ក្រុមហ៊ុនអាមេរិកដែលរៀបចំការលក់ដេញថ្លៃប្រកាសថា ទូរស័ព្ទក្រហមរបស់ជនផ្តាច់ការណាហ្ស៊ីអាដុល អីុត្លែរត្រូវបានលក់ដេញថ្លៃកាលពីថ្ងៃទី១៩ កុម្ភៈ ក្នុងតម្លៃ២៤៣.០០០ដុល្លារ …
ក្រុមហ៊ុនអាមេរិកដែលរៀបចំការលក់ដេញថ្លៃប្រកាសថា ទូរស័ព្ទក្រហមរបស់ជនផ្តាច់ការណាហ្ស៊ីអាដុល អីុត្លែរត្រូវបានលក់ដេញថ្លៃកាលពីថ្ងៃទី១៩ កុម្ភៈ ក្នុងតម្លៃ២៤៣.០០០ដុល្លារ ។
លោក ANDREAS KORNFELD នៃក្រុមហ៊ុនលក់ដេញថ្លៃ ALEXANDER HISTORICAL AUCTIONS បញ្ជាក់ប្រាប់ AFP ថា តម្លៃដើមទូរស័ព្ទនោះគឺ១០០.០០០ដុល្លារ ហើយការដាក់លក់ដេញថ្លៃក្នុងចន្លោះពី២០០.០០០ទៅ៣០០.០០០ដុល្លារ ។ ការវាយតម្លៃផ្អែកលើរបស់នេះជារបស់កម្រហើយមានតែមួយគត់ ។ ក្រុមហ៊ុននោះបដិសេធមិនប្រាប់ពីអត្តសញ្ញាណនិងសញ្ជាតិរបស់អ្នកដេញថ្លៃទិញយកបានឡើយ ។ ការដាក់លក់ដេញថ្លៃនោះធ្វើឡើងនៅរដ្ឋម៉ារីឡែន សហរដ្ឋអាមេរិកដែលដាក់លក់ដេញថ្លៃរបស់របរសរុបជាង១០០០មុខ។ ការដាក់លក់បើកចំហសម្រាប់បណ្តាអ្នកទិញលើពិភពលោកទាំងមូលតាមរយៈទូរស័ព្ទ ។
ទូរស័ព្ទក្រហមនេះរកឃើញក្នុងរូងក្រោមដីមួយក្រោយបរាជ័យរបស់អាល្លឺម៉ង់ណាហ្ស៊ីហើយចារឈ្មោះអាដុលអុីត្លែរនិងសញ្ញាណាហ្ស៊ី។ វាទទួលបានដោយអតីតឧត្តមសេនិយអង់គ្លេសម្នាក់ដែលទៅកាន់ក្រុងប៊ែរឡាំងកាលពីដើមខែឧសភា ឆ្នាំ១៩៤៥ ក្រោយការចុះចាញ់របស់អាល្លឺម៉ង់ណាហ្ស៊ីហើយបណ្តានាយទាហានរុស្ស៊ីជាអ្នកផ្តល់ឱ្យលោកនូវទូរស័ព្ទនេះរួចតាំងពីនោះមកកូនប្រុសលោកជាអ្នករក្សាទុក ៕
ចែករំលែកព័តមាននេះ