ADផ្ទាំងផ្សព្វផ្សាយពាណិជ្ជកម្ម

Picture

ជិត​ដល់ថ្ងៃបើកហើយ! តោះមកដឹង​ពីការ​ប្រើ​ប្រាស់​ផ្លូវល្បឿនលឿនភ្នំពេញ-ព្រះសីហនុ​!

2 អាទិត្យ មុន
  • ភ្នំពេញ

ភ្នំពេញ៖ ថ្ងៃទី១ ខែតុលា ឆ្នាំ២០២២ ផ្លូវល្បឿនលឿនភ្នំពេញ-ព្រះសីហនុ នឹងបើកឱ្យ​ធ្វើ​ចរាចរណ៍ឆ្លងកាត់ ដោយមិនគិតថ្លៃ រយៈពេល ១ខែពេញ។ បន្ទាប់មក…

ភ្នំពេញ៖ ថ្ងៃទី១ ខែតុលា ឆ្នាំ២០២២ ផ្លូវល្បឿនលឿនភ្នំពេញ-ព្រះសីហនុ នឹងបើកឱ្យ​ធ្វើ​ចរាចរណ៍ឆ្លងកាត់ ដោយមិនគិតថ្លៃ រយៈពេល ១ខែពេញ។ បន្ទាប់មក ចាប់ពីថ្ងៃទី១ ខែវិច្ឆិកា ឆ្នាំ២០២២ តទៅ ទើប​ក្រុមហ៊ុនចិន យកថ្លៃ​ពីយានយន្ត ដែលបើកលើផ្លូវ​ល្បឿនលឿនថ្មីលើកដំបូង​នៅកម្ពុជានេះ​។

ក្នុងពេលដឹកនាំមន្ត្រីជំនាញ រួមទាំងក្រុមហ៊ុនសាងសង់ និងអ្នកកាសែត ពិនិត្យលើកចុងក្រោយ​លើផ្លូវល្បឿនលឿនភ្នំពេញ-ព្រះសីហនុ កាលពីព្រឹកថ្ងៃទី២១ ខែកញ្ញា ឆ្នាំ២០២២ លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន​ បានលើកឡើងថា ផ្លូវល្បឿនលឿននេះ ឡានគ្រួសារ ត្រូវបើក​ក្នុងល្បឿន ៦០គ.ម ដល់ ១២០គ.ម ក្នុង ១ម៉ោង។ ចំណែក​រថយន្ត​ មានសណ្តោងរ៉ឺម៉ក់ ឬរថយន្ត​កុងតឺនឺ ត្រូវបើកបរលឿនបំផុត ក្នុងល្បឿន ៨០គ.ម ក្នុង ១ម៉ោង ហើយបើមិនមានសណ្តោងរ៉ឺម៉ក អាចបើកបរលឿនបំផុង ១០០គ.ម ក្នុង ១ម៉ោង​។

លោករដ្ឋមន្ត្រី ស៊ុន ចាន់ថុល បន្ថែមថា សម្រាប់ម៉ូតូ គឺមានកម្លាំងលើសពី ៥០០ CC ទើបអនុញ្ញាតឱ្យ​ជិះលើផ្លូវល្បឿនលឿន​ តែឱ្យបើកក្នុងល្បឿនត្រឹមតែ ១០០គ.ម ក្នុង ១ម៉ោងប៉ុណ្ណោះ។ ចំណែក​ម៉ូតូ​អេឡិចត្រូនិច ត្រូវមានកម្លាំងចាប់ពី ឬ២៧kw ឡើង ហើយម្ចាស់ម៉ូតូ ត្រូវស្នើសុំ​ Sticker ពីក្រសួង ដើម្បីបញ្ជាក់ថា ម៉ូតូនោះ មានកម្លាំងលើស​ពី ៥០០CC ឬ២៧kw ហើយ​មិនអនុញ្ញាតឱ្យ​មានអ្នកជិះពីក្រោយទេ គឺម៉ូតូ១គ្រឿង ជិះបានតែ​ម្នាក់ឯងគត់​​។

