សុំលុយប្រពន្ធ២០០០៛ប្រពន្ធថាមិនមានស្រាប់តែ…(មានវីដេអូ)
រាជធានីភ្នំពេញ ៖ បុរសម្នាក់ជាប្ដីមានមុខរបរជាកម្មករសំណង់រកលុយបានតិចតួចស្ទើរទិញអង្ករហូបមិនបាន ហើយបានទៅផឹកស៊ីជាមួយមិត្តភក្តិ ឯប្រពន្ធបានតាមរករឿង និងហៅឲ្យទៅផ្ទះ ស្រាប់តែ…
រាជធានីភ្នំពេញ ៖ អំពើហិង្សានៅក្នុងគ្រួសារក្រីក្រមួយដែលមានកូនរហូតដល់ទៅ៥នាក់នៅក្នុងបន្ទុកហើយបុរសជាប្ដីមានមុខរបរជាកម្មករសំណង់រកលុយបានតិចតួចស្ទើរទិញអង្ករហូបមិនបាន ចំណែកប្រពន្ធមិនអាចចេញទៅធ្វើការងារនៅខាងក្រៅដើម្បីរកលុយបានទេ បានត្រឹងតែមើលថែកូនទាំង៥នាក់នៅផ្ទះប៉ុណ្ណោះ។ ហេតុការណ៏នោះបានកើតឡើងកាលពីវេលាម៉ោង៨និង៣០នាទីយប់ថ្ងៃទី២៨ កុម្ភៈ ឆ្នាំ២០១៧ ស្ថិតក្នុងភូមិត្រឹប សង្កាត់កំបូល ខណ្ឌពោធិ៍សែនជ័យ ។
តាមប្រភពពីនគរបាលបានឲ្យដឹងថា បុរសជាប្តីឈ្មោះ ផាន ភាន់ អាយុ៣៥ឆ្នាំ ជាកម្មករសំណង់ ចំណែកប្រពន្ធឈ្មោះ ឈឿន សារុន អាយុ៣៤ឆ្នាំ មុខរបនៅផ្ទះ មានកូនចំនួន៥នាក់ក្នុងនោះកូនស្រី២នាក់ រស់នៅក្នុងបន្ទុកគ្រួសារនៅក្នុងភូមិកើតហេតុខាងលើនោះ ។ នៅមុនពេលកើតហេតុបុរសជាប្ដីបានអង្គុយផឹកស៊ីជាមួយមិត្តភក្តិ២នាក់ទៀត ពេលនោះប្រពន្ធបានហៅឲ្យទៅផ្ទះជួយមើលកូនមើលផ្ទះ ព្រោះយប់ហើយប៉ុន្តែប្ដីមិនព្រមទៅ និងបានសុំលុយប្រពន្ធចំនួន២០០០រៀលទិញស្រាផឹកបន្ត ប៉ុន្តែនាងប្រាប់ថា មិនមានលុយឲ្យទេ ទើបធ្វើឲ្យលោកប្ដីខឹងបង្កជាជម្លោះកើតឡើង ហើយប្ដីបានទាញប៉ែលវាយសំពងក្បាលប្រពន្ធបណ្តាលឲ្យបែកហូឈាមស្រោចខ្លួន និងត្រូវក្រុមគ្រួសារនាំទៅកាន់មន្ទីរពេទ្យដេរចំនួន៤ថ្នេរ ។
នគរបាលបានបន្តទៀតថា ចំណែកបុរសជាប្ដីនោះបានកាន់ដាវ១ដើម និងនាំកូនស្រីអាយុ២ឆ្នាំម្នាក់រត់ចូល ទៅក្នុងព្រៃក្បែរភូមិ និងបានដេកនៅមាត់អូរក្នុងព្រៃនោះរហូតដល់ភ្លឺលុះដល់វេលាម៉ោង១០ព្រឹកទើបកម្លាំង នគរបាលប៉ុស្ដិ៍កំបូលចុះទៅធ្វើការចាប់ខ្លួននាំទៅសួរនាំនៅប៉ុស្ដិ៍កំបូល ហើយបុរសនោះបានសារភាពថា ខ្លួនពិតជាបានផឹកស្រាស្រវឹង និងវាយប្រពន្ធមែន ចំណែកដាវដែលខ្លួនកាន់រត់ចូលទៅក្នុងព្រៃនោះគឺទុកសម្រាប់ការពារខ្លួនតែប៉ុណ្ណោះ ។
ដោយឡែកស្ត្រីជាប្រពន្ធមិនបានដាក់ពាក្យប្ដឹងនោះទេ គ្រាន់តែចង់ឲ្យនគរបាលជួយធ្វើការអប់រំប្ដី និងឲ្យប្ដីធ្វើកិច្ចសន្យាបញ្ឈប់ការប្រើហឹង្សារលើនាងប៉ុណ្ណោះហើយក្រោយពេលអប់រំរួចក៏បានឲ្យជននោះត្រឡប់ទៅផ្ទះវិញហើយដែរ ៕
ចែករំលែកព័តមាននេះ