ស.ពបុរសម្នាក់ត្រូវគេដឹកមកទុកនៅវត្តស្ទឹងមានជ័យ ខណៈគណៈកម្មការអាចារ្យប្រកាសរកសាច់ញាតិ
- ភ្នំពេញ
រាជធានីភ្នំពេញ ៖ កាលពីថ្ងៃទី៧ ខែកញ្ញា ឆ្នាំ២០២២ មានសាកស.ពបុរសម្នាក់ មិនស្គាល់អត្តសញ្ញាណ
រាជធានីភ្នំពេញ ៖ កាលពីថ្ងៃទី៧ ខែកញ្ញា ឆ្នាំ២០២២ សាកស.ពបុរសម្នាក់ មិនស្គាល់អត្តសញ្ញាណ ត្រូវបានគេដឹកយកទៅទុកនៅឈាបនដ្ឋានវត្តស្ទឹងមានជ័យ ស្ថិតក្នុងសង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ។
សាកស.ពបុរសមួយរូបខាងលើនោះមានអាយុចន្លោះពី៣០ទៅ៤០ឆ្នាំ កម្ពស់១,៦០ម៉ែត្រ ទៅ១,៧០ម៉ែត្រ សម្បុរសណ្តែកបាយ សក់ស្លូតវែង ពុកមាត់តិចៗ ស្លៀកខោខ្លីពណ៌ខ្មៅ ដៃខាងឆ្វេងមានពាក់នាឡិកា ពណ៌ខ្មៅ ខ្សែស្បែក និងមានសាក់រូបនាគ ពីស្មាដល់កដៃ ។
អាស្រ័យដូចបានរៀបរាប់តាមភិនភាគខាងលើ ប្រសិនជាសាច់ញាតិ ក្រុមគ្រួសារ បងប្អូន មិត្តភក្តិ បានដឹងនូវសេចក្តីជូនដំណឹងនេះហើយ សូមរួសរាន់ទៅទាក់ទងគណៈកម្មការឈាបនដ្ឋានវត្តស្ទឹងមានជ័យ ដើម្បីទទួលយកស.ពធ្វើបុណ្យតាមប្រពៃណី ។
សូមបញ្ជាក់ថា គណៈកម្មការឈាបនដ្ឋានវត្តស្ទឹងមានជ័យ មិនអាចតម្តល់សាកស.ពទុកឱ្យលើសរយៈពេល៧ថ្ងៃនោះបានទេ ហើយប្រសិនជាដល់ថ្ងៃកំណត់ មិនឃើញមានសាច់ញាតិ ឬក្រុមគ្រួសារទៅទទួលយកទេ គណៈកម្មការអាចារ្យព្លុកសម្រេចបូជាស.ពតែម្តង ៕
ចែករំលែកព័តមាននេះ