AFP កាលពីពេលថ្មីៗកន្លងមកផ្សាយថា ស្ដ្រីជនជាតិនីការ៉ាហ្គា អាយុ២៥ឆ្នាំម្នាក់ ស្លា.ប់បាត់បង់ជីវិតកាលពីថ្ងៃទី២៨ ខែកុម្ភៈ ឆ្នាំ២០១៧ ក្រោយពីអ្នកស្រុកចាប់ចង និងបោះចូលក្នុងភ្នក់ភ្លើង ហើយបានចោទប្រកាន់ថា នាងត្រូវ
AFP កាលពីពេលថ្មីៗកន្លងមកផ្សាយថា ស្ដ្រីជនជាតិនីការ៉ាហ្គា អាយុ២៥ឆ្នាំម្នាក់ ស្លាប់បាត់បង់ជីវិតកាលពីថ្ងៃទី២៨ ខែកុម្ភៈ ឆ្នាំ២០១៧ ក្រោយពីអ្នកស្រុកចាប់ចង និងបោះចូលភ្នក់ភ្លើងក្នុងពិធី «បណ្ដេញខ្មោច» ដ៏ព្រៃផ្សៃស្របតាមជំនឿ ។
នាង Vilma Trujillo ត្រូវបញ្ជូនទៅមន្ទីរពេទ្យដោយសារភ្លើងឆេះពេញរាងកាយ ហើយបានស្លាប់កាលពីពេលថ្មីៗកន្លងមក ។ អ្នកស្រុកមានជំនឿថា នាងត្រូវខ្មោចព្រាយចូលសណ្ឋិតក៏ចាប់ចងបោះចូលក្នុងភ្នក់ភ្លើង ។ ពិធីដ៏ព្រៃផ្សៃនោះកើតឡើងកាលពីពេលថ្ងៃទី២២ ខែកុម្ភៈ ឆ្នាំ២០១៧ នៅភូមិអេលឃ័រតេហ្សាល់ ភាគខាងកើតចៀងខាងជើងប្រទេស ចាត់ទុកថា ជារឿងគួរឱ្យថ្កោលទោសបំផុត ។
ក្រុមគ្រួសាររបស់អ្នកស្លាប់ និងអង្គការសិទ្ធិនារីបញ្ជាក់ប្រាប់សារព័ត៌មានក្នុងស្រុកថា នារីរងគ្រោះ Trujillo ត្រូវគេចាប់យកទៅប្រារព្ធពិធីបណ្ដេញបិសាច ។ អ្នកស្រុកបានចាប់នាងបោះចូលក្នុងភ្នក់ភ្លើង ទម្រាំបងប្អូន ញាតិមិត្ដជួយទាន់ ខ្លួនប្រាណរបស់នាងត្រូវភ្លើងឆាបឆេះរលាករលួយ ។
ក្រោយពីប៉ូលិសចាប់ខ្លួនហើយនោះអ្នកដឹកនាំពិធី Juan Rocha នៅប្រកាន់គោលជំហរថា នារីរងគ្រោះ «ត្រូវព្រលឹងដ៏អាក្រក់ចូលសណ្ឋិត» ប៉ុន្ដែលោកមិនបានបញ្ជាឱ្យដុតទាំងរស់ទេ តែនាងត្រូវបិសាចសណ្ឋិតធ្វើឱ្យអណ្ដែតទៅលើវេហាស៍ ហើយធ្លាក់ចូលភ្នក់ភ្លើង ។
លោក Reynaldo Peralta ប្ដីរបស់នារីរងគ្រោះដែលមិនបាននៅផ្ទះក្នុងពេលកើតហេតុ បញ្ជាក់ប្រាប់កាសែតក្នុងស្រុកថា «ប្រពន្ធខ្ញុំមិនមែនត្រូវខ្មោចូលទេ ។ អ្នកស្រុកគឺជាអ្នកសម្លាប់នាង» ៕
ចែករំលែកព័តមាននេះ