អ្វីដែលយើងបរិភោគ និងផឹកអាចប៉ះពាល់ដោយផ្ទាល់ដល់រចនាសម្ព័ន្ធនៃខួរក្បាល ដែលជាលទ្ធផលក៏មានឥទ្ធិពលលើមុខងារខួរក្បាលផងដែរ ។
វារួមទាំងការសំយោគ និងមុខងារនៃសារធាតុបញ្ជូនសញ្ញា
អ្វីដែលយើងបរិភោគ និងផឹកអាចប៉ះពាល់ដោយផ្ទាល់ដល់រចនាសម្ព័ន្ធនៃខួរក្បាល ដែលជាលទ្ធផលក៏មានឥទ្ធិពលលើមុខងារខួរក្បាលផងដែរ ។
វារួមទាំងការសំយោគ និងមុខងារនៃសារធាតុបញ្ជូនសញ្ញាសរសៃប្រសាទ ព្រមទាំងវត្តមាន ឬអវត្តមាននៃការរលាក។ គ្រូពេទ្យជំនាញវិកលចរិតភាគច្រើនបរាជ័យក្នុងការឱ្យតម្លៃចំពោះតួនាទីនៃអាហារូបត្ថម្ភចំពោះសុខភាពផ្លូវចិត្ត។ ថ្នាំតែមួយមុខមិនអាចជួយអ្នកបានទេប្រសិនបើអ្នកទទួលទានតែអាហារគ្មានជីវជាតិគ្រប់គ្រាន់ ។
សារជាតិ Serotonin Dopamine និង Norepinepherine គឺជាសារធាតុបញ្ជូនសញ្ញាសរសៃប្រសាទទាំងបីដែលអាចបណ្តាលឲ្យមានបញ្ហាផ្លូវចិត្ត ។
ដើម្បីធានាឲ្យបាននូវការផលិត និងមុខងាររបស់សារធាតុបញ្ជូនសញ្ញាសរសៃប្រសាទមានស្ថិរភាព យើងត្រូវការបរិមាណសារធាតុចិញ្ចឹមឲ្យបានគ្រប់គ្រាន់ជារៀងរាល់ថ្ងៃ ។ កង្វះសារធាតុចិញ្ចឹម និងវីតាមីននឹងធ្វើឲ្យអ្នកមានជំងឺទាក់ទងនឹងអារម្មណ៍ដូចជាជំងឺធ្លាក់ទឹកចិត្ត ។ ខាងក្រោមនេះគឺជាសារធាតុចិញ្ចឹមមួយចំនួនដែលអ្នកគួរទទួលទានឲ្យបានគ្រប់គ្រាន់ដើម្បីទប់ស្កាត់កុំឲ្យមានជំងឺធ្លាក់ទឹកចិត្ត ។
១-អាស៊ីតខ្លាញ់អូមេហ្គា ៣
អាស៊ីតខ្លាញ់អូមេហ្គា ៣ ជំនួយដល់មុខងារណឺរ៉ូន និងបន្ថយការរលាក ដែលជាមូលហេតុដែលការស្រាវជ្រាវគាំទ្រតួនាទីនៃអាស៊ីតខ្លាញ់អូមេហ្គា ៣ ក្នុងការកាត់បន្ថយរោគសញ្ញានៃជំងឺធ្លាក់ទឹកចិត្ត (និងជំងឺទាក់ទងនឹងអារម្មណ៍ផ្សេងទៀត) ។
អាស៊ីតខ្លាញ់អូមេហ្គា ៣ DHA មានសារសំខាន់សម្រាប់រចនាសម្ព័ន្ធកោសិកាខួរក្បាល (ណឺរ៉ូន) ។ ប្រសិនបើរបបអាហាររបស់អ្នកមិនមានអាស៊ីតខ្លាញ់នេះគ្រប់គ្រាន់ ខ្លាញ់ដទៃទៀតនឹងដណ្តើមកន្លែងរបស់វា ដូចជាជាតិខ្លាញ់មិនឆ្អែតដែលអាចបង្កបញ្ហា ។ ជាតិខ្លាញ់មិនឆ្អែតអាចបង្កើនការរលាក និងបង្កើនហានិភ័យនៃជំងឺធ្លាក់ទឹកចិត្ត ។
២-អីុយ៉ូត
អីុយ៉ូតត្រូវបានគេគិតថាជាវីតាមីនD ប្រភេទថ្មី ។ អីុយ៉ូតមានសារសំខាន់សម្រាប់ក្រពេញទីរ៉ូអីុត ដែលជាក្រពេញដ៏ចម្បងក្នុងការរំលាយអាហារ ។ ពួកយើងភាគច្រើនទទួលទានជាតិអ៊ីយ៉ូតមិនគ្រប់គ្រាន់ ដោយសារវាភាគច្រើនត្រូវបានយកចេញពីអាហាររបស់យើង ។ ជាតិអ៊ីយ៉ូតជាមធ្យមត្រូវបានគេកាត់បន្ថយពី៨០០ មីក្រូក្រាមក្នុងមួយថ្ងៃទៅ១៣៨-៣៥០ មីក្រូក្រាមក្នុងមួយថ្ងៃ។ អាហារដែលសម្បូរទៅដោយអ៊ីយ៉ូតមានសារាយ ត្រី cod និងអំបិលអីុយ៉ូដ។
៣-ស័ង្កសី
ស័ង្កសីសំខាន់សម្រាប់ការផលិត និងមុខងារសារធាតុបញ្ជូនសញ្ញាសរសៃប្រសាទ ។ ស័ង្កសីក៏មានការចាំបាច់សម្រាប់ប្រព័ន្ធរំលាយអាហារនិងប្រព័ន្ធភាពស៊ាំ ។ ស័ង្កសីភាគច្រើនបំផុតត្រូវបានគេរកឃើញនៅក្នុងបំពង់រំលាយអាហារ។ បំពង់រំលាយអាហារដែលមានសុខភាពល្អក៏ចាំបាច់ចំពោះសុខភាពផ្លូវចិត្តល្អផងដែរ ព្រោះសារធាតុ serotonin ប្រហែល៩0% និង dopmine ប្រហែល៥0% ត្រូវបានផលិតនៅក្នុងពោះវៀនតូច។ អាហារដែលសម្បូរស័ង្កសីមានអយស្ទ័រ ក្តាម សាច់គោ សាច់ចៀម សាច់ជ្រូក សាច់មាន់ បន្លែ គ្រាប់ស្វាយចន្ទី និងវីតាមីនចម្រុះ ជាមួយសារធាតុរ៉ែ ។
៤-ម៉ាញ៉េស្យូម
ម៉ាញ៉េស្យូមជួយភ្ញោចអង់ហ្ស៊ីមដែលចាំបាច់សម្រាប់ការផលិតសារធាតុ serotonin dopamine និង norepinepherine ។ ថ្នាំគ្រាប់ម៉ាញេស្យូមអាចជួយបំពេញតម្រូវការម៉ាញេស្យូមអប្បបរមាប្រចាំថ្ងៃរបស់យើង និងជួយកាត់បន្ថយបញ្ហាធ្លាក់ទឹកចិត្តដោយចៀសវាងបញ្ហាកង្វះម៉ាញេស្យូម ។ អាហារដែលសម្បូរម៉ាញេស្យូមមានគ្រាប់ធញ្ញជាតិ និងគ្រាប់ពូជរុក្ខជាតិ បន្លែពណ៌បៃតងចាស់ និងសូកូឡាខ្មៅ ៕
ចែករំលែកព័តមាននេះ