ADផ្ទាំងផ្សព្វផ្សាយពាណិជ្ជកម្ម

Picture

ទីបំផុត​! វី​ដេ​អូ​ឃ្លី​ប​បង្ហាញ​ពី​ការ​លេង​បាល់ទះ​ជាប់ដៃ​ខុស​ទំនង​របស់​ខ្មែរ​ល្បី​ដល់​ពិភពលោក​ហើយ​!

2 អាទិត្យ មុន
  • ភ្នំពេញ

រាជធានី​ភ្នំពេញ ៖ ឃ្លី​ប​វី​ដេ​អូ​ប្រមាណ​ជា៣៧​វិនាទី​បង្ហាញ​ពី​ការ​លេង​បាល់ទះ​ជាប់ដៃ​ខុស​ទំនង​របស់​

រាជធានី​ភ្នំពេញ ៖ ឃ្លី​ប​វី​ដេ​អូ​ប្រមាណ​ជា៣៧​វិនាទី​បង្ហាញ​ពី​ការ​លេង​បាល់ទះ​ជាប់ដៃ​ខុស​ទំនង​របស់​កម្ពុជា ដែល​ត្រូវ​បាន​ថត​បង្ហោះ​នោះ​បាន​ល្បី​ដល់​ពិភពលោក​ហើយ ដោយសារ Page បាល់ទះ​ធំ​បំផុត​មួយ​ក្នុង​លោក​មានឈ្មោះ​ថា Volleyball World ដែល​មាន​អ្នក Like រហូត​ជិត​៣​លាន​នាក់ និង​អ្នក follower ជាង​៤​លាន​នាក់​យក​ទៅ​ស៊ែ​ឬ​ចែកចាយ​បន្ត ហើយ​បើ​សរុប​អ្នក​ចូល​មើល​វិញ​មាន​រហូត​ជាង​៤៥​លាន​ដង​ឯណោះ​។

ជា​ការ​ពិត​ចេតនា​ក្នុង​ការ​ថត​បង្ហោះ​នោះ​គឺ​គ្រាន់តែ​ជា​ការ​លេងសើច​សប្បាយ​របស់​បងប្អូន​ក្នុង​ប្រទេស​កម្ពុជា ប៉ុន្តែ​អ្វី​ដែល​មិន​នឹក​ស្មាន​ដល់​គឺ​ត្រូវ​បាន Page បាល់ទះ​ធំ​បំផុត​មួយ​ក្នុង​លោក​ស៊ែ​បន្ត ហើយ​បាន​សរសេរ Caption ចោទ​ជា​សំណួ​ថា «​តើ​វា​ត្រូវ​តាម​ច្បាប់​បាល់ទះ​ឬទេ?​» ។ ក្នុង​វី​ដេ​អូ​ដដែល​ក៏​មានការ Comment ឆ្លើយឆ្លង​យ៉ាងច្រើន ហើយ​អ្វី​ដែល​ជា​ចំណុចក្ដៅ​នោះ​គឺ​ត្រូវ​បាន​គេ Comment សើចចំអក និង​បាន​សួរ​ថា តើ​ច្បាប់​នេះ​លេង​នៅ​ប្រទេស​ណា? ក្នុង​នោះ​ក៏​មាន​អ្នក​ចូល​ទៅ​ប្រាប់​ទៀត​ថា គឺជា​ច្បាប់​ដែល​លេង​នៅ​កម្ពុជា​។

ជុំវិញ​រឿង​នេះ​ដែរ​កីឡាករ​បាល់ទះ​ជម្រើសជាតិ​កម្ពុជា ផុល រតនៈ ក៏​បាន​បញ្ចេញ​ទស្សនៈ​ក្នុង​នាម​អ្នករក្សា​នូវ​តម្លៃ​នៃ​មុខមាត់​បាត់​ទះ​កម្ពុជា​ម្នាក់​ដែរ​នោះ​ថា វា​ជា​រឿង​ដដែល រូបគេ​ធ្លាប់​បាន​លើក​ឡើង​កន្លង​មក​ហើយ ។ តាម​ពិត​ចេតនា​របស់​អ្នក​ថត​បង្ហោះ​គ្រាន់តែ​ចង់​សើច​សប្បាយ​និង​បាន Like និង Share ច្រើន តែ​មែនទែន​ទៅ ​វា​ពិតជា​មិន​គួរ​ថត​បង្ហោះ​ទាល់តែ​សោះ ព្រោះ​វា​អាច​កើតឡើង​ដូច
ករណី​នេះ មាន​ប្រទេស​នៅ​លើ​ពិភពលោក​គេ​បាន​សើចចំអក​បាល់ទះ​កម្ពុជា ។

កីឡាករ​បាល់ទះ​របស់​វិសាខា​ដដែល​បន្ថែម​ថា រឿង​នេះ​វា​បាន​ហួស​ទៅ​ហើយ ហើយ​ពេល​នេះ​ពិភព​លោក​ក៏​គេ​បានឃើញ​ហើយ​ដែរ ដូច្នេះ​រូបគេ​បាន​អំពាវនាវ​កុំ​បន្ត​ការ​លេង​ដូច្នេះ និង​សូម​រក្សា​ការ​លេង​ឲ្យ​ត្រូវ​តាម​ស្តង់ដារ ដើម្បី​លើក​ស្ទួយ​វិស័យ​បាល់ទះ​ទាំងអស់​គ្នា ។ មួយវិញទៀត ពេល​នេះ​បាល់ទះ​កម្ពុជា​ត្រូវ​បាន​គេ​ស្គាល់​ច្រើន បន្ទាប់​ពី​កម្ពុជា​បាន​យកឈ្នះ​ថៃ និង​ហ្វី​លី​ពី​ន​កាល​ស៊ី​ហ្គេ​ម​នៅ​វៀតណាម ថ្មី​ៗ​នេះ​៕

Picture
Picture