កម្ពុជា នឹងនាំថ្នាំវ៉ាក់សាំងជំងឺមហារីក និងទឹកនោមផ្អែម ពីគុយបា
- ភ្នំពេញ
ភ្នំពេញ៖ អំឡុងពេលបំពេញទស្សនកិច្ច នៅគុយបា សម្តេចតេជោ ហ៊ុន សែន បានចាត់ឱ្យលោក ម៉ម ប៊ុនហេង រដ្ឋមន្ត្រីក្រសួងសុខាភិបាល…
ភ្នំពេញ៖ អំឡុងពេលបំពេញទស្សនកិច្ច នៅគុយបា សម្តេចតេជោ ហ៊ុន សែន បានចាត់ឱ្យលោក ម៉ម ប៊ុនហេង រដ្ឋមន្ត្រីក្រសួងសុខាភិបាល…
ភ្នំពេញ៖ អំឡុងពេលបំពេញទស្សនកិច្ច នៅគុយបា សម្តេចតេជោ ហ៊ុន សែន បានចាត់ឱ្យលោក ម៉ម ប៊ុនហេង រដ្ឋមន្ត្រីក្រសួងសុខាភិបាល ទាក់ទងជាមួយមជ្ឈមណ្ឌលវិស្វកម្មហ្សេន និងជីវបច្ចេកវិទ្យា របស់គុយបា ដើម្បីធ្វើកិច្ចសហប្រតិបត្តិការ លើការនាំចូល រឺផលិតថ្នាំវ៉ាក់សាំងការពារជំងឺមហារីក និងទឹកនោមផ្អែម មកកាន់កម្ពុជា។
វិធានការនេះ ត្រូវបានមស្តេចតេជោ ហ៊ុន សែន លើកឡើង ក្នុងពេលសម្តេច អញ្ជើញធ្វើទស្សនកិច្ចនៅមជ្ឈមណ្ឌលវិស្វកម្មហ្សេន និងជីវបច្ចេកវិទ្យា នៅប្រទេសគុយបា នាថ្ងៃទី២៥ ខែកញ្ញានេះ។
សម្តេចតេជោ ហ៊ុន សែន បញ្ជាក់ថា ការធ្វើទំនាក់ទំនងជាមួយនឹងមជ្ឈមណ្ឌលលវិស្វកម្មហ្សេន និងជីវបច្ចេកវិទ្យា គុយបា ដើម្បីធ្វើកិច្ចសហប្រតិបត្តិការលើការនាំចូល រឺផលិតវ៉ាក់សាំងការពារជំងឺមហារីក និងទឹកនោមផ្អែម មកកាន់ព្រះរាជាណាចក្រកម្ពុជា ព្រោះថា កម្ពុជាមានអត្រាមនុស្សកើតជំងឺទាំងពីរប្រភេទនេះ ខ្ពស់។
ថ្នាក់ដឹកនាំមជ្ឈមណ្ឌលវិស្វកម្មហ្សេន និងជីវបច្ចេកវិទ្យា របស់គុយបា បានទទួលយកនូវសំណូមពររបស់សម្តេចតេជោ ហើយសន្យាថា នឹងបន្តសហការជាមួយនឹងក្រសួងសុខាភិបាលកម្ពុជា។
សូមរម្លឹកថា សម្តេចតេជោ ហ៊ុន សែន បន្ទាប់ពីចាកចេញពីអាមេរិក កាលពីថ្ងៃទី២៣កញ្ញា សម្តេចតេជោ បានបន្តដំណើរទស្សនកិច្ច នៅប្រទេសគុយបា ដែលស្ថិតនៅជាប់សហរដ្ឋអាមេរិក ខណ្ឌចែកដោយសមុទ្រ។
បន្ទាប់ពីចាកចេញពីគុយបា នៅថ្ងៃទី២៥ ខែកញ្ញានេះ សម្តេចតេជោ ហ៊ុន សែន បានបន្តបេសកកម្ម នៅប្រទេសជប៉ុន ដើម្បីចូលរួមពិធីបុណ្យសពអតីតនាយករដ្ឋមន្ត្រី លោក ស៊ីនហ្សូ អាបេ។
តាមគម្រោង សម្តេចតេជោ នឹងដឹកនាំគណៈប្រតិភូជាន់ខ្ពស់កម្ពុជា វិលត្រឡប់មកដល់ភ្នំពេញវិញ នៅថ្ងៃទី២៨ ខែកញ្ញា ឆ្នាំ២០២២៕
ចែករំលែកព័តមាននេះ