ADផ្ទាំងផ្សព្វផ្សាយពាណិជ្ជកម្ម

Picture

ស្ងាត់ៗ! ធ្លាយរឿងស្ត្រី៦នាក់សកម្មជនរបស់គណបក្សលោក ខឹម វាសនា ត្រូវបានដោះលែង និងកំពុងនៅចម្ការជើងភ្នំគូលែន

2 ខែ មុន
  • សៀមរាប

សៀមរាប​៖ តាម​ប្រភព​ព័ត៌មាន​ដែល​ទទួល​បានឱ្យ​ដឹង​ថា ស្ត្រី​៦ នាក់​សកម្មជន​របស់ គណបក្ស​សម្ព័ន្ធ​ដើម្បី​ប្រជាធិបតេយ្យ ហៅ​កាត់​ថា LDP របស់ លោក ខឹ​ម…

សៀមរាប​៖ តាម​ប្រភព​ព័ត៌មាន​ដែល​ទទួល​បានឱ្យ​ដឹង​ថា ស្ត្រី​៦ នាក់​សកម្មជន​របស់ គណបក្ស​សម្ព័ន្ធ​ដើម្បី​ប្រជាធិបតេយ្យ ហៅ​កាត់​ថា LDP របស់ លោក ខឹ​ម វាសនា ត្រូវ​បាន​ដោះ​លែង​ពី​ពន្ធនាគារ​តាំងពី​ថ្ងៃ​ទី ៦ ខែកញ្ញា ឆ្នាំ​២០២២ មក​ម្លេះ​។ អ្វី​ដែល​សំខាន់​នោះ គឺ​ស្ត្រី​ទាំង ៦​នាក់​បាន​និង​កំពុង​ស្នាក់​នៅ​ក្នុង​ចម្ការ​នៅ​ជើងភ្នំ​គូលែន​របស់​គណបក្ស​ជួង​ទៀត​ផង​។

Picture

ប្រាកដ​ណាស់ ស្ត្រី​ទាំង ៦ រូប​ដែល​ជា សកម្មជន គណបក្ស LDP ដែល​តុលាការ​សម្រេច​ឃុំខ្លួន​បណ្ដោះអាសន្ន កាលពី​ល្ងាច ថ្ងៃ​ទី ២ ខែ កញ្ញា ឆ្នាំ​២០២២ នេះ ត្រូវ បាន ដោះ​លែង ឱ្យ នៅ​ក្រៅ​ឃុំ វិញ​ហើយ បច្ចុប្បន្ន កំពុង​រស់នៅ​ក្នុង​ដីចម្ការ​ម្រេច នៅ​ជើងភ្នំ​គូលែន ស្រុក​បន្ទាយស្រី ខេត្តសៀមរាប​។ នេះ​បើ​យោង​តាម ប្រសាសន៍​របស់ តំណាង​អយ្យការ​អម​សាលាដំបូង​ខេត្តសៀមរាប បាន​ប្រាប់​ភ្នាក់ងារ​កោះសន្តិភាព​យើង តាម​ទូរស័ព្ទ​នៅ​នៅ ព្រឹក ថ្ងៃ​ទី​១៦ ខែកញ្ញា​ឆ្នាំ​២០២២ នេះ​។

Picture

សូម​រម្លឹក​ថា តុលាការ​ខេត្តសៀមរាប បាន​សម្រេច​ឃុំខ្លួន​ស្ត្រី​ទាំង​៦​នាក់ ដែល​ជា​សកម្មជន​របស់​គណបក្ស​សម្ព័ន្ធ​ដើម្បី​ប្រជាធិបតេយ្យ (LDP) ដាក់​ពន្ធនាគារ​ជា​បណ្តោះអាសន្ន ដោយ​ចោទប្រកាន់​ពី បទ «​ប្រឆាំង​នឹង​មន្ត្រីរាជការ​សាធារណៈ​ដោយ​មាន​ស្ថាន​ទម្ងន់ទោស​» តាម​មាត្រា​៥០៣ និង ៥០៥ នៃ​ក្រមព្រហ្មទណ្ឌ​។ ស្ត្រី​ទាំង ៦​នាក់ ត្រូវ​បាន​សមត្ថកិច្ច​ឃាត់ខ្លួន នៅ​ចំណុច​ប៉ុស្តិ៍​ហាម​មុខ​ដីចម្ការ ស្ថិត​ក្នុង​ឃុំ​ត្បែង ស្រុក​បន្ទាយស្រី កាលពី​ល្ងាច​ថ្ងៃ​ទី​០១ ខែកញ្ញា​។

