មេខ្លោងរឿងអាស្រូវពុករលួយកងទ័ពជើងទឹក ត្រូវចាប់ខ្លួនបាននៅវេណេហ្ស៊ុយអេឡា
វេណេហ្ស៊ុយអេឡា ៖ លោក Leonard Francis អតីតអ្នកម៉ៅការផ្នែកយោធា ដែលមានរហស្សនាមថា
វេណេហ្ស៊ុយអេឡា ៖ លោក Leonard Francis អតីតអ្នកម៉ៅការផ្នែកយោធា ដែលមានរហស្សនាមថា
វេណេហ្ស៊ុយអេឡា ៖ លោក Leonard Francis អតីតអ្នកម៉ៅការផ្នែកយោធា ដែលមានរហស្សនាមថា ‘Fat Leonard’ ដែលពាក់ព័ន្ធនឹងរឿងអាស្រូវពុករលួយដ៏ធំបំផុតក្នុងប្រវត្តិសាស្ត្រកងទ័ពជើងទឹកអាមេរិក ត្រូវបានចាប់ខ្លួនកាលពីថ្ងៃអង្គារកន្លងទៅនេះ ក្នុងប្រទេសវេណេហ្ស៊ុយអេឡា តាមសំណើររបស់អាមេរិក។
បច្ចុប្បន្ន លោកកំពុងត្រូវបានឃុំខ្លួនដោយអាជ្ញាធរក្នុងប្រទេសវេណេហ្ស៊ុយអេឡា ហើយអាមេរិកកំពុងដំណើរការនិតិវិធីដើម្បីស្នើសុំការធ្វើបត្យាប័នមកអាមេរិក។
លោក Omar Castillo អនុសេនាធិការរងរបស់សហរដ្ឋអាមេរិក បានប្រាប់ CNN កាលពីថ្ងៃពុធថា អាមេរិកបានចេញសេចក្តីជូនដំណឹងក្រហមជាមួយនឹងប៉ូលិសអន្តរជាតិ Interpol ក្រោយពេល Leonard Francis បានរត់គេចខ្លួនកាលពីដើមខែនេះ។
លិខិតក្រហមនោះគឺជាសំណើរសកលមួយចំពោះសមាជិក Interpol ទាំងអស់ដើម្បីចូលរួមចាប់ខ្លួនជនសង្ស័យ។
សូមបញ្ជាក់ថាលោក Leonard Francis បានរត់គេចខ្លួនពីការឃុំខ្លួននៅផ្ទះក្នុងទីក្រុង San Diego នៃរដ្ឋ California កាលពីពីរសប្តាហ៍មុន ដោយធ្វើការកាត់ផ្តាច់ខ្សែដៃ GPS។ ជនសង្ស័យរូបនេះបានគេចខ្លួន ៣សប្តាហ៍ប៉ុណ្ណោះមុនពេលគាត់នឹងត្រូវគេយកមកកាត់ទោស៕ (យោងតាមប្រភព៖ CNN)
ចែករំលែកព័តមាននេះ