ស្ត្រីម្នាក់យំបណ្តើរ រៀបរាប់បណ្តើរទាំងតក់ស្លុត
រាជធានីភ្នំពេញ ៖ មុខសញ្ញាក្រុមចោរលួចចំនួន៣នាក់ ក្នុងនោះមានក្មេងប្រុសម្នាក់ ដែលមានរហស្សនាមថា ជាក្ដឹបចោរផងនោះ តែងតែធ្វើសកម្មភាពលួចគាស់ផ្ទះប្រជាពលរដ្ឋ …
រាជធានីភ្នំពេញ ៖ មុខសញ្ញាក្រុមចោរលួចចំនួន៣នាក់ ក្នុងនោះមានក្មេងប្រុសម្នាក់ ដែលមានរហស្សនាមថា ជាក្ដឹបចោរផងនោះ តែងតែធ្វើសកម្មភាពលួចគាស់ផ្ទះប្រជាពលរដ្ឋ …
រាជធានីភ្នំពេញ ៖ មុខសញ្ញាក្រុមចោរលួចចំនួន៣នាក់ ក្នុងនោះមានក្មេងប្រុសម្នាក់ ដែលមានរហស្សនាមថា ជាក្ដឹបចោរផងនោះ តែងតែធ្វើសកម្មភាពលួចគាស់ផ្ទះប្រជាពលរដ្ឋ និងបន្ទប់ជួលដែលកម្មកររោងចក្រស្នាក់នៅ យ៉ាងស្ទាត់ជំនាញ និងសកម្ម ហើយចុងក្រោយនេះ បានធ្វើសកម្មភាពចូលលួចយកកាបូបលុយរបស់ស្ត្រី ដែលជាអាជីវករលក់ដូរនៅក្នុងផ្សារពោធិ៍ចិនតុងម្នាក់។
នៅក្នុងកាបូបនោះ មានលុយរួមនឹងគ្រឿងអលង្ការសរុបចំនួនប្រមាណជាង៣ពាន់ដុល្លារ នៅពេលដែលស្ត្រីរូបនោះ បានទុកកាបូបនៅក្រោមគ្រែកន្លែងលក់ដូរ ហើយរវល់តែទៅបត់ជើងតូច ប៉ុន្តែខណៈនោះបានអ្នកជិតខាងឃើញទាន់ក៏ប្រាប់ទៅម្ចាស់កាបូប និងស្រែកឆោរឡោបង្កឲ្យមានការភ្ញាក់ផ្អើល ហើយដេញតាមចាប់បានម្នាក់ គឺក្ដឹបចោរ និងបានដកហូតកាបូបលុយបានមកវិញ ចំណែកឯបក្សពួកបានគេចខ្លួនបាត់។
ហេតុការណ៍នោះបានកើតឡើងកាលពីវេលាម៉ោង១រសៀល ថ្ងៃទី១៥ ខែកុម្ភៈ ឆ្នាំ២០១៧ នៅក្នុងផ្សារកណ្ដាលជិតរោងចក្រកាត់ដេរកង់រទេះ ស្ថិតក្នុងភូមិក្បាលដំរី សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។
ក្ដឹបចោរដែលត្រូវចាប់ខ្លួននោះឈ្មោះ ឆ្លាំង អាយុ១៣ឆ្នាំ ស្នាក់នៅម្ដុំវត្តគោកបញ្ជាន់ ស្ថិតនៅក្នុងភូមិចោមចៅ សង្កាត់ចោមចៅ ខណ្ឌពោធិ៍សែនជ័យ ចំណែកបក្សពួក២នាក់ទៀត មិនត្រូវបានស្គាល់ឈ្មោះនោះឡើយ ពួកគេជិះម៉ូតូ១គ្រឿង ម៉ាកស៊ីទីសេ១០០កូរ៉េ ពណ៌ក្រហម ពាក់ស្លាកលេខតាកែវ 1H-5475។ ដោយឡែកស្ត្រីជាម្ចាស់កាបូបលុយឈ្មោះ គង់ ធីតា អាយុ៣៥ឆ្នាំ មានទីលំនៅក្នុងភូមិ-កើតហេតុខាងលើ ជាអាជីវករលក់ដូរនៅក្នុងផ្សារពោធិ៍ចិនតុង ហើយនៅក្នុងកាបូបនោះ មានលុយដុល្លារ២.១០០ដុល្លារ និងប្រាក់រៀលជាច្រើន ព្រមទាំងគ្រឿងអលង្ការមួយចំនួនទៀត សរុបជាង៣ពាន់ដុល្លារ។
