន​ត្រូវ​ចុះចាញ់​ជា​ដាច់ខាត​៕

Picture
Picture
Picture
Picture
Picture
Picture
Picture