ADផ្ទាំងផ្សព្វផ្សាយពាណិជ្ជកម្ម

Picture

ខណៈ​ទឹកអូរ​ព្រំដែន​ចាប់ផ្តើម​ហក់​ឡើង ប្រកាស​​ឱ្យ​ពលរដ្ឋ​ត្រូវ​ប្រុង​ប្រយ័ត្ន​ខ្ពស់

1 ឆ្នាំ មុន
  • បន្ទាយមានជ័យ

ខេត្តបន្ទាយមានជ័យ ៖ ដោយសារ​ចំហាយ​ឥទ្ធិពល​ព្យុះ​ណូ​រុ​ពី​ប្រទេស​ជិតខាង នៅ​ភូមិសាស្ត្រ​ក្រុង​ប៉ោយ​ប៉ែ​ត មិន​ខុស​ពី​កន្លែង​ផ្សេង​ៗ​នៅ​ទូ​ទាំង​ប្រទេស​ទេ គឺ​ព្រះ​ភិ​រុណ​បាន​បង្អុរ​តាំង​ព្រឹក​រហូត​ស្ទើរ​ពេញ​១​យប់​ថែម​ទៀត នៅ​ថ្ងៃ​ទី​២៨ កញ្ញា ប៉ុន្តែ​មិនសូវ​ខ្លាំង ។…

ខេត្តបន្ទាយមានជ័យ ៖ ដោយសារ​ចំហាយ​ឥទ្ធិពល​ព្យុះ​ណូ​រុ​ពី​ប្រទេស​ជិតខាង នៅ​ភូមិសាស្ត្រ​ក្រុង​ប៉ោយ​ប៉ែ​ត មិន​ខុស​ពី​កន្លែង​ផ្សេង​ៗ​នៅ​ទូ​ទាំង​ប្រទេស​ទេ គឺ​ព្រះ​ភិ​រុណ​បាន​បង្អុរ​តាំង​ព្រឹក​រហូត​ស្ទើរ​ពេញ​១​យប់​ថែម​ទៀត នៅ​ថ្ងៃ​ទី​២៨ កញ្ញា ប៉ុន្តែ​មិនសូវ​ខ្លាំង ។

ម្យ៉ាង​ដោយសា​នៅ​ឯ​ប្រទេស​ថៃ​មាន​ភ្លៀង​ធ្លាក់​ខ្លាំង​ផង​នោះ បាន​ធ្វើ​ឲ្យ​ទឹកអូរ​ព្រំដែន​ហក់​ឡើង​គួរ​ឱ្យ​ព្រួយបារម្ភខណៈ​ភូមិ​មួយ​ចំនួន​នៅ​ខាងត្បូង​ផ្លូវជាតិ​លេខ​៥ នៅ​ក្រុង​ប៉ោយ​ប៉ែ​ត មានទឹក​ហូរ​ចូល​​បណ្តើរ​ៗ​ហើយ ។ ទោះជា​បែប​នេះ​ក្តី ហេដ្ឋារចនាសម្ព័ន្ធ​កណ្តាល​ទីប្រជុំជន​ក្រុង​មួយ​នេះ មាន​ជំនន់​ទឹកភ្លៀង​ជន់​លិច​តិចតួច​ជាង​ពេល​មុន​ៗ​នៅឡើយ ដូច​ជា​បេនឡាន​ក្រុង និង​បរិវេណ​ជុំវិញ​ផ្សារ​ថ្មី​ប៉ោយ​ប៉ែ​ត ឬ​ផ្សារ​ត្រី​ជាដើម​។

ដោយ​ការ​ប្រុង​ប្រយ័ត្ន និង​ត្រៀមលក្ខណៈ​ទុកជា​មុន អាជ្ញាធរ​ក្រុង​ប៉ោយ​ប៉ែ​ត​បាន​ដឹកនាំ​កងកម្លាំង​ចម្រុះ​ចុះ​ពិនិត្យ​ស្ថានភាព​ទឹកអូរ​ព្រំដែន​កាលពី​ម្សិលមិញ​និង​ថ្ងៃនេះ​។ អាជ្ញាធរ​ក្រុង​ប៉ោយ​ប៉ែ​ត​បាន​ប្រកាស​ឲ្យ​ពលរដ្ឋ​ដែល​រស់នៅ​តាម​ភូមិ​ជាប់​អូរ​ព្រំដែន ត្រូវ​មានកា​ប្រុង​ប្រយ័ត្ន​ចំពោះ​កូនចៅ​តូច​ៗ ក៏​ដូច​ជា​សត្វពាហនៈ ព្រោះ​ទឹកអូរ​ព្រំដែន​ចាប់ផ្តើម​ហក់​ឡើង​ហើយ​។

ជាមួយ​គ្នា​នេះ អាជ្ញាធរ​បាន​ត្រៀមកម្លាំង​ដើម្បី​ជួយ​ដល់​ពលរដ្ឋ​រក​ទីទួល​សុវត្ថិភាព​ដែល​បាន​បម្រុង​ទុក​ចំនួន​៤​កន្លែង​រួច​ហើយ​ផង​ដែរ ។ គួរ​បញ្ជាក់​ផង​ដែរ​ថា មក​ទល់​ព្រឹក​ថ្ងៃ​ទី​២៩ កញ្ញា ២០២២​នេះ អាកាសធាតុ​នៅ​តែ​បន្ត​អួរ​អាប់​ហើយ​ព្រៈ​ភិ​រុណ​ក៏​នៅ​តែ​បន្ត​រលឹម​ប្រុយ​ៗ​ដដែល ៕

អត្ថបទសរសេរ ដោយ