ភ្លាមៗនោះស្ត្រីខាងលើនោះបានទាំងយំស្រែកយ៉ាងខ្លាំង ព្រោះមានការតក់ស្លុតចំពោះការបាត់បង់កាបូបលុយ ទោះបីជាក្រោយមកនគរបាលចាប់បានចោរ និងយកបានកាបូបលុយវិញ ក៏គាត់នៅតែយំដែរ ព្រោះទប់ចិត្តមិនបាន។ ស្ត្រីម្ចាស់កាបូបនោះបាននិយាយផង យំផងថា លុយទាំងអស់នោះ គឺម៉ូយដែលជំពាក់ថ្លៃទិញទំនិញ ទើបសងមកឲ្យគាត់ថ្មីៗ ហើយគាត់មិនទាន់បានយកទៅទុកដាក់នៅឡើយ ។ ដោយឡែកនៅមុនពេលកើតហេតុ គាត់ បានទុកកាបូបលុយខាងលើនៅក្រោមគ្រែក្នុងកន្លែងលក់ដូរ បន្ទាប់មកគាត់បានទៅបត់ជើងតូចមួយភ្លែត ប៉ុណ្ណោះ។ លុះពេលចេញមកវិញស្រាប់តែអ្នកជិតខាងប្រាប់ថា កាបូបលុយនោះ ត្រូវបានចោរលួចបាត់ហើយ ទើបគាត់ស្រែកឆោរឡោ ភ្លាមៗនោះកម្លាំងនគរបាលក៏បានជួយដេញតាម រហូតដល់ចំណុចមុខអាកាសយាន ដ្ឋានអន្តរជាតិភ្នំពេញ ស្ថិតក្នុងភូមិព្រៃទា សង្កាត់ចោមចៅ ទើបក្រុមវាផ្ដួលម៉ូតូចោលរត់គេចខ្លួន ហើយកម្លាំងបានចាប់ម្នាក់ ឯ២នាក់ទៀតគេចខ្លួនបាត់។
ក្រោយមកនគរបាលប៉ុស្ដិ៍ចោមចៅ បានបញ្ជូនក្មេងប្រុសដែលជាជនសង្ស័យទៅកាន់ប៉ុស្ដិ៍នគរបាលកាកាប ដើម្បីសាកសួរ និងកសាងសំណុំរឿង។
ប្រជាពលរដ្ឋបាននិយាយថា កុំមើលងាយក្ដឹបចោរម្នាក់នេះ ព្រោះគេមានជំនាញខាងលួចខ្លាំងណាស់ គេមានក្រុមរបស់គេទាំងអស់មានគ្នាចំនួន៣នាក់ ដែលបក្សពួក២នាក់ទៀត គឺជាមនុស្សពេញវ័យ ហើយកន្លងមកក្រុមនេះគឺជាមុខសញ្ញាលួចដ៏សកម្មបំផុត ប្រទះអីលួចនឹង។ ក្រៅពីលួចរបស់ដែលម្ចាស់គេទុកប្រហែសនោះ ក្រុមនេះ គឺជាមុខសញ្ញាគាស់ផ្ទះយ៉ាងសកម្មទាំងយប់ទាំងថ្ងៃ ជាពិសេសគាស់បន្ទប់ជួលដែលកម្មករជួលស្នាក់នៅ និងបានគេចខ្លួនរួចរហូត ទើបពេលនេះត្រូវចាប់ខ្លួនបានម្នាក់ ឯបក្សពួក២នាក់ទៀតរត់រួចដដែល៕
ចែករំលែកព័តមាននេះ