Picture

មនុស្ស​ទាំង​៦​នាក់​នាក់​ក្នុង​នោះ​រួម​មាន​៖ ​ទី​១៖ ឈ្មោះ ឈិ​ត ស្រី​ឡា​ង។ ទី​២ ៖ ឈ្មោះ ថុ​ង ដា​រ៉ា​ស៊ី។​ទី​៣៖ ឈ្មោះ អ៊ី សូ​ជី​ង។​ទី​៤៖ ឈ្មោះ ជុំ ខុ​ម
ទី​៥៖ ឈ្មោះ ភួង ស​ម្ភ​ស្ស​បូ​ផា។​ទី​៦៖ ឈ្មោះ កូវ ឡោ​។ដើមចម​នៃ​ការ​ឃាត់ខ្លួន​អ្នក​ទាំង​៦​នាក់​នោះ គឺ​ពេល​ពួក​គេ​បាន​ជិះ​រថយន្ត​រួម​គ្នា​ដឹក​បន្លែ​ចូល​តំបន់ហាមឃាត់ ហើយ​បាន​ជិះ​រថយន្ត​ទៅ​បុក​បា​រ៉ា​ស់​របស់​សមត្ថកិច្ច​បាក់​អស់​២​កន្លែង​។ ក្រោយមក​អ្នក​ទាំង ៦ ត្រូវ​បាន​ចោទប្រកាន់​ថា បាន​ប្រើ​ហិង្សា​មក​លើ​សមត្ថកិច្ច ថែម​ទាំង​ធ្វើការ​រេ​រាំង​ក្នុង​ប្រតិបត្តិការ​របស់​សមត្ថកិច្ច និង​ជេរ​ប្រមាថ​លើ​សមត្ថកិច្ច​ថែម​ទៀត ទើប​សមត្ថកិច្ច​អនុវត្ត​វិធានការ​ច្បាប់​តែ​ម្តង​។

Picture

ងាក​មក​ស្ថានភាព​ជាក់ស្តែង​នៅ​ចម្ការ​របស់​សមាជិក​គណបក្ស​ជួង​នេះ​វិញ គិត​ពី ម៉ោង ៦ ព្រឹក ដល់ ម៉ោង ១២ ថ្ងៃត្រង់ ថ្ងៃ​ទី ១៦ ខែ កញ្ញា ឆ្នាំ ២០២២ សរុប​មាន​មនុស្ស​ចេញពី​ដីចម្ការ​នេះ ចំនួន ៥៣ នាក់ ស្រី ២៧ នាក់ ក្មេង ១០ នាក់ ម៉ូតូ ៤ គ្រឿង រឺ​ម៉ក ២ គ្រឿង​។ ខណៈ​តាម​ការ​ប៉ាន់ស្មាន​របស់​សមត្ថកិច្ច​នៅ​មាន​មនុស្ស​ប្រមាណ​ជិត​១​ពាន់​នាក់​បន្ត​ក្រាញ់ននៀល​នៅ​ដីចម្កា​រទាំង​២​កន្លែង​នេះ​ដដែល​។

Picture

បន្ថែម​ពីលើ​នេះ ការ​ប្រកាស​របស់​តំណាង​គណបក្ស LDP ឱ្យ​បងប្អូន​ប្រជាពលរដ្ឋ ក៏​ដូច​ជា​សកម្មជន​បក្ស រំសាយ ចេញ​ឱ្យ​អស់ពី​ចម្ការ នោះ​ជា​ល្បិច​កល​របស់​មេ​បក្ស ជួង ដើម្បី​បោក​បញ្ឆោត សមត្ថកិច្ច ប៉ុណ្ណោះ ក្នុង​ចេតនា​ដើម្បី​ឱ្យ​សមត្ថកិច្ច​ដក​កម្លាំង ហើយ​ក្រុម​ខ្លួន​អាច​ចេញ​យក​ស្បៀង​ចូល ប៉ុន្តែ​មិន​បាន​ដូច​បំណង បែរជា​សមត្ថកិច្ច​រឹត​បន្តឹង គ្រប់​ច្រកល្ហក លើស​ដើម នេះ​បើ​តាម ប្រភព​ពី​សមត្ថកិច្ច ។ បើ​តាម​ប្រភព​ពី​សមត្ថកិច្ច​ដដែល​បាន​ប្រាប់​នៅ​ព្រឹក​ថ្ងៃ​ទី​១៦ ខែកញ្ញា ឆ្នាំ​២០២២ នេះ ថា ខណៈ​មាន​ពលរដ្ឋ​បន្ត​ចាក​ចេញពី​ដីចម្ការ​នោះ ក៏​នៅ​មាន​ប្រជាពលរដ្ឋ និង សកម្មជន ដែល​មក​ស្នាក់​នៅ​ជំរុំ បរិវេណ​ដីចម្ការ​ម្រេច របស់​លោក ខឹ​ម វាសនា ប្រធាន​គណបក្ស LDP មិន ព្រម​ចាកចេញ នៅ​ក្រា​ញន​នេ​ល សល់​ប្រមាណ​ជាង ១ពាន់នាក់ ប៉ុណ្ណោះ ។

Picture

ប្រភព​បាន​បញ្ជាក់​ទៀត​ថា សមត្ថកិច្ច​នគរបាល ចម្រុះ​នៃ​ស្នងការដ្ឋាន​នគរបាល​ខេត្តសៀមរាប នៅ​តែ យាមកាម យ៉ាង​តឹង​រឹង តាម​បទបញ្ជា របស់​ថ្នាក់ ដឹកនាំ ព្រមទាំង រក្សា​នូវ​ឥរិយា​បទ​សម្របសម្រួល ដដែល មិន​ឱ្យ​កម្លាំង​សមត្ថកិច្ច ចូល ទៅ​បំបែកបំបាក់ ក្រុម​ហ្វូង សកម្មជន ឬ ប្រជាពលរដ្ឋ ដែល​មក​ស្នាក់​នៅ​ទីនោះ​ឡើយ ដោយសារខ្លាច​ប៉ះពាល់​ដល់​ប្រើ​អំពើ​ហិ.ង្សានោះ​ឡើយ​៕

Picture
Picture
Picture
Picture
Picture
Picture
Picture
Picture
Picture