លោករដ្ឋមន្ត្រី ស៊ុន ចាន់ថុល បន្ថែមថា នៅលើផ្លូវល្បឿនលឿននេះ មានច្រកចេញ-ចូល ៦កន្លែង ហើយ​មា​ន​បញ្ឈរ​​​​បង់​​ប្រាក់ មាន ២កន្លែង នៅដើមទី និងនៅចុងទី​។ តម្លៃឡានគ្រួសារ ១២ដុល្លារ ហើយឡានដឹកទំនិញ ថ្លៃបំផុត ៦០ដុល្លារ​ ក្នុងពេលឆ្លងកាត់ម្តង ពីភ្នំពេញ-ព្រះសីហនុ​។ លើផ្លូវល្បឿនលឿន មិនអនុញ្ញាតឱ្យបើកថយក្រោយ ដោយ​បញ្ច្រាសទេ ហើយឡាន​មិនមានហើយ លូវល្បឿនលឿន ុន ចាន់ថុល បន្ថែមថា នៅលើផ្លូវល្បឿនលឿននេះ មាន១ខែពេញ។ បន្ទាប់មក ចាប់ពីថ្ងៃទី១ ខែវិច្ឆិកា ឆ្នាំ២០២២ តទៅ ទើប​ក្រុមហឈៀកត្រឹមត្រូវ គឺមិនអនុញ្ញាតឱ្យ​បើកលើផ្លូវល្បឿនលឿនទេ។

ផ្លូវល្បឿនលឿនភ្នំពេញ-ព្រះសីហនុ មានប្រវែង ១៨៧.០៥គីឡូម៉ែត្រ ​បានបើកការដ្ឋានសាងសង់ កាលពីថ្ងៃទី២២ ខែមីនា ឆ្នាំ២០១៩។ ផ្លូវនេះ តភ្ជាប់ពី​សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ដល់​សង្កាត់លេខ៣ ក្រុងព្រះសីហនុ ខេត្តព្រះសីហនុ។ មកដល់​ខែ​កញ្ញានេះ បានសាងសង់​រួចរាល់ គឺ​រួចមុនគម្រោង ៨ខែ​។​

ក្រុមហ៊ុន PPSHV Expressway Co., Ltd និងក្រុមហ៊ុនបុត្រសម្ព័ន្ធនៃក្រុមហ៊ុនសាជីវកម្មស្ពាន​ថ្នល់ចិន (CRBC) ជាអ្នកវិនិយោគសាងសង់​ផ្លូវល្បឿនលឿន ដែល​ត្រួតពិនិត្យបច្ចេកទេស​ដោយក្រុមហ៊ុន MINCONSULT SDN. BHD. ប្រើរយៈពេលសាងសង់ ៤៨ខែ ​ចំណាយថវិកាជាង ២ពាន់លានដុល្លារ​សហរដ្ឋអាមេរិក។ ផ្លូវនេះ មានគន្លងផ្លូវ ចំនួន ៤គន្លង ទទឹងផ្លូវសរុប ២៤,៥ ម៉ែត្រ មានផ្លូវបំបែកទិស ៧កន្លែង មានកន្លែងឈប់សម្រាកចំនួន ៣កន្លែង ចំណតរថយន្ត ១កន្លែង មណ្ឌលប្រតិបត្តិការ និងថែទាំ ចំនួន ៤កន្លែង ស្ពានធំ និងស្ពានមធ្យម ចំនួន ៤០កន្លែង ស្ពានតូចចំនួន ៥កន្លែង។

ផ្លូវល្បឿនលឿន ឆ្លងកាត់រាជធានីភ្នំពេញ ប្រមាណ ៨គីឡូម៉ែត្រ និងខេត្ត ចំនួន ០៤បួន ក្នុងនោះ៖ ខេត្តកណ្តាល ប្រវែង ៩,១ គីឡូម៉ែត្រ ខេត្តកំពង់ស្ពឺ ប្រវែង ៨០,៨ គីឡូម៉ែត្រ ខេត្តកោះកុង ប្រវែង ១,៩២ គីឡូម៉ែត្រ និងខេត្តព្រះសីហនុ ប្រវែង ៨៩,៨៩គីឡូម៉ែត្រ។ ​ផ្លូវល្បឿនលឿន​ភ្នំពេញ-ព្រះសីហនុ ជាផ្លូវល្បឿនលឿនទី១ និងជាផ្លូវរបៀងយុទ្ធសាស្ត្រសំខាន់បំផុតនៅកម្ពុជា ជួយកាត់បន្ថយ ពេលវេលាធ្វើដំណើរពីរាជធានីភ្នំពេញ ទៅ​ផែសមុទ្រក្រុងព្រះសីហនុ ពីចំនួន ៥ម៉ោង មកត្រឹមតែ ២ម៉ោងប៉ុណ្ណោះ៕ (រូបថតពីក្រសួងសាធារណការ និងដឹកជញ្ជូន)

Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture