ឆេះផ្សារពោធិ៍លង្កាខេត្តសៀមរាប ជាលើកទី២
ខេត្តសៀមរាប ៖ អគ្គិភ័យឆាបឆេះផ្សារពោធិ៍លង្កាកណ្តាលក្រុងសៀមរាប ទាំងយប់អធ្រាត្រ បណ្តាលឱ្យឆេះអស់តូបចំនួន៨៥តូប និងខាតបង់ទ្រព្យសម្បត្តិរបស់អាជីវករ
ខេត្តសៀមរាប ៖ អគ្គិភ័យឆាបឆេះផ្សារពោធិ៍លង្កាកណ្តាលក្រុងសៀមរាប ទាំងយប់អធ្រាត្រ បណ្តាលឱ្យឆេះអស់តូបចំនួន៨៥តូប និងខាតបង់ទ្រព្យសម្បត្តិរបស់អាជីវករ
ខេត្តសៀមរាប ៖ អគ្គិភ័យឆាបឆេះផ្សារពោធិ៍លង្កាកណ្តាលក្រុងសៀមរាប ទាំងយប់អធ្រាត្របណ្តាលឱ្យឆេះអស់តូបចំនួន៨៥តូប និងខាតបង់ទ្រព្យសម្បត្តិរបស់អាជីវករ ប្រមាណជិត៨០ភាគរយ បង្កឱ្យមានការភ្ញាក់ផ្អើលដល់ពលរដ្ឋដែលរស់នៅជិតផ្សារនោះ និងអាជីវករលក់ដូរក្នុងផ្សារ បាននាំគ្នារត់មកជញ្ជូនឥវ៉ានទាំងយប់ផងដែរ ប៉ុន្តែពុំមាននរណាម្នាក់រងរបួសក្នុងហេតុការភ្លើងឆេះនោះឡើយ ។
ហេតុការបង្កឱ្យមានអគ្គិភ័យឆេះផ្សារនោះបានកើតឡើងនៅវេលាម៉ោង១២ និង៣០នាទី រំលងអធ្រាត្រឈានចូលថ្ងៃទី២ មិនា ២០១៧ ស្ថិតនៅចំណុចខាងលិចមាត់ស្ទឹង ក្នុងភូមិបឹងដូនប៉ា សង្កាត់ស្លក្រាម ក្រុង-ខេត្តសៀមរាប។
តាមប្រភពពីនគរបាលមូលដ្ឋានបានប្រាប់ថា មុនពេលកើតហេតុ មានពលរដ្ឋបានរាយការណ៍មកឱ្យនគរបាលប៉ុស្តិ៍សង្កាត់ស្លក្រាមថា មានករណីផ្ទុះស្សេខ្សែភ្លើង ហើយបានឆាបឆេះផ្សារពោធិ៍លង្កាហើយ ខណៈពេលនោះ ខាងកម្លាំងនគរបាលប៉ុស្តិ៍ ក៏បានរាយការណ៍បន្តទៅឱ្យនគរបាលពន្លត់អគ្គិភ័យ នៃស្នងការនគរបាលខេត្ត ដើម្បីឱ្យចុះមកជួយអន្តរាគមន៍ភ្លាមៗផងដែរ ។
ប្រភពបានបន្តថា ក្នុងហេតុការណ៍ខាងលើនោះ ឃើញមានរថយន្តពន្លត់អគ្គិភ័យមកជួយពន្លត់មានចំនួន៣អង្គភាព ក្នុងនោះមានរថយន្តពន្លត់អគ្គិភ័យរបស់នគរបាលរបស់ស្នងការខេត្ត ចំនួន៤គ្រឿង រថយន្តពន្លត់អគ្គិភ័យរបស់កម្លាំងកងរាជអាវុធហត្ថខេត្ត ចំនួន៤គ្រឿង និងរថយន្តរបស់អាជ្ញាធរជាតិអប្សរា ចំនួន២គ្រឿង ផងដែរ ទើបអាចទប់នឹងស្ថានការនេះបានទាំងស្រុង ពុំអាចបង្កឱ្យឆ្លងទៅផ្ទះពលរដ្ឋ ដែលនៅជិតនោះឡើយ ។
ប្រភពបានបញ្ជាក់បន្ថែមថា នៅផ្សារពោធិ៍លង្កានេះមានតូបទាំងអស់ចំនួន១០១តូប ឆេះខ្ទេចអស់ទាំងស្រុងចំនួន៨៥តូប និងខូចខាតសម្ភារទ្រព្យសម្បត្តិរបស់បងប្អូនអាជីវករអស់ប្រមាណជិត៨០ភាគរយ ហើយនេះជាលើកទី២ហើយ ដែលឆេះនៅផ្សារពោធិ៍លង្កានេះ កាលលើកទី១នោះ ឆេះនៅអំឡុងឆ្នាំ២០១៥ និងលើកទី២នៅថ្ងៃទី២ មិនា ២០១៧ នេះ បណ្តាលមកពីផ្ទុះស្សេខ្សែភ្លើង ព្រោះអាជីវករមួយចំនួនធំពុំស្នាក់នៅក្នុងផ្សារនេះទេ ៕
ចែករំលែកព័តមាននេះ