ចិនផ្អាកនាំចូលធ្យូងថ្មកូរ៉េខាងជើង
ក្នុងកំណត់ហេតុមួយចេញផ្សាយជាសាធារណៈក្រសួងពាណិជ្ជកម្មចិនគូសបញ្ជាក់កាលពីថ្ងៃទី១៨ កុម្ភៈថា ចិននឹងផ្អាកការនាំចូលធ្យូងថ្មមកពីកូរ៉េខាងជើងចាប់ពីថ្ងៃទី១៩ កុម្ភៈទៅ ។
ក្នុងកំណត់ហេតុមួយចេញផ្សាយជាសាធារណៈក្រសួងពាណិជ្ជកម្មចិនគូសបញ្ជាក់កាលពីថ្ងៃទី១៨ កុម្ភៈថា ចិននឹងផ្អាកការនាំចូលធ្យូងថ្មមកពីកូរ៉េខាងជើងចាប់ពីថ្ងៃទី១៩ កុម្ភៈទៅ ។
ក្នុងកំណត់ហេតុមួយចេញផ្សាយជាសាធារណៈក្រសួងពាណិជ្ជកម្មចិនគូសបញ្ជាក់កាលពីថ្ងៃទី១៨ កុម្ភៈថា ចិននឹងផ្អាកការនាំចូលធ្យូងថ្មមកពីកូរ៉េខាងជើងចាប់ពីថ្ងៃទី១៩ កុម្ភៈទៅ ។
ក្រសួងនោះបញ្ជាក់ថា ការផ្អាកនេះនឹងស្ថិតជាធរមានរហូតដល់ថ្ងៃទី៣១ ធ្នូ ។ ពុំមានការពន្យល់ពីហេតុផលនៃការសម្រេចចិត្តនោះរបស់អាជ្ញាធរចិនឡើយ ក៏ប៉ុន្តែទីភ្នាក់ងារព័ត៌មានកូរ៉េខាងត្បូង YONHAP គូសបញ្ជាក់កាលពីសប្តាហ៍មុនថាបណ្តាទំនិញធ្យូងថ្មកូរ៉េខាងជើងត្រូវបានច្រានចេញវិញនៅកំពង់ផែ WENZHOU របស់ចិន ។
វិធានការនេះត្រូវបានចាត់ក្រោយការបាញ់សាកល្បងមីស៊ីលបាលីស្ទិករយៈឆ្ងាយរបស់កងទ័ពកូរ៉េខាងជើងជា ការសាកល្បងមីស៊ីលប្រភេទនោះលើកដំបូងចាប់តាំងពីលោកដូណាល់ ត្រាំ ចូលកាន់កាប់សេតវិមានមក ។
ចិនធ្លាប់គូសបញ្ជាក់កាលពីខែមេសា ឆ្នាំ២០១៦ថា ខ្លួននឹងផ្អាកការនាំចូលធ្យូងថ្មកូរ៉េខាងជើងជាការអនុវត្តទណ្ឌកម្មដែលសម្រេចដោយក្រុមប្រឹក្សាសន្តិសុខអ.ស.ប ដើម្បីរារាំងក្រុងព្យុងយ៉ាងកុំឱ្យអាចមានប្រាក់សម្រាប់ផ្គត់ផ្គង់ដល់កម្មវិធិនុយក្លេអ៊ែរនិងបាលីស្ទិករបស់ខ្លួន ។
កូរ៉េខាងជើងកាលពីឆ្នាំ២០១៦ ជាអ្នកផ្គត់ផ្គង់ធ្យូងថ្មធំទី៤ដល់ចិនក្នុងទំហំ២២,១៨លានតោនដែលមានការកើនឡើង១៤,៥%បើប្រៀបធៀបទៅនឹងឆ្នាំ២០១៥ ៕
ចែករំលែកព័តមាននេះ