ខេត្តសៀមរាប ៖ ដោយស្ថានភាពជំនន់ទឹកភ្លៀងបាន និងកំពុងជន់ឡើងយ៉ាងខ្លាំង ជាហេតុបណ្ដាលឱ្យលិចលង់នៅតាមកំណាត់ផ្លូវមួយចំនួន ក្នុងភូមិសាស្ត្រ ខេត្តសៀមរាប អាជ្ញាធរបានសម្រេច បិទចរាចរណ៍ឡានដឹកទំនិញធុនធ្ងន់គ្រប់ប្រភេទលើកំណាត់ផ្លូវមួយចំនួននៅភូមិសាស្ត្រខេត្តសៀមរាប។ នេះបើយោងតាមសេចក្តីជូនដំណឹងរបស់មន្ទីរសាធារណការនិងដឹកជញ្ជួនខេត្ត…
ខេត្តសៀមរាប ៖ ដោយស្ថានភាពជំនន់ទឹកភ្លៀងបាន និងកំពុងជន់ឡើងយ៉ាងខ្លាំង ជាហេតុបណ្ដាលឱ្យលិចលង់នៅតាមកំណាត់ផ្លូវមួយចំនួន ក្នុងភូមិសាស្ត្រ ខេត្តសៀមរាប អាជ្ញាធរបានសម្រេច បិទចរាចរណ៍ឡានដឹកទំនិញធុនធ្ងន់គ្រប់ប្រភេទលើកំណាត់ផ្លូវមួយចំនួននៅភូមិសាស្ត្រខេត្តសៀមរាប។ នេះបើយោងតាមសេចក្តីជូនដំណឹងរបស់មន្ទីរសាធារណការនិងដឹកជញ្ជួនខេត្ត ចុះថ្ងៃទី ២២ ខែកញ្ញា ឆ្នាំ២០២២។
ប្រធានមន្ទីរសាធារណការ និងដឹកជញ្ជួនខេត្តសៀមរាប លោក គី វីរិន្ទ បានបញ្ជាក់ក្នុងសេចក្តីជូនដំណឹងថា ដោយសារតែ ស្ថានភាពជំនន់ទឹកភ្លៀងបាន និងកំពុងជន់ឡើងយ៉ាងខ្លាំង ជាហេតុបណ្ដាលឱ្យលិចលង់នៅតាមកំណាត់ផ្លូវមួយចំនួន ក្នុងភូមិសាស្ត្រ ខេត្តសៀមរាប «ប្រដែលស្ថានភាពបែបនេះធ្វើឱ្យផ្លូវ-ស្ពាន មិនអាចទ្រនឹងទម្ងន់របស់រថយន្តដឹកទំនិញធុនធ្ងន់ បានទេ»។
ស្ថានភាពជំនន់ទឹកភ្លៀងហូរកាត់លើផ្លូវបាន និងកំពុងជន់ឡើងយ៉ាងខ្លាំងជាហេតុបណ្ដាលឱ្យលិចលង់នៅតាមកំណាត់ផ្លូវមួយចំនួនដូចនេះមន្ទីរសាធារណការ និងដឹកជញ្ជូនខេត្តសៀមរាប សូមធ្វើការបិទចរាចរណ៍រថយន្តដឹកទំនិញធុនធ្ងន់គ្រប់ប្រភេទជាបណ្តោះអាសន្នលើកំណាត់ផ្លូវជាតិលេខ៦៤ពី(ដំដែក-ព្រះវិហារ)ផ្លូវជាតិលេខ៦៧ (សៀមរាប-អន្លង់វែង)ផ្លូវជាតិលេខ៦៨ (ក្រឡាញ់-ឧត្តរមានជ័យ)ផ្លូវខេត្តលេខ ២៦៥E (រលួស-កំពង់ភ្លុក)ផ្លូវខេត្តលេខ ២៦៦C (ស្វាយធំ-បន្ទាយស្រី)ផ្លូវខេត្តលេខ ២៦៦F (ពួក-អង្គរជុំ), ផ្លូវខេត្តលេខ២៦៧៣ (អង្គរជុំ-វ៉ារិន), ផ្លូវខេត្ត លេខ២៦៧៦ (ទួលគ្រួស-តាសៀម), ផ្លូវខេត្តលេខ ២៦៤៥ (ស្វាយលើ- ស្រែណូយ ), ផ្លូវខេត្តលេខ៦២-៣ (បេងមាលា-ខ្វាវ) ជាបណ្តោះអាសន្ន ចាប់ពីថ្ងៃជូនដំណឹងនេះ រហូតដល់មានសេចក្តីជូន ដំណឹងសារជាថ្មី ។
សូមម្ចាស់ក្រុមហ៊ុនរថយន្ត ដឹកទំនិញធំៗ មេត្តាផ្អាកការចរាចរណ៍មួយរយៈសិន តាមសេចក្តីជូនដំណឹងនេះផង៕
ចែករំលែកព័តមាននេះ