PMខេត្តឃាត់ខ្លួនជនជាតិវៀតណាម៣នាក់
ខេត្តសៀមរាប ៖ តាមប្រភពពីកម្លាំងកងរាជអាវុធហត្ថខេត្តបានប្រាប់ឱ្យដឹងនៅរសៀលថ្ងៃទី៤ មីនា ឆ្នាំ២០១៧ ថាមុនឈានដល់ធ្វើការឃាត់ខ្លួនបានជនសង្ស័យជាជនជាតិវៀតណាម ចំនួន៣នាក់…
ខេត្តសៀមរាប ៖ តាមប្រភពពីកម្លាំងកងរាជអាវុធហត្ថខេត្តបានប្រាប់ឱ្យដឹងនៅរសៀលថ្ងៃទី៤ មីនា ឆ្នាំ២០១៧ ថាមុនឈានដល់ធ្វើការឃាត់ខ្លួនបានជនសង្ស័យជាជនជាតិវៀតណាម ចំនួន៣នាក់នោះ គឺកម្លាំងជំនាញរបស់កងរាជអាវុធហត្ថមូលដ្ឋានបានចុះល្បាតនៅដងទន្លេ ក៏ឃើញបទល្មើសកំពុងប្រព្រឹត្តជាក់ស្តែង ទើបកម្លាំងបានឃាត់ខ្លួននាំយកមកការិយាល័យជំនាញ និងវត្ថុតាងដើម្បីធ្វើការសួរនាំ និងរៀបចំសំណុំរឿងប្រគល់ឱ្យទៅមន្ត្រីជលផល ចាត់ការទៅតាមផ្លូវច្បាប់ស្តីពីច្បាប់ជលផល ។
ប្រភពបានបន្តថា ជនសង្ស័យចំនួន៣នាក់នោះមានទី១-ឈ្មោះ ង្វៀង យុំាងម៉ាន់ ភេទប្រុស អាយុ៣៥ឆ្នាំ ជនជាតិវៀតណាម មុខរបរនេសាទ ទីលំនៅបច្ចុប្បន្នភូមិទី៧ សង្កាត់ចុងឃ្នៀស ក្រុងសៀមរាប ,ទី២-ឈ្មោះ យ៉ យុំាងវ៉ាង ភេទប្រុស អាយុ២៦ឆ្នាំ ជនជាតិវៀតណាម មុខរបរ នេសាទ ទីលំនៅបច្ចុប្បន្នភូមិទី៧ សង្កាត់ចុងឃ្នៀស ក្រុងសៀមរាប និងទី៣-ឈ្មោះ តឹង យុំាងសុក ភេទប្រុស អាយុ៣៦ឆ្នាំ ជនជាតិវៀតណាម មុខរបរនេសាទ ទីលំនៅបច្ចុប្បន្នភូមិទី៧ សង្កាត់ចុងឃ្នៀស ក្រុងសៀមរាប ។
ក្រោយពីឃាតខ្លួនបានជនសង្ស័យខាងលើកម្លាំងជំនាញបានធ្វើការដកហូតវត្ថុតាងរួមមានទី១-សាច់ម៉ាញ់ចំនួន១វង់ មាត់៣២ម៉ែត្រ បណ្តោយ៣០ម៉ែត្រ ,ទី២-កាណូតបាឡាចំនួន១គ្រឿង បណ្តោយ១០ម៉ែត្រ ទទឹង២ម៉ែត្រ ជម្រៅ០,៧ម៉ែត្រ និងទី៣-ម៉ាស៊ីនមាសដា២៥សេះ ។ ជនសង្ស័យ និងវត្ថុតាងខាងលើបានប្រគល់ឱ្យខណ្ឌរដ្ឋបាលជលផលសៀមរាបដើម្បីរៀបចំសំណុំរឿងបញ្ជូនទៅតុលាការចាត់ការតាមនីតិវិធីច្បាប់ ៕
ចែករំលែកព័តមាននេះ