សត្វខ្លាឈីតា (Cheetah) នឹងមានវត្តមានឡើងវិញក្នុងព្រៃឥណ្ឌាជាលើកដំបូង ចាប់តាំងពីវាត្រូវបានប្រកាសជាផ្លូវការថាផុតពូជនៅក្នុងឆ្នាំ ១៩៥២។ ខ្លាមួយក្រុមចំនួន ៨ក្បាលត្រូវបានគេដឹកយកមកពីប្រទេណាមីប៊ី (Namibia) នៅក្នុងឱកាសខួបកំណើតរបស់នាយករដ្ឋមន្ត្រីឥណ្ឌា Narendra…
សត្វខ្លាឈីតា (Cheetah) នឹងមានវត្តមានឡើងវិញក្នុងព្រៃឥណ្ឌាជាលើកដំបូង ចាប់តាំងពីវាត្រូវបានប្រកាសជាផ្លូវការថាផុតពូជនៅក្នុងឆ្នាំ ១៩៥២។
ខ្លាមួយក្រុមចំនួន ៨ក្បាលត្រូវបានគេដឹកយកមកពីប្រទេណាមីប៊ី (Namibia) នៅក្នុងឱកាសខួបកំណើតរបស់នាយករដ្ឋមន្ត្រីឥណ្ឌា Narendra Modi នៅថ្ងៃសៅរ៍។សត្វខ្លាទាំងនោះនឹងត្រូវគេដាច់ឱ្យនៅដាច់ដោយឡែករយៈពេល ១ខែមុនពេលលែងវាចូលក្នុងឧទ្យាជាតិមួយនៅកណ្តាលប្រទេសឥណ្ឌា។
ប្រភេទខ្លាឈីតា ធ្លាប់រស់នៅក្នុងព្រៃឥណ្ឌាជាមួយនឹងប្រភេទឆ្មាធំដទទៀតដូចជា ខ្លា និងតោ ប៉ុន្តែវាបានផុតពូជអស់រយៈពេល ៧០ឆ្នាំមកហើយ។ឈីតា ជាប្រភេទសត្វរស់នៅលើគោកដែលរត់បានលឿនបំផុតក្នុងពិភពលោក ដោយមានល្បឿន ១១៣គីឡូម៉ែត្រក្នុងមួយម៉ោង។
នេះជាលើកដំបូងហើយដែលប្រភេទសត្វស៊ីសាច់ជាអាហារនេះត្រូវបានគេផ្លាស់ប្តូរទីតាំងពីទ្វីបមួយទៅទ្វីបមួយ និងត្រូវណែនាំឱ្យវារស់នៅក្នុងព្រៃថ្មី។
ខ្លាឈីតាយ៉ាងហោចណាស់ចំនួន ២០ក្បាលត្រូវបានគេបញ្ជូនមកឥណ្ឌាពីប្រទេសអាហ្វ្រិចខាងត្បូង និងណាមីប៊ី ដែលជាទឹកដីមានសត្វខ្លាឈីតារស់នៅច្រើនបំផុតក្នុងលោក។ បច្ចុប្បន្ន ពិភពលោកយើងមានខ្លាឈីតាចំនួនជាង ៧.០០០ក្បាល។
សត្វខ្លា ៨ក្បាលដំបូងដែលមានញី ៥ និងឈ្មោល ៣ក្បាលអាយុចន្លោះពី ២ ទៅ ៦ឆ្នាំ បានធ្វើដំណើរដល់ប្រទេសឥណ្ឌាពីប្រទេសណាមីប៊ីនៅថ្ងៃសៅរ៍នេះ។
វាត្រូវបានគេដឹកជញ្ជូនដោយឧត្ធម្ភាគចក្រទៅកាន់ឧទ្យានជាតិ Kuno ក្នុងរដ្ឋ Madhya Pradesh។
សូមបញ្ជាក់ថា បើតាមអ្នកជំនាញ សត្វខ្លាឈីតាបានផុតពូជនៅក្នុងប្រទេសឥណ្ឌាដោយសារតែការប្រមាញ់ បាត់បង់ទីជម្រក និងកង្វះអាហារ៕ (យោងតាមប្រភព៖ BBC)
ចែករំលែកព័តមាននេះ