ប្រេស៊ីល ៖ តាមប្រភពពី Viral4real បានឱ្យដឹងថា ស្ត្រីម្នាក់បានកប់ទារកដែលខ្លួនទើបសម្រាលនៅក្នុងព្រៃ ហើយដើរត្រឡប់មកផ្ទះវិញ ធ្វើមិនដឹង សំណាងល្អណាស់ ដែលទារកនោះនៅមិនទាន់អស់ជីវិត ទោះបីជាត្រូវកប់រយៈពេល១ថ្ងៃពេញក៏ដោយ ។
ប្រេស៊ីល ៖ តាមប្រភពពី Viral4real បានឱ្យដឹងថា ស្ត្រីម្នាក់បានកប់ទារកដែលខ្លួនទើបសម្រាលនៅក្នុងព្រៃ ហើយដើរត្រឡប់មកផ្ទះវិញ ធ្វើមិនដឹង សំណាងល្អណាស់ ដែលទារកនោះនៅមិនទាន់អស់ជីវិត ទោះបីជាត្រូវកប់រយៈពេល១ថ្ងៃពេញក៏ដោយ ។
បុរសម្នាក់ដែលមិនបញ្ចេញឈ្មោះ បានអង្កេតឃើញអ្នកជិតខាងរបស់គាត់ គឺនាង Lucinda Ferreira Guimaraes ដើរចេញពីផ្ទះជាមួយនឹងផ្ទៃពោះប៉ោងគ្រប់ខែ តែនៅពេលដើរមកផ្ទះវិញ ផ្ទៃពោះនោះ ក៏លែងមានទៀត ហើយមានប្រឡាក់ទៅដោយឈាម។
ដោយសារតែសង្ស័យ បុរសម្នាក់នេះបានដើរទៅព្រៃជ្រៅ ដើម្បីរកមើលទារក ក្រែងលោ Lucinda យកទៅចោលនៅទីនោះ។ ជាអកុសល មេឃក៏បានងងឹត គាត់ក៏ដើរមកផ្ទះវិញ ហើយទៅម្តងទៀត នៅថ្ងៃស្អែកទៀត។ ពេលថ្ងៃស្អែក គាត់ពិតជាបានឃើញទារកម្នាក់កប់ក្នុងដីពិតមែន ជាមួយនឹងទង់ផ្ចិតមិនទាន់ផ្តាច់ចេញពីសុកនៅឡើយ។
អស់រយៈពេល២៤ម៉ោងហើយ ដែលក្មេងនៅក្នុងដី ។ គាត់គិតថា វាបានស្លាប់ហើយ ទើបគាត់បានទូរស័ព្ទទៅហៅប៉ូលិស តែនៅពេលប៉ូលិសមកដល់ ពួកគេដឹងថា កូននោះមិនទាន់បានស្លាប់នៅឡើយទេ ពោលគឺវាចាប់ផ្តើមយំលឺៗ ។ គេបានវិភាគទៅលើកត្តាដែលធ្វើឲ្យទារកនោះអាចនៅរស់បាន វាមានដូចជា ទី១-វាអាចមកពីភ្លៀងធ្លាក់ ដែលធ្វើឲ្យសឹកដីពីក្បាលរបស់ទារក។ វាធ្វើឲ្យទារកអាចដកដង្ហើមបាន។ ទី២-វាអាចមកពីទងផ្ចិតមិនទាន់កាត់ផ្តាច់ពីសុក ដែលមិនធ្វើឲ្យវាបាត់បង់ឈាម ។ ទី៣-វាអាចមកពីសារធាតុចិញ្ចឹមនៅក្នុងខ្លួនរបស់ទារកនោះ នៅសល់ច្រើនទើបធ្វើឲ្យវាមិនឃ្លានស្លាប់ ។
យោងតាមការរាយការណ៍បានឲ្យដឹងថា Lucinda បានទៅសម្រាលនៅក្នុងព្រៃចំងាយ៣០០ម៉ែត្រ ពីផ្ទះរបស់នាង ហើយយកកូននោះទៅកប់នៅទីនោះ តែនៅពេលជួបជាមួយនឹងអាជ្ញាធរ នាងបានប្រកែកថាមិនបានសម្រាលចេញទារកម្នាក់នេះទេ។ ប៉ូលិសឥលូវនេះ បានចាប់នាងឃុំសិន ខណៈពេលដែលទារកត្រូវបានប្រគល់ឲ្យឪពុកបង្កើតមើលថែ ។
ចែករំលែកព័តមាននេះ