រាជធានីភ្នំពេញ ៖ អាជីវករផ្សារបូរីសន្តិភាព២ ប្រមាណ១០០នាក់បានប្រមូលផ្ដុំគ្នានៅទីស្នាក់ការផ្សារដែលមានទីតាំងស្ថិតនៅក្នុងភូមិដំណាកត្រយឹង សង្កាត់ពងទឹក ខណ្ឌដង្កោ កាលពីវេលាព្រឹកថ្ងៃទី២ មីនា ឆ្នាំ២០១៧ ។ ដែលនៅក្នុងដៃពួកគាត់ម្នាក់ៗមានកាន់រូបថតសម្ដេចអគ្គមហាសេនាបតីតេជោ ហ៊ុន សែន
រាជធានីភ្នំពេញ ៖ អាជីវករផ្សារបូរីសន្តិភាព២ ប្រមាណ១០០នាក់បានប្រមូលផ្ដុំគ្នានៅទីស្នាក់ការផ្សារដែលមានទីតាំងស្ថិតនៅក្នុងភូមិដំណាកត្រយឹង សង្កាត់ពងទឹក ខណ្ឌដង្កោ កាលពីវេលាព្រឹកថ្ងៃទី២ មីនា ឆ្នាំ២០១៧ ។ ដែលនៅក្នុងដៃពួកគាត់ម្នាក់ៗមានកាន់រូបថតសម្ដេចអគ្គមហាសេនាបតីតេជោ ហ៊ុន សែន និងសម្ដេចគតិបណ្ឌិត ប៊ុន រ៉ានី រួមជាមួយទង់គណបក្សប្រជាជនកម្ពុជាផង ។ ការតវ៉ាប្រឆាំងជាមួយប្រធានផ្សារខាងលើដោយពួកគាត់បានអះអាងថា បានតម្រូវឲ្យពួកគាត់ទិញតូបលក់ដូរក្នុងតម្លៃមួយថ្លៃយ៉ាងកប់ពពក ហួសពីលទ្ធភាពដែលពួកគាត់អាចទិញបានហើយនៅក្នុងពេលនោះដែរ ក្រុមអាជីវករខាងលើក៏បានស្នើរសុំឲ្យលោកប្រធានផ្សារ និងលោក ស្រី សុទ្ធា ដែលជាម្ចាស់ផ្សារមេត្តាកែសម្រួលលើបញ្ហានោះផង ។
ក្រុមអាជីវករបាននិយាយថា ការប្រមូលផ្ដុំគ្នានាពេលនោះគឺ ដើម្បីធ្វើការតវ៉ាបន្ទាប់ពីតំណាងលោក ស្រី សុទ្ធា ដែលជាម្ចាស់ផ្សារបូរីសន្តិភាព២បានហៅអាជីវករទាំងអស់ប្រជុំប្រាប់ពីរឿងការលក់និងទិញតូបលក់ដូរ ។ ពេលនោះតំណាងខាងលើបានតម្រូវឲ្យពួកគាត់ទិញតូបដែលពួកគាត់កំពុងប្រើរាល់ថ្ងៃក្នុង១តូបថ្លៃ ៥.០០០ដុល្លារ មិនតែប៉ុណ្ណោះក៏នៅបានតម្លើងថ្លៃតូបក្នុងមួយឆ្នាំចាប់ពី៥០ដុល្លារទៅ១០០ដុល្លារ ឬក៏រហូតដល់២០០ដុល្លារថែមទៀត ។ បន្ទាប់ពីការគាបសង្កត់ជាន់កដកស្លាបបែបនេះហើយ បពួកគាត់គ្មានជម្រើសអ្វីផ្សេងក្រៅតែពីការប្រមូលផ្ដុំគ្នាធ្វើការតវ៉ា និងស្នើរសុំឲ្យលោក ស្រី សុទ្ធា ដែលជាម្ចាស់ផ្សារបូរីសន្តិភាព២ជួយសម្រួលពីបញ្ហានេះតែប៉ុណ្ណោះ ។
តាមប្រភពព័ត៌មានបានឲ្យដឹងថា ក្រោពីប្រជាពលរដ្ឋផ្ទុះការតវ៉ាអាជ្ញាធរខណ្ឌដង្កោដឹកនាំដោយលោក ជរ គឹមស៊រ អភិបាលរងខណ្ឌដង្កោបានចុះទៅធ្វើការសម្របសម្រួលសុំឲ្យបងប្អូនអាជីវករទាំងនោះមានការស្ងប់ស្ងាត់អត់ធ្មត់ ហើយអាជ្ញាធរក៏បានធ្វើការសម្របសម្រួលជាមួយអ្នកគ្រប់គ្រងផ្សារផងដែរ ហើយបានឲ្យអាជីវករជ្រើសរើសតំណាងចំនួន១៥នាក់ដើម្បីជួបពិភាក្សាគ្នាជាមួយតំណាងផ្សារនៅសាលាខណ្ឌដង្កោនៅពេលក្រោយ ។
ដោយឡែកលោក គឹម យ៉ាន តំណាងផ្សារបូរីសន្តិភាព២មួយរូបដែរបានលើកឡើងថា បន្ទាប់ពីមានការតវ៉ាពី សំណាក់បងប្អូនដែលជាអាជីវករផ្សារខាងលើនោះភ្លាម លោកបានសំណូមពរទៅកាន់លោក ស្រី សុទ្ធា ដែលជាម្ចាស់ផ្សាររួចហើយម្យ៉ាងទៀតលោកក៏បានចេញលិខិតជូនដំណឹងមួយជូនដល់អាជីវករ ដោយសន្យាថាឲ្យក្រុមអាជីវករទាំងអស់លក់ដូរជាធម្មតាវិញដោយមិនមានការលក់ ឬក៏ទិញតូបនោះឡើយ និងសុំឲ្យពួកគាត់ស្ងប់ចិត្ត ៕
ចែករំលែកព័តមាននេះ